طريقي......

٢

بدو يعاملوني معامله كلش زينه واني استغربت في البدايه بس حبيت هذا الشي

استمرت حياتي عادي وبيوم كعدت الساعه ١١ جفلانه و كلش لان شفت كابوس

رحت للمطبخ اشرب ماي كان الكل نايم احنه شباك المطبخ يطل على الحديقه

والطرمه باوعت شفت امي وابوبيه واكفين ويه مريه لابسه اسود من فوك ليجوه

بحيث ما مبين منها شي اني استغربت شسوي هاي المريه بهذا الوقت مع العلم

احنه مانسهر فتحت باب المطبخ على كيف وسمعت هاي المره تكول لاهلي ها

هسه منو قررتو تنطوني من البنات
الاب ... والله قررنه ننطيج نور .
المره... اني اريدها بعد يومين اجي اخذها لان الجماعه الي راح ابيعلهم بنتك مستعجلين لان ايريدون ايسافرون
الام .. اي تمام
المره .. هاكم هاي مليونين من تنطونياها انطيكم الخمسه الباقيين
الاب .. اي يله روحي قبل ميشوفج احد
اني من سمعت هذا الحجي انصدمت ورحت ركض للغرفه كعدت ابجي ومصدومه من

الي دايصير .طلعت
اتمشا على كيف ورحت للغرفه مال امي وابويه وكانت

الباب مامزدوده زين باوعت شفت ابوبه كاعد ايعد الفلوس كمل وراح ضمها فوك

الكنتور رحت ابجي بعدين فكرت اني سامعه عن قصص بيع الاطفال يعني معقوله

اني اهلي راح ايبيعوني لالا مستحيل ميسووها زين اذا صدك راح ايبيعوني ليش

اني بذات معقوله واني الي اكول اتغيرو وكامو يحبوني بس طلعت هاي كله لان

ايردون ايبيعوني وشوف الله اشلون نبهني وخلاني اكعد ابهاي الساعه حته اسمع

حجيهم بقيت كاعده لحد ما اذن الفجر كمت صليت وخلصت وندعيت الله يخلصني من

هاي المشكله وبعدين كمت كعدت خواتي حته يصلون ورحت نمت .

..... تذكره....قبل ايام من الحادثه

الاب ... هناء وبصوت عالي 😠
الام .... ها خير خو ماكوشي
الاب... شوفي تعاي كعدي هنا اريد احجي وياج ابموضوع مهم
الام ...اي كول شكو
الاب ... اني راح ابيع وحده من البنات
الام ... 😨يبو يبوو شلون يعني
الاب ... باعي اني قررت وهذاقرار نهائي واني جاي بس حته اخبرج بي اني قررت ابيع نور لان اني ادره ابوضعنه وحالنه واحنه عائله جبيره فقررت ابيعها اناس وراح ينطونه عليها سبع ملايين

الام ..شلون اني مااكدر ابيع بنتي

الاب ..شو في انتي معليج هذا حلكج اتسدي واذا حجيتي كلمه وحده اطلكج وابيع نور فتهمتي عود وين اتروحين اشو حته اهل ماعندج كلهم ميتين يعني بالحالتين اني بايعها فستري على بيتج احسن
الام ... ماشي 😔😭
الاب ..لاتكعدين تبجين هسه تره عندج اربعه غيرهم وبعدين نور لادفع ولانفع مامحتاجيها اصلن
الام .. هوه كان حجيه صحيح لان نور اصلن ان موجوده او لا نفس الشي بس تبقه بنتي بس يله احنه محتاجين الفلوس وبعدين هيه راح اتعيش يم عائله وتتعود مع الايام

الاب .. ها هيه لعد

صدقو او لاتصدقو هناك قلوب اهل قاسيه كالحجاره ويمكن الحجاره افضل منهم بس للاسف هذاواقع اهلي

...الحاضر .. بعد الحادثه

نور.. ثاني يوم كعدت جانت جمعه جنت يائسه بس بعدين استجمعت شجاعتي وكلت اني ما اريد حياتي تنهدم وكلت لازم افكر ابخطه

كعدنه نتريك وطبعا امي وابويه كانو امخططين انو ميكولون لشخص انو راح

ايبيعوني جانو امخططين انو يكولون اني راح اروح اعيش فتره ابيت كرايب بابا

وطبعن اني اسمعتهم يحجون بالهول واني اتقصدت اتسنط عليهم وحته اعرفت كل مخططاتهم

الاب.. بنتي نور اني راح ادزج البيت كرايبي مره جبيره بالعمر وتريد احد ايساعدها
نور .. سويت روحي متفاجأ وكانو ما اعرف كتله اي بابه قابله بس اشوكت اروحلهت
الاب ... باجر بالليل اتروحين
نور ... اي بابا لعد راح اروح احضر جنطتي خاف مالحك

كمت من الريوك ورحت للغرفه طبعن احنه البنات كلنه بغرفه وحده فتحت الكنتور

واخذت كل اهدومي وغراضي ماخليت حاجه وصارت جنطه وحده وطبعن اني

هدومي مو هواي لان حالتنه كلش ضعيفه المهم واخذت جنطه صغيره (جزدان)

ونتظرت ابويه يطلع لشغل هوه وخويه وامي جانت كاعده هيه واختي ايخيطون

بالهول وانتظرت ايأذن حته خواتي يروحون يصلون
المهم رحت للغرفه مال امي وبسرعه اخذت هويتي وكل

مستمسكاتي وحطيتها بالجنطه ورحت صعدت فوك الكنتور واخذت من الفلوس

٣٠٠الف وحطيتها بالجنطه وهذا كله مااستغرق مني غير ٥دقايق لان اني شفتهم وين حطوها طلعت وضميتها بجنطت السفر
.
وطبعن اهلي كلهم عبالهم اني دا استعد لحته اروح لبيت هاي المريه همه مايدرون

اني شنو دا اخطط بالليل ما نمت سويت روحي نايمه

يتبع .......

#مشاعر مبعثره