أبكاني قدري ...ثم ماذا!!!!

ثم ....ماذا😊😊

طبعا انتهت حياتي وي علاوي راح احجيلكم عن مرحلة بعد انفصالي .....

ابو زين...رونق يلله تحضري ماظل وقت حتى نروح على المعاملة

رونق...حاضر بابا راح اكمل

طبعا خطية بابا من بعد انفصالي ولحدلان ابد ماعافني وكل يومية دزينا لدائرة شكل على المعاملة ظلينا فوك الشهرين مرات كل يومية نروح حتى نكمل معاملاتي ...

بعد انفصالي البومه كامت اشكال اطلع حجي علية ماخلت شي ماحجته تخيلو حتي بش....طعنت

بيوم اجتنا جنت عمتي
وكعدت تحجي اشكال من الي سامعت
بيومها كوة ضبطت نفسي لما راحت

وبعد ماراحت فقدت اعصابي بحيث ظليت اصرخ بعلو صوتي وماما والبنات يهدن بية

الى ان فقدت فد مرة
وماادري بروحي الة واني ماخذة المكص بدون محد يدري وصعدت لغرفت زين

وكفت على المراية وكصيت ضفيرتي وابجي
ونزلت شايلتها وابجي من شافتني ماما خلتني بحضنها وشبعت بجي علية نوب اجى بابا وزين من شافنو هيجي

تخيلو بابا الي مانازلة دمعه منة
ولله كعد كابلني ويبجي علية

بيومها خطية زين ...

زين...من شفت هيجي رونق اتخبلت عليها ونوب بابا وماما مكبليها ويبجون وياها
بودي اروح اموته لهذا الحقير
بس شسوي محلفينه لا احنا نتقرب علية ولا همة
رونق حبيتي يابعد روح اخوج كومي لا سوين هيجي بنفسج كومي خلي نطلع اني وياج اني اخوج وعندج ولله الة اخليج اميرة اهنا

رونق...لازين عوفوني كلشي مابية ولله

ام زين...عوفها ماما خليها من يوم الي صارت المشكلة وهي دمعه مانازلة منها خليها تبجي
(ثقو بلله ماسوالفكم بيومها على حالتي لحدلان من اذكر شلون فقدت وسويت هيجي بنفسي اشبع بجي وهسة اكتب واني ابجي بس ماكول غير حسبي لله لله ونعمه الوكيل)
رونق...ماما عوفوني وحدي ولله كلشي مابيه

ابو زين...ام زين شوفي رونق لازم تطلع من الي هية بي من باجر اجيبلها كتب مال سادس خلي تكعد تقرأ حتى تمتحن خارجي ان شالله

ام زين...اي ولله احسن

ابو زين ...رقية رقية وينج تعالي ...

ها بابا
روحي صيحي رونق...

رقية ...رونق تعاي بابا يريدج

رونق..اجيت
ها بابا داز علية ...

اي بنيتي اسمعي راح اجيبلج كتب مال سادس حتى تمتحنين خارجي ...

صدك بابا تحجي يعني ارجع اكمل
اي كملي وادرسي وارجعي مثل قبل ولاتخلين شي يكسرج

رونق..فعلا بابا جابلي كتب وبديت اقرأ ...
طبعا من انطوني افلوس الموخر مالتي والذهب واني هم بعت من الغراض كمت اصرف بكيفي ابد مااهتم لفلوس ...
خلي نرجع اشوية وراء قبل طلاكي ب اسبوع جنا كاعدين اني ورقية وصوفي خلي اعرفكم على صوفي منو ...