طريقي......

٦

بعد التفكير العميق قررت انو ارفضه لان ما اريد اتزوج رحت ثاني يوم وكتله اني مو موافقه
هوه نقهر وراح واني كملت محاضراتي ورجعت للبيت كعدت افكر واصلن اني

رافضه فكرت الزواج لان مااريد احد يعرف سر محاولة بيع اهلي الي واني اريد

اكمل دراسه واشتغل ومااريد احد لان الجرح الي بكلبي مايتصلح ابد انتو بس اتصورو

كميت الخوف الي عشته وحدي جان بودي اكول لاحد بس ماكدرت اوثق بشخص لان

اذا اهلي خانوني ورادو ايبيعوني فشراح اتلكه من الشخص الغريب جنت اعيش

بالمستشفى ايام تخلي الواحد يكره نفسه جنت اسئل حالي واكول اني منو امأذيه

حته ينكتبلي هيج حيات بس استغفر واكول هذا امتحان من الله واله يجي يوم واعيش

حيات حلوه جنت دائما افكر واكول ياترى هسه اهلي شنو حالهم واسئل واكول

هسه خواتي اتزوجو وهسه اكيد خف الحمل على اهلي ونوبات افكر واكون خايفه لا

اهلي بايعين وحده من خواتي وجنت ابجي الليل كله استمرت حياتي عادي بس ولا

يوم فكرت ارجع لاهلي جنت خايفه كلش منهم صحيح مشتاقتلهم بس ماعندي الجرأ

لحته اواجهم حاولت اختصر اهواي من معاناتي وابينلكم جزأ صغير من معاناتي

و تعبي وحاولت اهواي اختصرلكم قصتي بس مهما اكتبت ماراح اوصف الحياة الي

عشتها تعبت من هاي الحياة بس دائما اشكر الله لان خلصني وخلاني ماانباع وادري

لو اني باقيه جان هسه انباعيت وشفت الضيم واني اعتبر نفسي مثال على انو

المرأة تكدر اتعيش وحدها والحمدلله الله سهلي وخلاني اشتغل وادرس و خلاني الكه
مكان اعيش بي مرت الايام والاشهر ونجحت ورحت مرحله ثانيه وطبعن جنت كلش

فرحانه بدت العطله وكنت اكثر وقتي بالبيت اقره كتب وروايات و بالليل اشتغل

بالمستشفى وبعدين قررت اشتري مبايل من هاي الحديثه صحيح جان. عندي بس كان
كلش صغير وشتريت مبايل وفرحت بي كلش وجنت اعرف استخدمه لان مبايلي

القديم كان. هم لمس ولاكن هذا احدث بعد ايام من كثر الملل قررت اكسر الحواجز

واكوم اطلع واتونس رحت سبحت وبدلت ولبست عباتي ونسقت حذاء وجنطه نفس

اللون وطلعت جانت دنيه العصر ورحت اول شي زرت الامام الكاظم وماطولت ساعه

وطلعت وبعدين رحت لمطعم وكعدت اكل لان اني ماجنت متغديه طلبت لفة كص

(شاورما ) وعصير وكعدت اكل وجنت اباوع على العوائل والناس شلون مجتمعين

وفرحانين وجنت انقهرعلى نفسي بس افرح من اشوف هيج كملت ورحت للمول

اشتريت ملابس و فتريت بالمول ورجعت كبل المغرب

..... يتبع..

#مشاعر مبعثره