اتصدم انس اول ما شاف ماهي . واقفه قدامه
و شعرها المبلول النازل على وشها
و البورنس القصير اللابساه ..!
فضل متنح لها . ماكنش عارف يقول ايه
حس بمشاعره كلها بتتحرك و بطريقه غريبه ..!
اتثبتت ماهي فى مكانها
وشها احمر من الاحراج . مش عارفه تعمل ايه .. التوتر بان على ملامحها
لحظات صمت جمعت الاتنين
رجعت ماهي لورا و هي متوتره و مكسوفه .. و عايزه تجري من قدامه .. وفاجئه .
اتزحلقت رجليها لورا.
مسكها انس قبل ما تقطع على الارض و هما الاتنين وقعو على بعض ..
بص انس لقي وشه فى وش ماهي .. مكانتش قادره تشيل عنيها من عليه
وقتها لمح جرح فى كتفها .. ماحسش بنفسه غير و هو بيمد اديه على كتفها برقه
و لمس الجرح الفى كتفها وقال .
هو العمل فيكي كده
بصت ماهي لانس .. وكأنها فهمت هو بيقول ايه .
هزت راسها ب آآه 😞
كل احاسيس انس بتتحرك .. وكأنه لاول مره بيتعامل مع بنت
و مش اي بنت .. بنت تحرك كيان الجبل .. ملامحها الفى منتهي الانوثه .. نعومتها ..وكأنه اول مره ياخد باله اد ايه هي جميله
عنيه جات فى عنيها , حرك اديه برقه على رقبتها و قربها عليه اكتر
نبضات قلب ماهي زادت اكتر و اكتر . وكأن دي اللحظه الاتمنتها طول حياتها
انها تكون بين اديه .. نسيت اوجاعها . نسيت كل الحصل لها
وماحستش غير برغبتها فة حبه .. رغبتها انها تكون فى حضنه و بس
و بعد ما اتلاقت انفاسهم .. لحظات صمت
كل واحد بيبص فى عيون التاني ..
قرب انس عليها اكتر و من غير تفكير وقبل ما يبوسها
قاوم رغبته فى اخر لحظه ..
وقتها حس ان في حد واقف قدامهم .! بص انس لقي سلين واقفه قدامه هو و ماهي
قام انس و هو بيبص لسلين وقال : انتي دخلتي ازاي
سلين : دخلت ازاي .. دخلت ازاي يعني ايه ...مين دي
عدلت ماهي نفسها و هي محرجه و قامت بسرعه من على الارض
انس : انا مش مضطر اوضح لك مين دي .. انتي ايه الجابك دلوقتي
سلين : اتكلم و قول مين دي .. مين دي
قربت سلين على ماهي و هي بتزعق و شدتها من البورنس و قالت له : مين دي يا انس اتكلم
انس : قولتلك مش مضطر اوضح لك حاجه ..! و لو سمحتي اخرجي من هنا دلوقتي
سلين : هي الهتخرج و دلوقتي حالا
شددتت سلين ماهي و جرتها بره البيت و هي بتصرخ فيها و بتقول .. ماشوفش وشك تاني يا سافله
اوعي تيجي هنا تاني ..
حست ماهي احساس غريب .. احاس هز كيانها ؟؟
كانت مصدومه من الحصل بس احساسها فاق صدمتها . وكأنها فهمت كلام سلين . كأنها عارفه هي بتقول ايه و كأنها سمعت الجمله دي قبل كده !!
مسك انس ايد سلين و شدها وقال : انتي مجنونه .؟؟ انتي ازاي تعملي كده
سبيها
سلين : هي هتخرج يعني هتخرج .. دي واحده حيوانه اكيد . جايبها من الشارع زي عوايدك
وقتها ضرب انس سلين بالقلم و قال : اخرسييي
أنت تقرأ
اريد قلبك
Romanceهى يتيمه متعلقه بحلم و هو مقابله فارس احلامها ولكن ليس كل ما نتمنه يتحقق او يمكن ان يتحقق ولكن بعد فوات الاوان هو لعب كره مشهور تركى الجنسيه يكره والده و زير نساء للكاتبه shadoo
