ولنا لقآءٌ آخر(٢)

مقابلة عمل 😒

.

ختمت حياه جملتها الأخيره وهي تمسح حبات العرق الوهميه عن جبينها ثم ما لبثوا حتي سمعوا أصوات تصفيق تأتي من أمام الغرفه وصوت يقول...
: هايل يا حياتي يااه بقالي كتير مسمعتش أشعار منك من زمان من ساعه  الشعر بتاع أذن يا بلال
التفتت حياه وميسون الي الصوت بتفاجأ فلم يتوقعا هذا الزائر الجديد..
ميسون بأستغراب: منه أنتي ايه الي جابك هنا الوقت ده
منه: ايه ده بتطرديني بالزوق يا كلب
البحر
ميسون: مش قصدي بس انتي جايه الساعه٦الصبح ودي معجزه فأكيد في مصيبه
منه: سته ايه يا حجه الساعه ٨ انتي نايمه في ميه البطيخ
ميسون: استحاله اتأخرت عالمستشفي.
هرولت ميسون الي الخارج  وهي تتعثر حتي ترتدي ملابسها لتذهب للعمل هي وحياه
وتبقي حياه ومنه في الغرفه
حياه: انا هقدم في السكن النهارده
منه : نعم ياختي مانتي عايشه مع ميسون اهو هو انتوا زعلانين من بعض
حياه: لا بس أخو ميسون جه من السفر امبارح ومش هقدر اقعد هنا واسيبه يأجر شقه وهو عنده واحده هتبقي قله زوق
منه بخبث: يا حنينه ومن أمتي ده بقي أن شاء الله
حياه: بصي بس شيلي الأفكار القذره دي من دماغك علشان ده لو أخر راجل في العالم مش هفكر أبص في خلقته
منه: ليه يعني هو وحش
حياه: انتي عارفه هو مين
منه: مين يعني عوكل
حياه: أوحش مصطفي فكراه مصطفي أخو ميسون
منه بشهقه: هارسوح ده رجع من السفر أمتي ده مش معقول بقي مصطفي كلاكيع هنا
حياه بقرف: ايه كلاكيع دي كمان انا مسمياه مصطفي رخامه
منه: مانتي مدلعه أسمه كلاكيع نسبهً للكرش الي كان عنده وهو صغير كان عامل شبه الحامل في تؤام اسكتي متفكرنيش
حياه بضحك: ماشي يا ختي عملتي ايه في الشغل
منه : هبدأ النهارده بأذن الله انا رايحه دلوقتي أصلاً
حياه: ايه لحقتي تتقبلي انتي دافعه رشوه ولا ايه
منه: لا يا خفه بس خبراتي و تعليمي خلوهم يتصلوا بنفسهم بيا ويتحايلوا عليا ويقولولي بالله عليكي يا منه شركتنا محتجاكي هتقع لو مفيش موظفه زيك فيها نحن بحاجه اليكي يا منه
حياه: هما قالولك كده يا شيخه اجنا في أيام مفترجه حرام الكدب
منه: انا بهزر اكيد شركه عالميه مش هتتحايل  عليا اشتغل عندهم مكنتش هند رستم انا
حياه: هارسوح انتي انحرفتي خالص يا منه انتي عارفه هند رستم
منه باستغراب: لا واعرفها ليه
حياه: مش انتي لسه قايله انا هند رستم يبقي أكيد عرفاها
منه: لا سمعتها من واحد صاحبتي وانتي طبعا عارفاني
حياه بضحك : اه طبعا اكيد خدتي الكلمه كوبي بيست وانتي مش فاهمه اي بتنجان
منه: الله ينور عليكي عرفتي ازاي ده انا كن__

حياه : باااس اخرصي خالص ايه بالعه كلب خفي رغي بقي علشان اتنيل والبس لأن ورايا معاد مع توتا
منه بسخريه : ملقتيش أسلوب أنضف من ده تحرجيني بيه
وبعديت أنا أشتم رائحه خياانه مين توتا دي انتي بتعرفي بنات من ورايا يا قليله الأدب
حياه: تخيلي ان وصلت بيا قله الأدب أني امشي مع بنات كمان
منه : ياالهوي يا بنتي حرام عليكي هتضيعي نفسك اوعي تأمنيلهم لحد يوعدك بالجواز ويخلي بيكي.
حياه: يخلي بيا أمشي يا بت من هنا لأضربك ياربي عالتفاهه
منه بغلاسه: تفاهه ولا برتقاله
حياه بصراخ :منننه بره بدل ما شوشو يطلع وانتي عارفه طلعته وحشه
.    منه بضحك: خلاص خارجه بس مين توتا دي كمان
حياه: دي صاحبه ميسون في المستشفي لو اتعرفتي عليها هتحبيها خالص ماتيجي معانا النهارده
منه: لا انا هروح اتمشي شويه علشان مخنوقه
حياه: حالك مش عاجبني بس مش هسألك هستني لما تيجي تحكيلي بنفسك .
منه بهمس ممزوج بسخريه: ماشي استني للقرن الجاي بقي لما اجي احكيلك
ذهبت ميسون وحياه للمشفي وذهبت منه لبدأ اول يوم عمل لها
في المستشفى عند غرفه فتحيه وقفت حياه أمام الباب وهي متوتره لا تريد الدخول ولكنها علي يقين أنها لن تستحمل ما يجثو فوق قلبها من هموم  حسمت قرارها بأنها ستذهب ولن تدخل لفتحيه وإن سألتها ستبرر غيابها بأنها صارت أحسن ولا تحتاج لجلساتٍ أخري ثم رفعت يدها عن مقبض الباب واستدارت لتذهب ولكن أوقفها رنين هاتفها أتسعت عيناها بذهول وهي تردد أن ذلك المثل الشعبي.. القلوب عند بعضها  حقيقي فلم تتوقع اتصال هذا الشخص والآن وبها..
____________
نزلت منه من السياره بعد تفاديها الكثير من الحوادث وهي تحدث السياره
: لأ اهدي بقي وقولي هديت لحسن انا شحتاكي من ميسون ولو رجعتلها والعربيه فيها خدش هبات في الشارع مش ناقصه هو يوم باين من أوله. اووف
استدارت منه ثم دلفت الي الشركه بخطي ثابته وهي تتمتم بعض من الأدعيه لأخفاء قلقها.
و عندما كادت أن تدخل المصعد وجدته معطل والكثير من الموظفين يجلسون أمامه منتظرين تصليحه زفرت بممل ثم لفت انتباهها مصعد بأخر الممر لونه ذهبي ولكن يقف عليه حارس ضخم توجهت سريعا لكي تلحق بمعاد المقابله وكادت تدخل المصعد لولا اليد التي سحبتها حتي كادت تقع علي الأرض ألتفتت وهي تستعد للشتم بأفظع الألفاظ لذلك الجحش الذي شدها
الحارس وهو يمسك بيد منه:  انا أسف يا فندم بس ممنوع الركوب هنا
منه:  ليه ان شاءالله هو انتو مخبيين فيه حد
الحارس:  دي أوامر يا فندم وانا بنفذها ممنوع الدخول لغير المدير
منه:  ليه مديرك كام كيلو
الحارس بإستغراب حوالي ٧٠ او ٧٥يا فندم ليه
منه بلامباله:  وانا كام كيلوا
الحارس:  حوالي ٦٥ يا فندم
منه بملل:  والأسانسير بيتحمل كام كيلو
الحارس:  حوالي٣٠٠يا فندم او اكتر
منه بشك:  انت كنت أدبي ولا علمي
الحارس بضجر:  علمي حضرتك
منه بسخرية:  ٦٥ +٧٥ كام
الحارس:  ١٤٠
منه:  برافو يعني مكملناش٣٠٠ ممكن تسيبني اركب بقي علشان انت رغاي همت منه بالذهاب لكن أوقفها الحارس مره أخري وهو يردد ممنوع يا فندم ممنوع
منه بصراخ:  هو ايه انت راكبك عفريت أسمه ممنوع طب واللهي حتي لو اتصلح الأسانسير التاني هركب ده برضه
الحارس بصرامه:  الحاله الوحيده الي هركبك فيها لو مستر مروان وافق علي ركوبك غير كده أفضل بره
أقتربت منه ثم قالت بصوت يحمل كل الحقد: هو كان رئيس الجمهورية علشان يتعمله مصعد مخصوص ايه الهم ده يا ربي بس انا عند كلمتي أني هركب ده مش التاني
الحارس ببرود:  يبقي لازم تاخدي أذن مستر مروان
منه بتحدي:  ماشي هاخده وهوريك وانا وانت والزمن طويل
خرجت منه بغضب وهي تشتم ذاك وقح المصعد..
منه بنفسها:  ايه الورطه دي كان لازم تتحديه انا احسن حاجه ادخل أقف لحد ما الأسانسير التاني يتصلح وألم كرامتي الي أتبعترت كان لازم يعني تتكلمي وكأنك تعرفي سي مروان ده وهيوافق تركبي الأسانسير علي طول كتك القرف في أفكارك الغبيه
نظرت منه للساعه بملل لقد مر ساعه منذ تحدت ذلك الحارس او ذلك الجحش كما تقول بقي نصف ساعه علي ميعاد المقابلة وهي تكاد تحترق هنا تود الركوب في مصعد الموظفين ولكن عند  محاوله دخولها المره السابقه للمصعد بعد أن تم أصلاحه وجدت ذاك الحارس ينظر لها من بعيد بسخرية وكأنه يعلم أنها ستركب مصعد الموظفين في النهاية لذلك عادت مجددا للأستراحه وها هي تكاد تموت قهراً وقد بقي عشرون دقيقة علي ذلك المعاد اللعين
منه: حياه الحقيني بسرعة انا في مشكلة كبيره
حياه: الي اعرفه أن الي بيتصل علي حد بيتصل يطمن عليه مش يجيبله مشاكل
منه:  حياه أنجزي محتجاكي بجد
أنا عايزه أركب الأسانسير الي جوه
حياه بنفاذ صبر:  طب وانا هاجي أدخلك يعني انتي هبله يا بت
منه:  اصبري بس اسمعيني الي حصل أنه.......... 
حياه:  منه أنا هعد لحد تلاته لو مقفلتيش هقفل في وشك السكه يخربيت التفاهه الي انتي فيها
منه:  أخس عليكي صديقه مش وفيه خالص الكلب احسن منك
حياه: يعني انتي الي وفيه أوي
منه:  اه انا وفيه
حياه بسخرية:  يعني زيك زي الكلب
منه:  أوباااا ايه الأحراج ده مش في وشي طب
حياه:  يا بنتي معاش ولا كان الي يحرجني ابداً
منه بضحك:  معاش ولا مرتب شهري
حياه: ________
منه؛:  ألو ألو يا حياه البت قفلت في وشي يعني كان لازم تقلشي مش مهم
كده مضطرة ادخل عالخطه ٢
_______________________