أبكاني قدري ...ثم ماذا!!!!

شغوذة النساء..😬😬

رونق...ماما لحكيلي مااعرف اشبية دا احس مختنكة
راح اموت عيوني ماما سويلي شي

ام زين...يمه بنيتي اسمه لله عليج شبيج امي
لحكلي ابو زين رونق راح تروح من ادنينا
ابو زين ...من شفت رونق هيجي وامها بس تعيط اخذتهم كبل لمستشفى اهناك كالو هذا تعب وارهاق
ضربو رونق ابرة مهدئة ونطونه علاج ورجعنا لبيت

ام زين ...من رجعنا من المستشفى ظليت لصبح يم رونق لليل كلة مانمت شبعانه قهر على بنتي بعدها مامكملة شهر من زواجها وكل هذا صار بيها
حسبي لله ونمعه الوكيل

رونق...صار الصبح كعدت لكيت ماما يمي سودة علية لليل كلة سهرانه يمي ردت اروح لدوام ماقبلت لمغرب وهم رجعت ختنكت اهنا ماما قررت نروح لبيت السيد ....

اخذني زين وماما ....لبيت السيد دخلنا وظلينا نتظر دورنا لما اجى اتقدمنا وماما حجت كلشي لسيد وشلون صار اسبوعين او اكثر زوجي جابني وبعد مارجع اخذني بدون مشكلة

رونق...سألني السيد وحجيتلة شلون اختنك
غطاني بستارة خضرة وظل يقرأ علية واني بس ابجي واحس شي يمشي بجسمي لحد ما خلص اقرأية هديت اشوية وارتاحيت

السيد...ام زين بنتج مسويلها سحر والعياذ بلله وحتى زوجها يكرها كايمه وابد مايريد يشوفها

ام زين...سيد ولحل
راح انطيكم بخور وايات قرانية وحجاب وان شالله مايصير غير كل الخير

رونق...مرر شهر وهم محد اجى او سأل علية ابد بعدين بابا قرر يدز جماعه على عم علاوي الكبير حتى يشوف ليش هيجي

المهم ...راحو جماعه واتفقو يوم الجمعه الجاية تصير كعدة مال زلم حتى يشوفون حل
صار يوم الجمعه وراحو بابا وزين وجماعه
واهناك هم جاي علاوي وعمامه ولد عمه

ابو زين...السلام عليكم ياجماعه الخير وحجيتلهم السالفة من اولها لاخرها كلها مارضت عليهم

علاوي...انته خالي وعلى راسي بس اذ رونق ترجع دوام بعد ماكو
زين..اني اهنا تخبلت شلون هذا يحجي ويتنتر على بابا ونوب فوك كل الي سوى يريد يبطلها
صار اصياح ولدي هم ماقبل رونق تبطل من دوامها مانحلت المشكلة هم
ام زين...ها ابو زين بشر شنو الي صار
ابو زين...يردون يبطلون رونق من دوامها وهذا علاوي الحقير كاعد ويصيح مايكول خالي خلي احترمه ولا عبالك ذاك الفقير الي من اجى علينه

رونق...من سمعت حجي بابا وزين وشلون صايرة مشكلة ويردون ابطل قررت اتصل بعلاوي

خابرتها...شلونك علاوي
لحمدلله بخير شنو تريدن متصلة
علاوي ليش هيجي تغيرت مو اني حبيبتك وزوجتك هيجي اسوي بية
اسمعي رونق اخر كلام عندي تريدن ترجعين تعوفين الدوام ولله ماقبلتي ظلي اهناك بيت اهلج
وسدة بوجهي

اني هم ظليت اداوم دوامي عادي بس ابد مالي واهس بدراسة حتى مستوى نزل فد مرة

ست اخلاص ام الرياضيات ليوم دزت علية
رونق ليش هيجي درجت ٣٤ انتي شاطرة وكل المدرسات يحبنج شبيج ماما حتى بلدرس اشوفج مامنبهى
رونق...ست ماكو شي بس اشوية ضروف عائلية
ست اخلاص...اسمعيني هذا الدرجه ماراح احسبها الج لان اعرفج شاطر بس اريدج تنطي وعد جيبن درجه عالية بلشهر الثاني
حاضر ست
مررت الايام واني نفس الشي داما اختنك والنهار كلة ابجي وزني نزل ل٤٨ صرت فدمرة والعالم كامت تحجي ليش اني يم اهلي
واشكال سمعت اشاعات
رجعت خابرت علاوي ..
اول دكة نفتح خط
بس ماكو صوت اني انفجرت من البجي احجي واتوسل بعلاوي شبيك بس اخلص السادس ولله اني احبك ليش هيجي اسوي وظليت احجي ...الخ
اهنا سمعت صوت ضحك
اكلج ترا اني مو علاوي اني عمة
(طبعا ولله اهنا اكتب واني ابجي لان دا اذكرت الايام الي مريت بيها وشكد صعبة علية وعلى اهلي وحجي الناس كان مايرحم)
اني من سمعت عمة سديت لخط بسرعه
وكمت ابجي بصوت عالي وشكو غراض بلغرفة كسرتها اجى زين ...