أبكاني قدري ...ثم ماذا!!!!

الانتقال الى البيت الجديد

رونق...نزلت على الدرجع واسمع عمتي تكل لبنتها

ام علاوي...لويبقى اخر يوم بحياتي مااخلي رونق تكعد بيت وحدة خليها هسة تحلم ...

رونق...مثل الي واحد وضربني رجعت لغرفتي ابجي ياربي اني شنو سويتله اشو هي الي دمرت مستقبلي وفوك كل هذا ماعاجبتها

طبعا داما كانت تحجي علية وترزل بس اني ابد مااردها شسويلها اسكت والسلم امري لله سبحانه وتعالى

مررت فترة وهمة يبون البيوت الى ان كملو كلشي وباجر نتقل لبغداد فكالو النا انو المشتمل بعدا ماكامل ومنا لما يكمل لله كريم اني ايست منهم لذلك كنت مااهتم لكلامهم

اني قبل مانتقل رحت لسوك اشتريت اشياء كلها جديدة لغرفه
وخليت علاوي يصبغلي الغرفه وردي وبي ورد ابيض  طلعت كلش حلوة
ليوم نتتقل كلش فرحانه نقلنا الاغراض كلهن لبيت الجديد وبدينا نعزل ظلينا يومين لما كملنا كلش تعبنا

طبعا اهنا هم ماتهنيت بكلشي لان عمتي خلت اوامر

اولا...
لان عمتي كانت ماتقبل اطبخ بلمطبخ الجديد فخلت طباخ وراء البيت ابو عين وحدة ولازم اطبخ علية وتخيلو الجوء صيف وحار والضهرية تكتل حر لما اكمل طبخ اموت من التعب

ثانيا...
الاستقبال ممنوع احد يكعد بيها حتى ابد ماتوصخخ مرة ظلينا اني وزهراء وبنت عمتي كانت بايته يمنا وسهرنه ب الاستقبال لو الصبح نكلبت الدنيا على راسا طلعت السهرة من عيونه

ثالثا...
ورابعا .......الخ
لو ظالين بذاك  البيت القديم احسن من هاي العيشة
اهنا علاوي قرر...

علاوي...رونق قررت اغير شغلي وافتح سوبر ماركت شنو رأيج ...

شكو بيها حبيبي...

اذ هيجي اكو محلات اثنين جدد دا يبون بيهن راح اتفق وي صاحبهن

فعلا اتفقت وي صاحبهن وبعد فترة فتحتهن ولحمدلله خير من لله كان الشغل..

رونق...طبعا قبل مانشيل زهراء ازوجت شخص من اقاربها هي كانت مرحلة ثانية تربية
ليوم اجتي علينا

زهراء...رونق اكلج اني ماعرف شبية النهار كلة دايخه

رونق...وج يجوز حامل
هسة اخابر علاوي خلي يجي يودينا لابو التحليل قريب علينا

خابرت علاوي وخطية كلي تحضرو هسة اجي اخذكم

اجى علاوي ورحنا اني وهو وزهراء
حللت وطلعت حامل شكد فرحتها 
حياتي زهراء الف مبروك...
لله يبارك بيج رونق يوم الكم

رونق...كوة وصلت لبيت وكامشه دمعتي وعلاوي يباوع علية شكد مااني مقهورة كنت هو اكثر مني

كبل صعدت لغرفتي شبعت بجي
صعد علاوي علية لاكاني ابجي

علاوي...  شبيح حبيبتي هذة قسمتنه ولله ماكاتبلنا يصير عدنا كولي لحمدلله