اريد قلبك

١٢

جزء من الحلقه السابقه .
قالت لنفسها . اكيد خرج .. اكيد مالقاش ال عايز يسرقه .
قامت بالراحه بعد ما بصت شمال و يمين . بس مالقتهوش .
جريت على بابا الشقه و قفلتوا كويس . قالت لنفسها اكيد خرج .
جريت بسرعه و اتصلت بانس تاني .
وقتها انس رد على التليفون و قال : ماهي انا فى اجتماع مهم .
ماهي : انس الحقني . في واحد دخل الشقه و كان معاه سكينه و اختفي .
قام انس مفزوع و قالها : ا انتي بتقوووولي ايه .. انتي كويسه .
ماهي : ايوه انا بخير انا استخبيت .اجروك تعالي انا خايفه اووي .. وقبل ما تكمل كلامها . مسكها واحد من ظهرها و كتفها .
سمع انس صوت صريخ عالي
ماهي : اااااااااااااااه سبنيييييي . انس الحقنيييييييي ااااااااااااه .
انس : ماااهييييييي .. ماااهيييي ردي عليااااا .
خرج انس من الاجتماع و الخط على ودنه و فضل يجري بسرعه لحد ما وصل للعربيه .
كان سامع تكسير فى الشقه و صريخ ماهي .
انس : سبهااا . سبهاااااا ارجووووووووك.سبها و هعملك ال انت عايزوووووو ..
وفاجئه الخط فصل .

فضلت ماهي تصرخ و تحاول تقاوم بس ماقدرتش
.. اتحركت كتير و كتير زقته اكتر من مره و وقعوا على الارض .
بس قدر يكتفها و يحط السكينه على رقبتها
ماهي : ابوس ايدك سبني .. انت بتعمل كده ليه
بدات ماهي تحس بألم السكينه ال على رقبتها . ال اتجرحت من شدتها .
وفاجئه . لقت نفسها واقعه على الارض و حد زقها .
لفت وشها و هي مرعوبه و مصدومه
لقت ال حاول يقتلها بيتخانق مع حد . اتوقعت ماهي انه انس . فضلت تصرخ
بس كل حاجه مشوشه من شددت الخبطه
وبعد لحظات . لقت ماهي ال حاول يقتلها اتضرب بالسكينه و وقع ميت على الارض
. بدات تاخد نفاسها بصعوبه . لقت واحد بيقرب عليها . ملامحه ماكنتش باينه
ولما قرب اكتر سمعت صوت :
انتي كويسه . ماهي ردي عليا .
وبعد ما بدات تستوعب ايه ال بيحصل . و شافت ملامحه كويس .
لقته سامح .
رجعت ماهي لورا و قبل ما تصرخ حط سامح اديها على بوئها
سامح : انا مش جي اذييكي . ارجوكي اهدي
نزلت الدموع من على عنيها و هي منهاره
سامح : انتي بخير ؟؟ اتجرحتي
بص سامح على رقبتها لقي في جرح .. و دم نازل منها
سامح : ماهي انتي بخير . ردي عليا :$
ماهي : ابعد عني . ارجووووك سبنيي بقي
سامح : انا مش جي اذيكي و لو كنت عايز ااذيكي كنت عملتها
قبل كده . انا ماقدرتش اعمل فيكي حاجه
ماهي : ونسيت ال عملته فياااا . نسيييييت لما اتهجمت عليا
سامح : مالمستكيش . كنت بس عايز اعيشك فى وهم انك ليا لوحدي و مربوطه بيا . ماقدرتش المسك من غير ارادتك يا ماهي . و لا اقدر اعملها .
ماهي : ككدااااب . و الجروح ال كانت على جسمي و هدومي ال اتقطعت
سامح : كل ده تمثيل . عملت كده عشان اوهمك
ماقدرتش المسك بعد ما شوفت نظره عنيكي ال خايفه مني
ماقدرتش يا ماهي صدقيني
بدات ماهي تهدي وقتها . و خصوصا انها ربطتت كلامه بكلام الدكتوره لما قالت انها بنت .
ماهي : ليه عملت فيا كده . عيشتني فى رعب .
سامح : كان تفكير غبي مني . عملت كده بس عشان بحبك
ماهي : ال بيحب حد مابيـأذهوش
سامح : متوقعه ايه من واحد ماعرفش فى حياته غير الاذيه . صدقيني يا ماهي
وحياتك عندي ما لمستك .