طريقي......

٨

ثاني يوم كعدت الساعه ٦ كلي حماس ونشاط كمت حطيت الجاي عالنار ورحت

غسلت وبدلت لبست بنطرون اسود وقميص طويل ذهبي ونسقت ويا شال وجنطه

ورحت طفيت الجاي وسويت لفة جبن وكعدت اكل جنت فرحانه كلش كملت لبست

عباتي و طلعت اجرت تكسي ورحت  للكليه دخلت اول محاضره وكعدت اول استول

اجه الدكتور وبده يلقي المحاضره كملت المحاضره وطلعت اني وصديقاتي ضلينه

انسولف جان دكول
شهد ... اكلج  نور انتي ليش لابسه عبايه تره لبسج مستور مو اله عبابه تكدرين

تطلعين بالبنطرون يعني مابي شي تره انتي الوحيده الي لابسه عبايه بالكليه

وطالعه جنج عامود وصابغي اسود نزعيها ترى محلوه

سجى ...اي ولله لا وفوكاها مت حط مكياج صحيح بشرتج صافيه بس المكياج ايطلعج حلوه

نور... اول شي هاي حريه شخصيه ومااحب احد يدخل بيه وثاني شي المكياج حرام

  والي تحطه وتطلع عذابها يم رب العالمين اشد من عذاب جلوس الشمر على صدر

الحسين ثالث شي اني مقتنعه بنفسي واني جايه ادرس مو لحته البس واحط مكياج

واني راضيه بشكلي ومااسمح لاحد يدخل ويعيب عليه

شهد..ديله عيني اخذتينه حاصل فاصل واحنه قابل اشكنه عابت

سجى ...اي والله اصلن اني بعد ما اريد ابقه صديقتج

شهد ..اي والله اني هم

نور... دروحو اصلن اني ما اتشرف اصادق مثلكم حاطين على وجهكم كيلو مكياج
جنكم مهرج عابت

شهد... لي سمعج ايكول كاتلين روحنه عليج .... .

نور..... ضلت تحجي مهتميتلها ومشيت  عابت شكد نرفزوني اصلن صوجي اني الي قبلت اصادقهم 

رحت المحاضره وكملت يومي  ورجعت للبيت درست ونظفت ونمت.  مشت الايام

والاشهر وضليت على نفس الروتين وبخصوص البيت فكملت بنائه وبديت كل فتره

اشتريله  غراض اشتريت تخم قنفات وغرفه ام النفر والناس هم دائما اتقدملي

مساعدات كملت البيت وكملت تجهيزه بعد نص السنه   بس قررت ماانتقل واعيش

بي لان مااكدر اشتغل بالمستشفى لان يصير البيت بعيد عليه ها ونسيت اكولد

طلعت بنص السنه ناجحه وبتقدير ممتاز  اني صحيح كملت البيت و اشتريت  الغراض

الاساسه  مثل التلفزيون وااثلاجه وغيرها  بس بقت بي هو اي نواقص كملت كليه

ونجحت مرحله ثالثه وطبعن

اني ما حبيت اذكر هو اي تفاصيل عن الكليه لان كله.جان روتين ويوميه تنعاد نفس

الاحداث  وطبعن اني جنت كلي ثكل وامشي بثقه عيني بالكاع وبعمري ما مأذيه

احد بدت العطله واني مازلت عايشه بالبيت الي بالمستشفى لا ن  عندي هو اي

نواقص كمت اشتغل  وخلال اشهر قليله كدرت اجمع مليون ونص من راتبي ومن

مساعدات الناس الي ثاني يوم طلعت اشتري وسديت كل النواقص ما خليت شي ما

اشتريته حته الجداري  واشتريت همين زوالي وكاربد (سجاد ينفرش بي البيت) مع

انو جان صيف بس حبيت اكمل كلشي وطبعن البيت جان صغير  فما تعبني

.... يتبع ...

#مشاعر مبعثره