اريد قلبك

٧

جزء من الحلقه السابقه .. و اول ما فتحت الباب .. اتصدمت من الشافته ..
ماليك : انتي مين ؟؟!
فلت ماهي واقفه مصدومه .. مش عارفه بيقول ايه ..
دخل ماليك الشقه و نادي على انس و هوا بيزعق ..
فضلت ماهي واقفه مش عارفه تقول ايه ..؟
لف ماليك وشه و قال .. قولت لك انتي مين انطقييي..؟؟
ماهي : ا اناا . انااا
ماليك : انتي اكيد واحده من الخدم. صح .
مكانتش ماهي عارفه ترد و تقول ايه ..
ماليك : عموما احنا مش محتاجين خدماتك . يالا مع السلامه
مكانتش ماهي فاهمه اي كلمه بيقولها ..
ماليك : قووولت لك مع السلااااااامه ..
مسك ماليك اديها و قبل ما يطلعها بره ..
مسكها انس بعد ما وقعت فى حضنه .
بص لابوه و قال: ايه ال بيحصل هنا ؟
ماليك : جواب السؤال ده عندك ..
بص انس لماهي و قال . انتي بخير
بصت له ماهي و هزت راسها ..
دخل انس البيت و قفل الباب . وشاور لماهي و قال : ادخلي اوضتك .
ماليك : اوووضت ايييه .. مييين دييي !!
انس :  ادخلي يا ماهي اوضتك .
فضل ماليك واقف و حاطط اديه فى جيبه .
بصت له ماهي و هي متوتره . ودخلت اوضتها . و اول ما قفلت الباب وقفت وراه . سمعت انس و هو بيتخانق معاه
انس : انت ازاي تتهجم على البيت كده
ماليك : انا ابووووووك . اجي فى الوقت ال يعجبنيييي
انس : و ده بييتي . ماتجيش فى اي وقت من غير ما تقوليي
ماليك : مين دي ..؟  اكيد دي واحده من الشارع .. انت مابتحرمش
مش كفايا القضيه الوقعت فيها
انس : حاجه ماتخصكش . اعمل ال اعمله انت  مش شريكي
ماليك : لااا يخصني . يخصني انك مش شايف البتعمله و مش هسمح لك تدمر نفسك ..
انس : قولت لك ماتدخلش .
ماليك : اسمعني كووويس .. البت دي هتخرج دلوقتي حالا و انت هتاخد شنطه هدومك و هترجع تعيش معايا
انس : انت بتحلم صح ؟ اكيد بتحلم
ماليك : كلامي هيتنفذ دلوقتي حااالا .. اتفضل ادخل و خرجها بره زي ما دخلتها
انس : انت مش هتتحكم فياا .. انا اعمل ال عايزه
ماليك : يبقي وقت النقاش انتهي .
وقتها دخل مالك لاوضه ماهي .
رجعت ماهي لورا و هي مصدومه ..
مالك : انتي اخرجي بره .. يالا دلوقتي حاالا
انس : وقف المسرحيه البتعملها دي .. قولت لك هي مش هتخرج
فضلت ماهي بصالهم و هي متوتره .. مش عارفه تعمل ايه
ماليك : قووولتلك اخرجي بره . حااالا ..
نفس الكلام .. بيتعاد . كأنها شايفه صوره حد تاني قدامها بدل صوره ابو انس .
شايفه ابوها .. بس صوره طشاش .
انس : وقف المهزله دي دلوقتي .. قولتلك مش هتخرج
ماليك : يبقي انا الهخرجها بايدي
وقف انس قدامه و قال له . هي مش هتخرج . و مش هتقدر تخرجها من هنا
ماليك : ومين الهيمنعني انت ؟؟
انس : ايوه . عشـان دي مراتي .
ماليك : التهريج القولته قدام الاعلام ده مش هيخيل عليا
انس : وانا بقوووللك دي مراتي .. تصدق او لاا ف انا اتجوزتها .
و لو حابب تتأكد اتصل بالمحامي الشاهد على عقد جوازنا .
اتصدم ماليك من كلام انس و قال : انت بتقول ايه ..
انس : زي ما سمعتني .. دي مراتي . و انا اتجوزتها بارادتي . و مش مجرد نزوه زي ما انت متصور
ماليك : ازاااي . ازاااي تتجرأ تعمل ده من غير ما تقوللي . من غير ما تاخد اذني ..
انس : وانت بتاخد رأي فى تصرفاتك .. كل واحد حر وانا حر فى قراري
ماليك : انت عصتني يا انس .. عصتني و انا مش هسكت على الحصل منك ده
و هتشوف رد فعلي .
انس : اعمل العايزوا .. انا مش محتاج منك حاجه
وقتها خرج ابو انس بره و هو متعصب و ركب عربيته و مشي و هوا بيردد و بيقول . انا هربيك من اول و جديد .