في الصباح..
ذهبت مريم ومازن الي الجامعه وبعد محاولات عديده مع المدير اقنعه مازن بضروره احتياج اخته للسكن الجامعي فوافق ولكن اشترط عليه مازن أن تكون الغرفه لأخته فقط ولا يشاركها به احد وهو مستعد لدفع اي مبلغ مقابل هذه الخدمه..
في كفتريا الجامعه.
.
مريم وهي تجلس علي الكرسي بتعب
:اووف كل ده علشان حته شقه ده انا اتمرمطت 😑
مازن: ماهو كله بسببك
مريم: وانا مالي
مازن بغيظ: يعني في واحده عاقله عايزه تسكن في سكن معفن وهي عندها فيلا ده اولاً ..وثانياً انتي فاكره نفسك من المحافظات علشان تروحي السكن انتي من القاهره ياما فوقي
مريم ببرود: انا حابه كده عندك موانع
مازن : لا معنديش يا اختي الجامعه هتبدأ أمتي
مريم بحماس: الاسبوع الجاي
مازن : طب يلا نمشي علشان اتأخرت عالشركه
مريم وهي تقوم: خلاص قايمه اهو
ذهب مازن للشركه وعادت مريم للبيت وهي تفكر في حياتها في الجامعه
______________________'______
اما في بيت ميسون
حياه: وانتي يا منه ناويه تروحي الجامعه ولا لسه علي عادتك
منه: عيب عليكي هروح بس٣ايام بس
حياه: ليه
منه: علشان هنزل اشتغل
حياه باستغراب: تشتغلي ليه بس انا قولت انك فقر وغاويه مرمطه
منه:لأ بس هندسه الديكور محدش بيدخلها بالساهل ومحدش بيثبت نفسه فيها بسهوله فلازم علي الأقل اشتغل في شركات كبيره علشان اكتسب من خبرتهم
حياه: اه فهمت وانتي يا حجه ناويه علي ايه
ميسون بغيظ: انا ناويلكوا علي نيه سودا أخرتوني عن المستشفي وانا معاد إشرافي كان من ساعه
حياه : خلاص احنا خلصنا لبس أنزلي شغلي العربيه واحنا جايين وراكي
ميسون: ماشي انا نازله انجزوا علشان مش فضيالكوا
أنت تقرأ
ولنا لقآءٌ آخر(٢)
Actionتمر الشهور والسنين والايام.. وحبال قلوبنا لم تذوب نعم فرقتنا الايام ولا اعلم اي معجزه الي قلبك تقود فأنت كبئر يوسف. يصعب الوصول اليك بل محال ولكن ما انا علي يقين منه أننا سنلتقي كما التقي يوسف...
