أبكاني قدري ...ثم ماذا!!!!

مصيبة جديدة...

رونق...طبعا من خابرني بابا وكلي هيجي مت بدمي نزلت ركض جوا رغم عمتي ماتحجي وياي

عمه شكو شصاير علاوي شبي بابا خابرني وكلي كلشي لاتخلين بلبيت يخص علاوي

ام علاوي...كلشي ماكو لاتدخلين انتي

رونق...ياربي شسوي هسة هذة ماتقبل تحجي خلي اروح اخابر علاوي واشوف شكو
خابرت علاوي مايجاوب
يارب ساعدني فدوة ...
رجعت اتصلت على ماما
الو ..هلو ماما فدوة بس كلي شنو الي صاير وي علاوي محد يقبل يكلي وبابا خابرني كلي باجر تجين لبغداد وجيبين اي شي يخص علاوي ..
ام زين...رونق ولله مصيبة هل المرة
واحد قاري اسم علاوي وعلية تهمة ت......
وعلى اساس ليوم تطلع مداهمة عليكم لبيت تاخذة
من معارف زين كايله وزين خابر علاوي وبلغا وهسة لاتخافين على زوجج هو يمنا بلبيت وانتي انزلي نامي جوا ...

رونق ...من كلتي هيجي ماما واني ارجف من الخوف وبس ابجي واسأل ومحد يجاوبني ابد بيومها لميت الغراض كلها وماخليت شي ابد شكو اوراق صور كلها لميتها
ونزلت نمت جوا احمويني ماخلينهم بلبيت راحو باتو يم جماعه محد بقى بلبيت بس اني وعمتي وحمواتي اثنين لما صار الصبح اني مت من الخوف صار لليل عبالك سنه

المهم اخذتني عمتي الضهر حتى توديني لهلي
وصلت لبيت اهلي وكعدت بلكاع وكمت ادك والطم على حضي المصخم وابجي بعلو صوتي وماما والبنات بس يهدأ بية
لليل اجى بابا وعلاوي وزين

زين...خلي احجيلكم شنو الي صاير علاوي اسمه مشتبه بي وعلية القاء القبض واني جماعه ثقة بلغوني ولازم مايبات بلبيت لان ساعه الساع تصير مداهمات لبيت ...

رونق...والحل شنو
علاوي...زين عندنا عرف وخابرهم وكالة راح نعرف كلشي ونبلغك

لليل خابرو زين كالو ممنوع يطلع لان اسمه معمم على كل السيطرات

رونق وابو زين...علاوي ممنوع تطلع بابا الشارع لما نشوف حل شنو
ثاني يوم من الصبح راح بابا على جماعه يعرفهم
وكايلة اذ تشابه ب الاسماء لازم يروح لمركز يسوي ورقه اسمها براءة ذمه ماعرف شنو

علاوي...اي خالي اني اروح باجر الصبح لان ماعندي شي اخاف منه ولله شاهد على كلامي لحمدلله كلها تعرفني ...

رونق..لاولله مااخليك تروح هذولة الدولة تعرف انته كلشي ماعندك ولله ياخذونك

بابا ..يروح ويسأل
راح بابا وسأل طلع اسم علاوي الكامل موجودة
ياربي شلون مصيبة

مررت الايام واني وعلاوي يم اهلي
ليوم قررت من بابا يروح لدومه اروح لبيت عمتي اجيب غراض محتاجتهن
الضهر طلع بابا لدوام ورحت ويا
دخلت لبيت

السلام وعليكم عمه
...ام علاوي ...وعليكم السلام ...
شلونج عمه ان شالله بخير

لحمدلله تمام😞😞😞😞