ولنا لقآءٌ آخر(٢)

('عوده من السفر')

كانت حياه نائمة في غرفه ميسون حتي سمعت اصوات بالخارج فكرت ان ميسون بالخارج اكملت نومها ثم فاقت علي لمسات من خلف ظهرها وصوت رجوله يقول: وحشتينى يا ميسون
كانت حياه تشك ان هذه من خدع ميسون ومنه ولكن ارادت التأكد فالتفت للخلف وفوجئت بشاب في مقتبل العمر ينظر اليها بهيام وحب خالص
حياه: اااااااه حرامي يا ميسون
اما هو فصدم فهذه ليست اخته ولا حتي تشبها بشئ ولم يجد سوي أن يصرخ هو الأخر فهو في موقف لا يحسد عليه
مصطفى وحياه: اااه انت مين😫😱😭
__________؛؛؛؛ _______؛؛؛؛ _________
كانت ميسون جالسه بغرفتها تقرأ اذكار النوم حتي سمعت اصوات من الخارج فكانت تظن أنها حياه واستغربت من عدم نومها حتي الآن فالساعه قاربت علي الواحده واثناء تفكيرها سمعت صرخه صدرت من حياه وهي تقول.. حرامي يا ميسون...
. ميسون: يخربيت كده هو اليوم باين من اوله طب اعمل ايه دلوقتي اه عرفت
واللهي لندم الحرامي عاليوم الي فكر يدخل فيه بيتي😃
خرجت ميسون بهدوء الي المطبخ وهي تري غرفه حياه مفتوحه قليلا وتري السارق يقف بظهره مقابلات وجهه حياه احضرت علبه الفلفل والشطه وكوب ماء ثم ابتسمت بشر وهي تتمتم
ميسون: الله عليا وعلي افكاري انا لازم اخد جايز نوبل..
ذهبت ميسون الي الغرفه ثم فتحتها ببطء وهي تنظر الي الرجل امامها وهي تهمس .. واحد.. اتنين.. تلاته..
ثم صرخت بصوت عالي فالتفت الرجل خلفه ليري من بالغرفه وقبل ان يري ميسون قامت هي برمي الفلفل والشطه علي وجهه ثم عقبتها بكوب الماء
الرجل: ااااه شطه شطه اووف هووف اه عيني يا مجانين يا متخلفين عايز مايه
حياه بضحك: يخرب عقلك موتيه
ميسون وهي تنفض يدها من الفلفل و تقول علشان يحرم يلعب معانا😂
بصي يلا نربط...
ايه ده هو فين
بحثت حياه و ميسون علي السارق في انحاء الغرف والبيت بأكمله حتي دخلوا الي الغرفه الخاصه بأخ ميسون فوجدوه هناك يأخد دواء مخفف لألتهابات العين وينشف وجهه
ميسون بشك: انت عرفت منين مكان الدوا ده محدش يعرف مكانه غير واحد بس..
التفت الرجل بوجهه لميسون وهو يقول الشخص ده انا صح😤
خرجت شهقه من ميسون وحياه ثم تبعها قول ميسون بدهشة ممزوجه بفرح شديد : مصطفى انت رجعت من السفر أمتي😑😱

____""___________________
أما في شركه مروان

السكرتير: دول افضل ٣اترشحوا للوظيفة وانا نقيت اكفأ شخص فيهم
مروان وهو يتفحص الأوراق: ماشي شكرا يا احمد انا هتصرف في الباقي المهم معاد المقابله امتي
احمد؛: بكره الساعة ٢ على فكرة انا الي هعمل المقابله علشان انت وراك اجتماع علشان امضاء العقود مع شركه A&M
مروان: ماشي انا معتمد عليك هقري الملف و ابعتهولك ..
احمد: ماشي يا فندم
خرج السكرتير اما مروان فجلس يتفحص الملفات التي أمامه سريعا حتي جذبه ملف مكتوب بالأنجليزية فعرف ان صاحب الملف تخرج من الجامعة الأمريكية.. لم يري صورته ولكن ما جذبه حقا كميه الخبره واللغات العديده التي يكتسبها رغم انه صغير في السن فوافق علي الفور علي طلب توظيفه ثم عاد الي الأسم ليقرأه كان الأسم مكتوبا بالأنجليزية بخط عريض وهو Mena Tarek
قرأ بدايه الأسم ثم تمتم.: مينا بقي علي اخر الزمن اشغل مسيحي في شركه اول عمل ليها كان بناء جامع😂..
مش مهم المهم يكون صاحب خبره انا وافقت عليه مش محتاج احمد بقي يعمل مقابله.. ثم نادي علي الساعي وأمره بأخذ نسخة من الورق وأرسالها للسكرتير وعدم أجرائه للمقابله فقد وافق علي الشخص المتقدم للوظيفه وسيبدأ في عمله من الغد فمروان سيكون مشغولاً ولن يستطيع امضاء العقد معه...
_______:: ________:: ______::
في بيت ميسون..
ميسون: مصطفي انت رجعت
مصطفي بغيظ: لأ لسه هناك
ميسون:بطل رخامه مش كنت تقولي كنت جيتلك المطار استقبلك
مصطفي : لا مانتوا خلاص استقبلتوني احلي استقبال.
حياه بإحراج:انا أسفه بس مكنتش أعرف انت مين كنت بحسبك حرامي
مصطفي : علي أساس أن في حرامي بيقعد يستني علي السرير ويطبطب عليكي كمان ده ايه الحرامي الحنين ده. لأ ده ناقص يستناكي تفوقي علشان تتصلي بالبوليس ياخدوه عالبوكس عجايب
ميسون: خلاص يا عم مانت الي جاي مش في معادك الصلح خير
مصطفى: ماشي بس لما أتعرف هصالح كده وخلاص.
ميسون وهي تضرب جبهتها : اه صح بص دي حياه فاكرها أكيد بنت عمو رأفت ..وده يا حياه مصطفي أخويا. مصطفي وحياه بنفس الوقت
مصطفي: ...حياه رزاله
حياه: مصطفي رخامه
ميسون وهي تمسح دموعها الوهميه بتأثر: الله الله عالمحبه كل واحد معلم عالتاني.
مصطفي: مش معقول دي البت أم سنان مكسوره الي كانت بتقول عالشمس سمس وهي صغيره
ميسون بضحك: اه هي بالظبط
حياه بغيظ : ومش هو ده أخوكي الي كان بيعاكس بنت البواب بتاع الدوار بتاعنا وأبويا علم عليه لما عرف
ميسون: اه هو
مصطفي : مش دي البت أم لسانين الي راحت تقول لفتحي أنا بحبك من وانا صغيره وهي كان عندها ١٠سنين
ميسون بملل : اه هي
حياه: ومش ده الواد الي كا...
ميسون بصراخ: خلاص انت وهي هو انتوا لازم تنشروا غسيلكوا المتوسخ هنا
حياه : هو الي بدأ عن أذنكوا
مصطفي بضحك:أذنك معاكي يا سمس حياتنا
ميسون : المهم روح شوفلك فندق تبات فيه لحد ما اشوفلك شقه إيجار علشان تسكن فيها علشان حياه ساكنه معانا
مصطفي بجديه: حاضر بس بالله عليكي حضريلي أكل علشان هموت من الجوع
ميسون بحنان: من عنيا يا درش
ابتسم مصطفي لميسون بحنان وهو يرتب علي رأسها ثم تركته ميسون ودلفت للمطبخ حتي تعد الطعام
في غرفه ميسون:
حياه:لازم أمشي من هنا بسرعه بس هروح فين وهلحق أجهز شقه أاجرها منين يارب ساعدني بقي أنا تعبت .
صح ممكن اروح السكن الجامعي أنا من محافظه بعيده ممكن يوافقوا بس المدارس قربت مش هيبقي في شقق فاضيه ولو في هتبقي مشتركه وانا معرفش أخلاق البنت الي هتشترك معايا في السكن. ايه الحوسه الي انا فيها دي أحسن حاجه أجهز شنتطتي وابقي اسيب الباقي لبكره

انتهت ميسون من تحضير الطعام ثم دلفت لحياه بطبق يحتوي علي بعض الطعام.
ميسون: حياه خدي جبتلك أكل علشان ميبقاش فيه احراج لو طلعتي تاكلي بره بصي بقي مصطفي مش هيغير حاجه من نظامنا خالص هو بكره الصبح هيروح يدور علي شقه يأجرها وواللهي لولا أن الوقت اتأخر كنت طردته بره البيت بي هو راجع ميت من السفر وعايز ينام وخلاص الفجر هيأذن فمعلش هينام في الأوضه التانيه والصبح يمشي والمفتاح بتاع الأوضه جمبك علشان تقفلي علي نفسك
حياه: ايه كل ده يا حجه مين قالك اني عايزه يمشي ده بيته وبعدين أنا عيزاكي تنامي معايا النهارده
ميسون: وانام معاكي ليه بقي إن شاء الله أنتي نونه

حياه: علشان خاطري يا ميسوسو نصلي الفجر وندخل ننام
ميسون: يلا نصلي
بعد قيام ميسون وحياه بالصلاه والجلوس للأذكار حتي وقت الشروق. كي يكتب لهم حجه وعمره تامه بالثواب
قامت حياه لتسرع الي الفراش كي تنام علي الجانب الخارجي اما ميسون فابتسمت لتصرفها الطفولي فهي لم تكبر بعد
حياه: يلا بقي تعالي نامي جمبي وشيلي الأبتسامه السمجه دي من علي وشك
ميسون بإبتسامه وهي تقفز علي الفراش وتدثر نفسها هي وحياه
ميسون: ماشي بس بشرط
حياه: ايه هو
ميسون : تقوليلي أخر شعر كتبتيه قبل ما تيجي القاهره
حباه بشك: اشمعنا التوقيت ده بالذات
ميسون : علشان مشوفتش أشعارك من ساعتها مش أكتر
حياه وهي تعتدل بجلستها ثم تأخذ الفرشاه من علي الطاوله بجانبها وتستعمله كميكرفون وهمي
حياه: أحم أحم اسمعي بقي وأنصتي
ميسون: قل لي أذانٌ صاغيه
حياه بأستغراب: أسمها كلي أذان صاغيه اتنيلي يا ميسون وانتي مش عارفه حتي تقولي مثل نفسي أعرف انهي أعمي دخلك طب ده
ميسون: خلاص بقي قولي الشعر
حياه: طب اسمعي
ومن تركوني بوادٍ غيرَ ذي زرعٍ...
لن أستطيع النسيان.....
سأتناسي وأمضي وقلبي لن يقدر علي الغفران .....
فلا أنتم آخر البشريه ولا بعدَكم تتوقف الحياهُ عن الأستمرار...
أعلم أنكم بعد حينٍ ستعودون بدموعٍ كاذبه تجري كما الأنهار...
ستعودون للوادي الذي تركتموني فيه...وتقولون أنه قدر ومن نحن لنتحكم بالأقدار....
ستعودون للوادي وحينها سأكون مِتُ ومات قلبي...
ستواسونني بقولكم..إنما هو عمرٌ وبيد اللهِ هي الأعمار..
ستعودون بأشواقٍ محملهٍ بالكذب. وحينها لن أقبل أعذار....
إلا من أتاني بقلب سليم..
قلبٌ يشعرني أنه من الأبرار...
ستعودون فقد وجدتم فيا ما وجد أبناءُ يعقوب في يوسف المختار...
فقد كان هشاً عندما تركوه قبل سنين ...
وعندما عادوا وجدوه عزيزَ مصر الجبار..
ستعودون وحينها لن يكون لكم الأختيار..
ستعضون أصابعكم ندماً بعد عودتكم علي ما فرتطم في قلبٍ جائكم متلهفاً منتظراً أحضانكم بفارغ الأنتظار...
ختمت حياه جملتها الأخيره وهي تمسح حبات العرق الوهميه عن جبينها ثم ما لبثوا حتي سمعوا أصوات تصفيق تأتي من أمام الغرفه وصوت يقول...
: هايل برافوا يا قمر يااه بقالي كتير مسمعتش أشعار منك من ساعه الشعر بتاع أذن يا بلال
التفتت حياه وميسون الي الصوت بتفاجأ فلم يتوقعا هذا الزائر الجديد..
_______________________

(ولنا لقاء آخر)
(نوران سلامه)