أبكاني قدري ...ثم ماذا!!!!

كلشي قسمه ونصيب 💔الفراق💔

نزار..... اهنا قررت اطوع على الجيش وفعلا اطوعت على العمليات الخاصة ومانسيت رونق
قررت ادز عمامي على اهلة
وهم راحو عمامي وهم رافضو اهلة
ام زين...عفيفة ماما ولله احبه واموت بدونه
رونق كافي ماكفاج المشاكل الي صارت وترا محد خسر غيرج انتي وهاي السنه حرمات راحت عليج
وبعدين هو كلشي قسمه ونصيب واذ كان نصيبج مراحل يكون لغيرج ومو كلمن حبت شخص ازوجته اهواي حبو وافترقو وهذا حب مراهقة تكبرين وتنسين
وبعدين ماما ان شالله السنه التجي ارجعي لدوامج وداومي وكملي دراستج وان شالله تصيرن احسن محامية بلدنيا
رونق...هذا هو ماما ان شالله مايكون خاطرج الة طيب واني اسفه ع الي سويته وهذا هو اخذت درسي
رونق...طبعا راحت ماما وبقيت بس اني ظليت ابجي ع نزار بيومها وشلون راح اكدر اعيش بدونه بس هذا هو ماكو قسمه بينا واحسن شي كلمن يروح بطريقا
حبيبي افترقنا ليس
برعبته منا 💔💔
ولكن انته ليس قدري وانا لست قدرك 😢😢
لهنا انتهى نزار من حياتي وكلمن راح بطريقا
واحنا قررنا نتقل لبيت ثاني وانتقلنا لمنطقة ثانية واعتقد هذا البيت راح يغير اهواي اشياء اول شي زين... قرر يزوج
ماما عندي موضوع وياج اريد ازوج
اي ماما شكو بيها
زين ماما انتي لكي وحدة ع مرامج
حاضر ماما ...شنو رأيك بنات ابو علاوي صديقك خوش بنات ونعرفهم هذا هو ماما
ام زين...ان شالله اني اخابر ام علاوي وابلغلها يوم الخميس نروحلهم
اجى يوم الخميس ورحنا اني وابو زين وغدير وزين
وحجينا وياهم طبعا عدهم بنات اثنين
احنا اختارينا الثانية الزغيرة وحجيت وي امها وكالت احنا نرجعلكم خبر
بعد اسبوع اتصلو علينا وبلغونا انو موافقين
رونق طبعا راح نخطب لزين ابنية حبابة ونعرفهم كلش فرحت الة
رحنا كلنا لكربلاء لان اهل البنية نازلين بكربلاء
وصارت الخطوبة والكطعان مهر اهناك 
زين..... طبعا اني وعلاوي كلش اصدقاء اخو خطيبتي واسمها ملك وصدك هي ملك وخلال فترة قصيرة كلشي كمل المهر والخطوبة
بعد فترة اهل ملك شالو لبغداد
وسوينا حلفة مال خطوبة كلش حلوة
رونق اني لبست بنطرون اسود ويا بدي ربع اردان موروني طلعت كلش حلوة 
وغدير لبست فستان احمر طلعت تجنن .
ورقية بنطرون اسود  ويا كيمونه حمرة
وصارت الحنه وسوينا البدع
وبلذات اني بحيث كلها كالت صدك مبينه اخت العريس محد هلللل بكدي ومحد ركص بكدي

رونق...طبعا بعد شهرين غدير هم نخطبت وازوجت
واستلمت البيت بمكانها ملك
هي هم كانت داوم معهد معلمات
ملك.... طبعا من كالو زين اجى يخطبج كلش فرحت لان كم مرة شايفته قبل يم اخوية علاوي لذلك قبلت واهلة هم خوش ناس
فصار العرس وعشت وياهم احلى ايام بعد شهرين من زواجي غدير ازوجت فستلمت البيت اني بمكانها
رونق طبعا ملك اخذت ع طبعا وبسرعه ندمجت ويانا وصارت اختنا الرابعه وماما هم كلش زينه وياها
وبابا كلش يحبها لان هي شاطرة وحبابة
ابو زين ...ام زين وينج تعاي اخذي هذا المسواك وصيحلي البنات
ام زين...تدلل ابو زين
رونق رقية ملك تعالن ماما
بابا يريدكم
ابو زين...اخذو هاي الفلوس بنات روحو اشترو ملابس لدوام مابقى شي
رونق ....طبعا اني طرت من الفرح لان راح ارجع لدوامي واخيرنا رقية ماقبلت ترجع داوم
بس اني داومت خامس وملك داومت معهد سنه ثالثة
ليوم كان جمعة ومتعلمين احنا كل جمعه تجي عمتي تزونا
ام زين....بنات اكعدنا هسة عمتجن خابرت جاين بلطريق
اوف ماما خلينا نايمين اشوية
ولجن ماما عيب هم يلله نلحك
كمنا حاضر تريكنا وكلمن راح لشغلة اني ورقية نظفنا البيت وماما وملك طبخو الغدا
وصلت عمتي ام علاوي
ام علاوي...السلام عليكم
وعليكم السلام
شلونجن بنات طبعا سلمنا واخذنا زهراء بنت عمتي ورحنا كعدنا كظينها سوالف لحد ماصار الغدا تغدينا وغسلنا الواعين اني وزهراء ورقية
ام علاوي عيني ابو زين اني جايتك بشغله واتمنى ماتردني ....
لهنا انتهى البارت اتمنى ينال اعجابكم
توقعاتكم لبارت الجاي