اريد قلبك

٨

جزء من الحلقه السابقه ..
و اول ما وصل .. وقفت ماهي قدام الباب مستنياه يفتح الباب .
قرب انس عليها و زنقها فى الباب و حط المفتاح و على وشه ابتسامه . سيبت مفاصلها
الوحش الجواه صحي . و ماحدش يقدر يوقفه ابدا  ♥
وخصوصا انه عارف انها بتعشقه .
و اول ما فتحوا الباب .و دخلوا .. 

دخلت ماهي على اوضتها بسرعه و قفلت الباب. و كأنها حاسه ان هيحصل حاجه .
وشها احمر . مش قادره تمنع نفسها او تقول لاء
عشقها ليه فوق اي وصف .

فضلت ماهي مستنيه انس انه يدخل اوضتها . بس مالقتهوش جيه .؟
استغربت يمكن زعل اني قفلت الباب ! 😮
لااا مستحيل ايه الحركه الغبيه العملتها دي
جريت ماهي على باب اوضتها و فتحته .
و اول ما خرجت . لقت اييد سحبتها
كان انس عايز يشوفها . هتخرج ولا لا
بيقول لنفسه . اكيد لو خرجت يبقي بتبادلني نفس الشعور
و اكيد لو ماخرجتش .. يبقي انا تقلتها و لسه مجروحه من الحصل لها

بس كسب الرهان بينه و بين نفسه و خصوصا اول ما خرجت
شدها انس عليه و حط اديه على شعرها و نزلها على وشها برقه و قال :
خرجتي ليه
كانت ماهي دايبه . مش فاهمه هو قال ايه بس مش قادره تننطق بكلمه واحده
انس : انتي بتقولي بتحبيني صح
انهارده هتثبتي انتي بتحبيني اد ايه
قرب انس على ماهي . و قبل ما شفايفه تلمسها .
لقي حد بيفتح الباب
فاقت ماهي على صوت الباب بيتقفل . وقتها زقها انس الاتصدم من الشايفه
سلين :الحقني يا انس
انس : سليين مالك . ايه البهدلك كده اتكلمي

دخلت سلين و هدومها متقطعه و متبهدله و كأنها مضروبه علقه سخنه
سلين : اتهجم عليا 4 رجاله يا انس
و كانوا عايزين ... عايزين
جريت سلين على انس و حضنته و قالت : خبيني هنا ارجوك .
فضل انس واقف مصدوم . مكنش عارف يعمل ايه
يطبطب على سلين الوضعها صدمه . و لا يلف وشه و يشوف رد فعل ماهي الاكيد اتصدمت اكتر منه
بس وقتها قرر يطبطب عليها و قال لها : طيب تعالي ارتاحي
قعدتت سلين على الانتريه و هي بتعيط
و بعد ما لف انس وشه لقي ماهي مش واقفه .
اتوقع انها دخلت الاوضه اكيد و قفلت الباب .

اتنهد انس و قال لسلين : احكيلي ايه الحصل
وازاي مابلغتيش الشرطه
سلين : عشان الموضوع يتحول للصحافه يا انس
انت عارف ان بابا و ماما لو عرفوا الحصل لي هيرجعوا جري . و هيقلقوا جدا عليا
ده غير ان سمعتي هتضرب بسبب الحصل
انس : طيب و دلوقتي هتعملي ايه .
سلين : اسمح لي . اقعد معاك بس كام يوم
اكيد هما عارفين بيتي و مستغلين اني لوحدي
وممكن يعملوا فيا اي حاجه . انا بجد مرعوبه يا انس
مسكت سلين ايد انس و هي بتترعش .
و الدموع على خدها . وقتها ماقدرش انس انه يرفض .
وافق و قال لها . ماشي يا سلين  اختاري اوضه عشان تنامي فيها . و بعد يومين يحلها ربنا
و بعد ما قام انس . قالت سلين : اوضه ؟
اوضه ليه ما انام فى اوضتك معاك ؟
انس : انتي ناسيه اني متجوز يا سلين .
قال انس الكلمه بانفعال . و نسي ان ماهي مش بتنام معاه فى نفس الاوضه
سلين : بس انت قولت لي انه مجرد جواز مصالح
انس : سلين ماتعمليش مشاكل ! كل ال اقدر اقدمهولك اوضه اختاري الاوضه ال تعجبك
بس اوضتي لا
قامت سلين و قالت . حاضر حاضر بس ماتزعلش
حطت اديها على وشه بنعومه وقتها نزل اديها و قال : ادخلي خدي شاور و ارتاحي .
سلين : انا جعانه
بص انس على السفرا . بس وقتها مالقاش اولفت عملت الغدا زي ما قال لها 😑
انس : اوووولفت .. انا هوريها
اتنهد و قال . انا رايح اجيب غدا
يالا . ادخلي ارتاحي لحد ما اجيب غدا 
سلين : طيب يا حبيبي ☺ ال انت عايزوا