طريقي......

٥

الى ان بيوم جنت كاعده بالكفتريا مال الكليه جنت اشرب. كهوه كلعاده اجه كعد ولد

يمي اني عبالي ايريد يسألني سؤال حول اي محاضره لان اني جنت الاولى على

قسمي فمتعوده احد يسألني او يكعد يمي لاكن هذا يختلف عن الكل كلي ممكن

احجي وياجوكتله اي عادي بده يعرفني على نفسه كلى اني اسمي عماد من بغدا

كتله عاشت الاسامي عماد ممكن تتفضل وتحجي لان عندي محاضره بعد ١٠ دقايق

كلي شوفي اني اداوم مرحله رابعه بالكليه ادرس قانون واني من يوم الي شفتج

بي مارحتي عنبالي وجنت اراقبج وشفت اخلاقج وثكلج ومتأكد ماراح الكه وحده مثلج

واني اريدج على سنة الله ورسوله اني جنت بس اسمع وصافنه بوجه بعدين كتله انته

تعرفني تعرف شنو اني كال ما يهمني اني اربدج الي كتله تره اني يتيمه ومقطوعه

من شجره وجنت عايشه بالميتم هوه انصدم وكام على حيله وراح اني هنا بقيت

صافنه وبعدين انفجرت بالبجي وحته ما اعرف ليش ابجي يمكن من ردة فعله او يمكن

على اهلي حته كل الموجودين انتبهو عليه ابجي بعدين صار وقت المحاضره وصار

لازم اروح دخلت المحاضره ووجي منفوخ واحمر من البجي كملت يومي ودرست

ونظفت المستشفي ورحت نمت ثاني يوم هم اجه هذا الولد نفسه وهم جنت كاعده

بالكافتريا اشرب كهوه اني من اجه كمت راسا حته اروح جان يصيحني انداريت علي

كتله انته صدك ماتستحي شعندك جاي هنا كلي اني اسف واعتذر على الي سويته

بس انصدمت ورحت اخذت موافقة اهلي حته اجي اخطبج اني هنا صفنت وكلت

بنفيسي هذا شدايخربط شنو خطوبه شنو اهلي جان يكلي اني مستعد اتزوجج حتلو

جنتي عايشه ابميتم كتله اكلك ترى اني ماافيدك انته لو تعرف اشلون عايشه جان

مااجيت كلي ليش شلون عايشه !! كتله تدري اني .. وسكتت كتله روح اني ماافيدك

وبقه واكف واصر انو احجي كتله اني عايشه بغرفه صغيره بالمستشفى وبنفس

الوقت ادرس واشتغل منظفه هوه صفن وكلي حتلو اني راضي بس اني اريد

اتزوجج اني استغربت من اصراره على انو يتزوجني بس هوه امبين خوش ولد

وبعدين الى متى ابقه عايشه هيج لازم اشوف حياتي كتله انطيني مهله افكر

رجعت للبيت افكر واصلن اني مااعرفه زين ولااهله وفكرت اذا وافقت منو يوكف

ويايه وبعد كل هذا التفكير اوصلت لقرار

....يتبع

#مشاعر مبعثره