طريقي......

٧

كملت يومي عادي وظليت على نس الروتين جانت حياتي ممله وكل يوم تنعاد نفس

الاحداث جنت اذا اضوج اكعد يم المرضى اسولف وياهم اني ونظف وجنت اطلع

افتر مو دائما لان وحدي فه نادرا اطلع جنت اعاني من عذاب نفسي من الوحده

الي عايشتها بس اتعودت عليها بمرور الزمن جنت صحيح انظف المستشفى بس

جنت دائما ملابسي نظيفه بحيث الي يشوفني ما يتوقع اني الي انظف المهم

مشت الايام عادي واني اشتغل و هم ضليت كل فتره اروح المكان بديت اجمع

فلوس ومااصرف وراتبي زاد لان سالي فتره طويله اشتغل بالمستشفى وسالي

سنه تقريبا اني اجمع يعني من اطلعت من الميتم ولهذا اليوم. واني اشتغل كدرت

اجمع فلوس وكدرت اشتري قطعه ارض مساحتها اقل من ١٠٠متر جانت رخيصه

ومناسبه وكمت اجمع وكل راس شهر اخلي العمال يجون. ومشت الايام وقرب

الدوام وبديت اجهز ملابس ورحت لسوك اشتريت عبايه و ملابس ونسقت عليها

شالات واحذيه و تحضرت لدوام جنت اتمنه لو عندي شخص يفرح ويجهز وياي

ملابسي بس لأسف ماكو احد
قبل الدوام بيوم طلعت افتر واتونس ورجعت

اشتغل ونمت ثاني يوم جنت متحمسه لدوام نسقت ملابسي ولبست لون بنفسجي

وشال مشجر وحذاء وجنطه وعباتي وطبعا اني مااحط مكياج ورحت اجرت تكسي

وطلعت ورحت للكليه اول ماطبيت حسيت بفرحه وسترجعت ذكرياتي الحلوه بالكليه

ودخلت واني مبتسمه وجان الجو كلش حلو ويشجع لدراسه كانت السماء صافيه

ومابيها غيوم ونسمات الهوه الدافيه تضرب على وجي و شمس الي كانت طاله

بالسماء وجان كلشي حلو رحت اخذت جوله بالكليه وبعدين كعدت بالحديقه جنت

اباوع على الطلاب ومبتسمه واتأمل بالمناضر الحولي اخذت هوه وغمضت عيني

حسيت براحه وجان بالي مرتاح حته اهلي ما فكرت بيهم فتحت عيني وبعدين كمت

اشوف الجدول و طبيت للقسم مالتي ودخلت وشفت هوسه وطلاب كاعده تضحك

ومسوين مجموعات ارتاحيت كعدت على اول استول حته يبقه تفكيري يم المحاضره

و بدو يدخلون الدكاتره ايعرفون عن انفسهم بس مااخذنه محاضره طلعت واني

شايله الكتب ورحت كعدت بالكافتريا وطلبت عصير كملت كمت وطبعا اتعر فت على

صديقات ما ادري ليش بس حبيت انو ايكون عندي صديقات هواي لان كمت مااطيق اكعد وحدي كملت الدوام

واخذت تكسي ورجعت للبيت وكنت كلش فرحانه بس اتعبت هواي وبعدين رحت

ونظفت المستشفى ونمت

.....يتبع ...

الي يحب يعرف شكل نور فهيه تشبه هاي البنيه بس نور اصغر منها بس همه يتشابهون هواي

اسفه على التأخير بس جانت عندي ضروف ونشالله احاول انزللكم يوميه

لاتنسون اتصوتوت على القصه وتكتبو ارائكم بالتعليقات

#مشاعر مبعثره