اريد قلبك

١٠

جزء من الحلقه السابقه .

واول ما شافت ماهي سالم .. قالت بالتركي ..
ماهي : اااااااااااااااااه .. انت السبب .. انت ال قتلت مااماااااا . انتوا السبب
قتلت اميييييييي ..
اتصدم انس من كلام ماهي .. ال خلاه مش قادر يتحرك
بص لساالم .. وقتها وقع بوكيه الورد من ايد سالم وقال : مش ممكن ... م ماهيتاب !

قرب سالم على بنته و هو مصدوم . مش قادر ينطق .
حاولوا التمريض يسيطروا عليها . مسكوها و نايموها و ادوها حقنه مهدئه .
بدات اعصاب ماهي تفلت .. جسمها بيتخدر .
فضلت تردد و تقول . ماما . ماما قتلت ماما
دموعها نازله على خدها . بتاخد نفاسها بالعافيا . و قبل ما تغمض عنيها .لمحت نظره انس ليها . واقف بعيد . مصدوم من الشايفه .
قرب سالم على ماهي و مسك اديها وقال : ماهيتاب . حبيبتى .. انا بابا .. فوقي يا عمري .
وقتها اتخدرت ماهي و غابت عن الوعي
نزلت دموع سالم على خده . قرب على ماهي و حضنها و مش قادر يصدق ال شايفه
و بعد لحظات و قبل ما يخرج انس من الاوضه . وقفه سالم و قاله :انت لازم تحكيلي كل حاجه . انت ازاااي اتعرفت عليها
ازاي اتجوزتها . جبتها منيييييييين
اتجاهل انس سالم و خرج من الاوضه .
مسكه سالم من كتفه وقال له . انا بكلمك . رد عليا
لف انس وشه و هوا متعصب و قال : وانا مش مضطر احكيلك اي حاجه
مش مضطر حتي اوضحلك ايه ال حصلها
سالم : لا مضطر . مضطر لانك اتجوزتها
لازم تقولي عرفتها ازاااي و جبتها ازاااي هنا
انس : انا ماعرفش اصلا انها بنتك .و صدقني انا لو اعرف  كنت سبتها

خرج انس من المستشفي و هو متجنن . مصدوم مش قادر يصدق ال حصل
ركب العربيه . فضل مصدوم مش مستوعب .
ازاي .. ازاي ماهي بنت سالم .. بنت نجوي . !!
افتكر انس .. المره ال شافها فيها و هما مراهقين .
لما جات عنيهم فى عنين بعض .
افتكر ملامحها .. نفس نظرتها ..

صرخ انس و خبط اديه فى دركسيون العربيه زي المجنون
مالقتش غيرها و احبها .. مالقتش غيرها

كانت سلين واقفه مصدومه . فى اوضت ماهي . قربت عليها بهدوء و هي نايمه
نفس الملامح . ازاي ماخددتش بالها و هي اكتر واحده اتعاملت معاها

حططت اديها على بوءها و هي مصدومه و جريت بره الاوضه .
اتصلت ب امها .. رنت كتير لحد ما ردت
لمار : ايوه يا عمري . في ايه ؟
سلين :بنت نجوي .. ماهيتاب
سمعت لمار الاسم كأنها اضربت بالنار
لمار : م مالها ؟ بتجيبي سيرتها ليه
سلين : عايشه ! عايشه يا ماما
لمار : مش ممكن . مستحيل انا اتاكدت انهم ماتو
سلين : بتقولي ايه ؟؟ ازاي اتأكدتي
لمار : مش مهم ازاي . المهم تقوليلي هي فين و عرفتي ازاي
سلين : هي قدامي اهيه . و بابا جمبها .
لمار : ج جمبهاا !! فين انتوا فين ؟
سلين : فى المستشفي يا ماما . تعالي بسرعه

لبست لمار بسرعه و راحت على العنوان . و هي فى الطريق

افتكرت كلام عزت . و ده الشخص ال اتفقت معااه على الحادثه .
لمار : زي ما قولتلك انا عايزاها حادثه طبيعيه ..
هما المفروض هيروحوا دريم بارك بكره الصبح .
قالت لسلين على الواتس اب .
بكره الصبح تقطر عربيتهم . عند اي طريق مقطوع تبداء تزنء عليهمم لحد ما عربيتهم تعمل حادثه . مش عايزه يبان كأنه بفعل فاعل انت فاهم
عزت : تأمريني . اي حاجه تانيه
لمار : لا . و بقيه فلوسك هتوصلك لما اتأكد ان كلهم ماتوا .
عزت : حاضر . بكره هتسمعي خبر وفاتهم .