أبكاني قدري ...ثم ماذا!!!!

تغير في حياتي...🤔🤔

ابو زين...تفضلي ام علاوي.
ام علاوي...ولله ياابو زين اني ليوم جاية اخطب رونق لعلاوي وانته تعرف علاوي عايش وحدة وعدنا بيت واني تعبت من افراكه اريدا يرجع يمي
ابو زين ...ولله يا ام علاوي الشور مو يمي يم رونق بكيفها وبكيف امها
ام علاوي...انتي شنو رأيج ام زين كيف رونق اذ تقبل اني احجي وياها وارجعلج خبر
رونق راحو بيت عمة ودخلت لغرفة ارتاح اني
ملك ورقية ...رونق تعالو نكلج شنو سمعنا
رونق ...شكو خير ان شالله
ملك ...سمعت عمتي ام علاوي جاية تخطبج لعلاوي ابنها
رقية ...وج رونق وافقي غير كلها بنات عماتج يحلمن بعلاوي اني لو منج اقبل هو غير يخبل
رونق ...بس اني مااريد ازوج
رقية...وج امداج هذا سبورتي وعايش بلشمال وحدة كلشي يحققلج
اوف لله كريم
ابو زين ...تدرين يا ام زين اتمنى رونق ماتقبل لان اختي واعرفها ماتعاشر ابد وكحة
ام زين ...ولله بعد كيف رونق بس علاوي يختلف عن اهلة وانته تعرف هو عايش وحدة
لله كريم
علاوي ...اهنا اجى دوري اعرفكم عن نفسي
اني علاوي مواليد ٨٦ جسمي كلش حلو وعيوني صفر يخبلن وطولي فد شي يعني كلني ع بعضي حلو  مخلص معهد حاسبات وماكو تعين لذلك اشتغل بفرن عايش وحدي ب اربيل والدي اتوفى بعد ولدتي بااسبوع بحرب ايران حتى ابد ماشايفني وبعد كم سنه امي ازوجت عمي اخو ابوية وهو كان مايحني واني هم لذلك قررت اعيش وحدي حتى اخلص من المشاكل  .طبعا امي خلفت من هذا زوجها ولد اثنين وبنات اثنين كلش احبهم وكل مااجي من اربيل اجيبلهم اشكال مناك..  .. المهم اني داريد ازوج فكنت افكر فخطرت بالي بنت خالي رونق لان قبل فترة شفتها وصايرة كلش حلوة فخابرت امي
لله يساعدج يوم شلونج اخواني شلونهم
ام علاوي ...كلنا بخير مشتاقيلك اشوكت تجي لبغداد عن قريب ان شاللة
علاوي ..يوم عندي موضوع وياج اريد ازوج
اي بيها الخير ان شالله ومنو سعيدة الحظ
علاوي...بنت خالي رونق
ها ان شالله باجر جمعه واروحلهم واحجي ويا خالك والي بي صالح يصير ان شالله
كافي علاوي انطيني خلي اكمل هاج ام لسان اخذي
رونق....طبعا بعد ماسمعت انو عمتي ام علاوي جاية تخطبني لعلاوي رفضت بس
سمعت ماما تخابر بخالتي وتكلها ولله هم خابرتني صديقتي ام احمد تريد رونق لابنها احمد الضابط ولله اني وابوها نكول هذولة احسن من عمتها
رونق ...طبعا كنت واكفه باب الغرفة وسمعت ماما تريد تنطي لااحمد شبعت بجي لاني كلش مااحبهم
لذلك خليت ماما تخلص كلام وي خالة وحجيت وياها
ماما اني قابلة على علاوي
ام زين ...ولله ماما مايفيدج هذا وتعرفين عمتج شكد وكحه شوفتني المر قبل واخاف عليج
رونق...لاماما اني قابلة وهذة حياتي خابري عمتي وبلغيها بس ب الاول اشوف علاوي واكعد احجي ويا
زين ...طبعا اني علاوي يشبهني الفرق بينا بس لون العيون هو كلش حباب بس الضروف خلته يعيش وحدة لذلك من كالو علية جاين خطابة على رونق الة فرحت كلش بس ب الاول ولاخير القرار لرونق..  رونق...نسيت اكلكم ملوكه حامل وبيها ابنية
وغدير هم حامل وبيها ابنية شلون صدفه هههههه
طبعا ماما خابرت عمتي واتفقو الاسبوع الجاي تجي هي وعلاوي يوم الاربعاء
طبعا اني شعوري اهنا كلش متخربط مااعرف خوف او تسرع مني قبلت بس خليتها ع لله
يوم الثلاثاء العصر اخذت ملك ورحت لسوك اشتريت ملابس واني اصلان ماعرف البس غير التراك لذلك اخذت تراك وردي ع رماني لونه كلش حلو اخذنا بعد غراض اني وملك ورجعنا لبيت
علاوي ...طبعا من خابرتني امي وكالتي موافقين اهنا صدك حسيت بلفرح من كل كلبي وماينوصف شعوري بيومها قررت اخذ اجازة من الشغل وانزل لبغداد..من نزلت لبغداد اول شي سويتا رحت لكرادة ارقى ملابس اخذت واني طبعي كلش احب الملابس
رونق ...الاربعاء ..كعدت من الصبح قبل ماتكعدني امي نظفت اني ورقيةوكملنا الساعة عشرة
دكت الباب اجوي بيت عمتي بس علاوي وعمتى مااسولفلكم على علاوي شلون طالع يجننن
البنطرون ثلجي والتشيرت ابيض والحذاء ابيض
طالع فد شي والعطر يسطر سطر من الباب
علاوي وصلنا لبيت خالتي ودخلنا وسلمت على خالي ابو زين وعلى خالتي
وعيني ادور على رونق الى ان دخلت طالعه تخبل
لبسة تراك رماني وضيك عليها وضافرة ضفيرة ومخلية مكياج خفيف يمه فديتها  ردت اكلها بعيوني نوب كاعدة وخجلانه فديت الخجلان اني
رونق...كاعدة وكلساع اشوف علاوي عيونه عليه نوب هنا شلون عيون يموتن واني مت من الخجل كوة كاعدة الى ان عمتى كالت كومي سوي جاي لعلاوي طلعت من الاستقبال رحت لمطبخ لحكتني عمتي رونق ترا علاوي يحب الجاي خفيف حاضر عمه تدللين
ام علاوي ..رونق تعاي احجي وياج اي عمه اجيت انتي شفتي علاوي هذا كدامج موافقة علية لولا
رونق..ها عمة بكيف اهلي بس دراستي شلون
ام علاوي ..نخليج تكملين انتي وزهراء سوى شكو بيها وانتي ماباقيلج شي هذا الخامس وراح يخلص وسمعت عندج اعفاء بس درسين تمتحنين
رونق ...اي عمة بس انكليزي ورياضيات امتحن الباقي كلة اعفاء
ام زين ...ها رونق شقررتي هذا علاوي شفتي ترا اذ رافضة محد يجبرج وهذة حياة كاملة مو يوم ويومين وحبيبتي بعد انتي وقرارج
رونق ...ماما عمة  اني موافقة
ام علاوي ...مبروك حبيبتي رونق خلي اروح ابشر علاوي واكلة انتي موافقه وخلي يخابر عمامه نجي نكطع مهر ونقرأ الفاتحه
ام علاوي ...ماما علاوي رونق قابلة خابر على عمك محمد وابن عمك سجاد كلكهم راح نجيكم واني راح اخابر عمك حسين
علاوي...خابرت عمامي وبعد الغدا رحنا اني وامي وحجينا وياهم واجوي كلهم وياي لبيت خالي حتى نقرأ الفاتحة وفعلا رونق صارت الي
احساس ماينوصف من تمنى شخص ويصير لك وخاصة اذ كان شخص انته تحبة شعور مفرحح كلش
رونق ...طبعا اجوي عمام علاوي وقرو الفاتحه واني مامصدكه نخطبت وراح تغير حياتي الزلم قرو الفاتحه وبلغونه بعد ماكمت اسمع غير بس صوت الهلاهل من عمتي وعمات علاوي كلها باركتلي وطبعا لحدلان اني ماعرف شنو دايصير بس احساسي كان بين الخوف والفرح فخليته على ربي هو كفيل بلخير الي
راحو الكل بقينا بس اني واهلي
اجى بابا باركلي وباسني من كصتي وزين هم باركلي بيومها كلنا كنا ملتمين حتى غدير اجتي بحيث كلها ضلت تنصب علية واني من الخجل مااكدر احجي
طبعا ليوم صار اسبوع ماكو اي خبر لامن عمتي ولامن علاوي اني ضجت كلش هذا من البداية هيجي  مايسال خلي اخابر زهراء واشوف شنو الاخبار
بليل خابرت زهراء
هلو حبي زهورة شلونج
زهورة...هلا بجنتا شلونج لحمدلله بخير انتي شلونج
رونق ...اكلج علاوي مااجى من اربيل
زهراء...اها شنو بدينا لازم مشتاقتله لبارحه خابر كال الخميس اجي ان شاللة
رونق...ها ان شالله يوصل بسلامه
لهنا انتهى البارت حبايبي انتظروني ب البارت القادم
ارجو ان ينال اعجابكم ....