انتظرت الكل اينام وبعدين كمت صليت الفجر وما كعدت احد لصلات كملت رحت بدلت
ولبست عباتي صارت.الساعه ٥ ونص اطلعت من البيت
ورحت مشي للكراج لان جان قريب علينه صعدت بكيه متوجها لبغداد / الكاظم .
وصعدت والطريق كله اني اقره قران وخايفه نزلنه السايق بعد مسافه عن الامام
رحت امشي وي الناس الي تمشي ومتوجها الامام وصلت وحطيت غراضي في
المانات طبيت الحظره انخي الامام واندعي وابجي كتله دخيلك ياكاظم اجبني كتله
ترضاها عليه اريدك اتساعدني وتستر عليه والكه مكان اعيش بي طلعت رحت صليت
وكملت ورحت نمت لان تعبانه وطبعن ابقيت بالامام يومين وبعدين طلعت
ادور شغل وبقيت غراضي بالمانات دورت كومه بس مالكيت شغل رجعت الامام
وثاني يوم اخذت غراضي وطلعت لان كلت الى متى ابقه هنا لازم تشوف حل
طلعت الساعه ٤ العصر وكعدت ادور شغل او اي شي حته للبيوت رحت اسئل
محتاجين خدم بس ابد مالكيت صار المغرب وراح ايأذن واني بعدني ادور اخر شي
تعبت وكعدت على الرصيف ابجي ورفعت ايدي اسماء واندي الله ايسرلي والكه
حل لمشكلتي ورى نص ساعه اجتي مريه كالتلي شبيج تبجين اني خفت وقررت
مااحجي لاحد قصتي كتلها اني يتيمه الاهل وجنت عايشه ويه عمامي بس بعدين
طردوني وماخلوني اعيش وياهم جان اتكلي اي سهله تعاي اوديج لميتم يبعد منا
نص ساعه اني كتلها ماشي بس تروحين وياي كالت اروح بس من توصلين اني
اعوفج بالباب مال ميتم وانتي احجيلهم قصتج كتلها اوكي صعدنه تكسي ومن وصلنه
عافتني طبيت للميتم بس ابجي على حالي وكتلهم اني يتيمه وعمامي عافوني طبعند
اهل الميتم اتعاطفو وياي ودخلوني ابغرفه كبيره بيها بنات هواي ونطوني مكان
احط بي اغراضي ونطوني سرير انام عليها وضليت منعزله عن كل الناس وشهر
كامل اني بالليل ابجي على اهلي بعدين صار عندي صديقتين( حوراء_ و زينه ) بس ابد
ماحجيت لاحد قصتي مشت الايام والسنين وصرت صف سادس ها ونسيت اكللكم
اني جنت ادرس بالميتم المهم خلصت السادس وطلعت معدل عالي ورحت هندسه
وصار لازم اطلع من الميتم
...... يتبع.
#مشاعر ملعثره
أنت تقرأ
طريقي......
Romanceالحياة بطبيعتها تقسى على البشر ولاكن وجود الاهل ومحبتهم لك يخفف عن هذه القسوع ..... ولاكن ماذا لو واجهت قسوت الحياة وحدك و فوق قسوت الحياة قسوت الناس لك ... قصه فتاة تحكيةمعانات كثيره وغدر اقرب الناس لها بعد محاولت بيعها من قبل اهلها فكيف ياترى سو...
