ولنا لقآءٌ آخر(٢)

مروان !!!

في اليوم التالي وخاصه في شقه ميسون.

ميسون : حياه حياه انتي يا حجه الساعه ٩ قومي علشان نروح نقدملك في الجامعه
حياه:اممممممم
ميسون بضحك :وانا كمان
حياه :وانتي كمان ايه يا هبله
ميسون :اصل امممم بالهيروغليفي يعني بحبك فقلتلك وانا كمان هتقومي ولا
حياه : ولا
ميسون: طب انا سجلت اعترافك بالحب وهبعته لمنه وانتي عرفاها مبتصدق تمسك ذلل علي حد
حياه: متحوليش مش هقوم
ميسون: طب والي يقولك علي مكان مروان
قامت حياه مفزوعه من النوم
مروان انتي عرفتي مكانه بجد يا ميسون
ميسون: مش اوي
حياه:بمعني
ميسون: هقولك فاكره واحنا راجعين لما قولتلكوا استنوا هنزل اشتري حاجات من السوبر ماركت ورجعت سرحانه طول الطريق
حياه: وده ايه علاقته بمروان
ميسون: بصي يا ستي انا هحكيلك
                                                     Flach.back
ميسون:انا نازله اشتري حاجات حد جاي معايا
حياه :  لا انزلي انتي بسرعه انا مش قادره
ميسون بغيظ: محسساني انك كنتي بتزرعي في الأرض مش قادره من ايه يا اختي
منه: روحي يا ميسون بسرعه وسيبك منها
ميسون: طب انا رايحه كل حاجه ميسون ميسون اووف
دخلت ميسون السوبر ماركت وقامت بشراء كل ما يلزم البيت من طعام واثناء خروجها قام شخص بالأصتدام بها وهو يتكلم في الهاتف
ميسون : اااه
الشخص : انتي مبتشوفيش يا بت انتي
ميسون بغيظ: انا الي مبشوفش يا أعم..
بترت ميسون كلمتها عندما رأت الشخص كان يشبهه بشده بنفس الطول والشكل شردت بوجهه ميسون وهي تفكر في رد فعل حياه ان كان هذا الشخص هو نفسه قاطع شرودها صراخ هذا الشخص عليها
الشخص : هو انتي عاميه وطرشه كمان
ميسون : احترم نفسك يا استاذ انا مش طرشه بس حاسه اني شفتك قبل كده
الشخص باستهزاء : مهو اكيد لازم تشوفيني هو محدش يعرف مروان انا من اشهر المهندسين في مصر فأكيد شوفتيني في التلفزيون ممكن توسعي بقي علشان امشي ولا انتي مشلوله كمان
تنحت ميسون من أمامه وهي تفكر هل هذا هو هل عاد بعد هذه السنوات وما مصير حياه ان عرفت ..
                                          Back.  
ميسون: بس يا ستي هو ده
حياه : وهو علشان اسمه مروان يبقي هو نفس الشخص تشابهه في الأسماء
ميسون بتأكيد: هو انا متأكده فاكره زمان انه كان مغرور ومكنش بيعتزر خالص وامبارح معتزرش مع انه غلطان
حياه : برده مش دليل
ميسون : طب فاكره هو كان عنده غمازه واحده  في خده الشمال بس
و الي قابلته في السوبر ماركت عنده نفس الغمازه
حياه بتكذيب: برده مش دليل ممكن اي حد يبقي عنده نفس المواصفات ديه
ميسون: انتي ليه مش مقتنعه انه هو بس علشان أاكدلك عنده غمازه في عينه الشمال واظن بقي انك اتأكدتي انه مروان مفيش غيره عنده نفس المواصفات دي وبعدين  مش انتي الي كنتي هتموتي علشان تشوفيه ولو من بعيد ايه الي اتغير
حياه بصوت اشبه بالبكاء : ولغايه دلوقتي عايزه اشوفه بس بكدب نفسي علشان محسش بصدمه لما الاقيه مش هو مروان وده مجرد تشابه بكدب نفسي علشان انا مش حمل صدمات تاني انا اكتفيت من الصدمات
ميسون:  وهي ايه الصدمات الي خدتيها في حياتك علشان تقولي كده
حياه بتهرب : مش كفايه صدمات امبارح
منك انتي ومنه.
ميسون بضحك: متنكريش ان المفاجئه عجبتك
حياه : عجبتني جداً
  Flach back