اريد قلبك

٩

جزء من الحلقه السابقه .
و اول ما فتحت الباب .
لقت سالم واقف قدامها !!
لحظه صمت جمعتهم ..
بدات ماهي تاخد نفاسها . بسرعه .. قلبها بينبض بطريقه غريبه
و اول ما قالها . انتي بقي ال عامله المشكله دي كلها بين بنتي و خطيبها .
فضلت ماهي واقفه . مش قادره تنطق .وقتها قال :
زي ما دخلتي مابنهم . انا هخرجك و بطريقتي .
خرج سالم دفتر الشيكات و قال
عايزه كام .. 10 الاف . 20 الف . 100 الف ..
بس تخرجي من حياتهم ..نهائي

حست ماهي بصداع كبير . شوش كل تفكيرها ... جسمها بيترعش بطريقه غرييبه ..!!
كل المواقف المرت فى حياتها بتمر بسرعه غريبه . شايفه شريط حياتها . ماشي زي سكه القطر ..
حططت ماهي اديها على راسها و صرخت من شده الالم ..
فضل سالم واقف مصدوم من ال شايفه . وقعت ماهي على الارض و هي ماسكه راسها . وقبل ما يغم عليها . مسكها سالم وهو بيقول . انتي بخير . ردي عليا
وقبل ما تفقد الوعي قالت ماهي ..
ب ا با

اتصدم سالم من كلمتها . وقتها شالها بسرعه و وداها المستشفي .

وقتها روح انس على البيت بعد ما خلص شغل
كان مخنوق من كلام ابوه . ماكنش طايق نفسه
وبعد ما وصل البيت . اتفاجيء لما لقي باب البيت مفتوح !
دخل انس بسرعه و هوا بينادي على ماهي !!
بس اتصدم لما مالقهاش موجوده !

اتصل بسرعه بباباه و قال له : انت عملت فيها ايييه ؟
ماليك : مين دي ؟ بتتكلم على مين
انس : على ماهي . على مراااتي ودتها فين ؟
ماليك :هههه . لحقت تطفش منك
انس : اقسم لك لو ما قولت ودتها فين ما هتشوف وشي تاني .. اتكللم
ماليك : ماعرفش هيه فين انا لو عايز اذيها او اعمل فيها حاجه مش هنكر .
شوفها راحت فين . بس انا ماعملتلهاش حاجه
انس : نفس الكلام ال قولته قبل ما امي تموت . نفسه لما اتقهرت من ال عملته فيها . اقسم لك انا لو عرفت انك السبب ما هسامحك
قفل انس مع باباه و اتصل بالشرطه و قال لهم . على اختفاء ماهي .
الظابط : حضرتك عارف القانون . احنا مابنتحركش غير بعد ما عدي على الاختفاء 48 ساعه . وقتها بنبدا ناخد الاجراءات
انس : انت عارف انت بتكلم مين ؟
الظابط : اعزرني يا انس بيه . بس ده القانون

قفل انس مع الظابط و ركب العربيه . وبداء يدور على ماهي زي المجنون .
كل الافكار الوحشه جات فى باله بقي هيموت من القلق عليها
يمكن اتخطفت ؟ هي ماتعرفش تتكلم تركي
يمكن تعبت يمكن حصل لها حاجه . يمكن تاهت .

ازاي مادتهاش تليفون . ازاي نسيت احذرها من حاجات ممكن تأذيها

وقتها . كانت ماهي فى صراع مع ذاكرتها .
الدكتور : واضح انها فى صدمه عصبيه .
الممرضه : جسمها مابيستجبش ل اي حاجه . مؤشراتها الحيويه بتقل بطريقه غريبه
الدكتور : هتدخل فى غيبوبه . بسرعه حضروها لالعنايه المركزه .

ماهي كانت سامعه اصوات .صور مشوشه .
نجوي : ميمي . يالا قومي ايه مش عايزه تخرجي
ماهي : لا يا ماما مش عايزه اروح المدرسه بلييز سبيني انام
نجوي : كده . بس انا اقصدي على اننا نخرج نتفسح 😀
ماهي : هه بجد .
قامت ماهي و هي بتتنطط و فرحانه .
ماهي : انتي احلي ماما فى الدنيا .
ام ماهي من عائله مصريه . اتجوزت و سافرت لتركيا مع جوزها بسبب ظروف شغله
بدأوا حياتهم من الصفر . كانت طموحه و دايما معاه بتساعده فى اي حاجه
ست بيت متكامله مقدره ظروف جوزها و راضيا بيها
عدي عليهم فترات صعبه كتير . لحد ما جابوا ماهي