الجزء الاول من (سلسله اوراح عاشقه) حوريه قلبى

5

بسم الله الرحمن الرحيم
لا تدع القراءه تلهيك عن الصلاه
الفصل الخامس
_____________________________________
منذ ان عاد حمزه وادم من الخارج وقد اخبرتهم والدتهم أن حوريه فى غرفتها تنال قسط من الراحه فأضطر الاثنان الانتظار حتى تستيقظ …
.ولكن فى غرفة حوريه فقد كانت  جالسه على الفراش تضم ركبتيها لصدرها وتبكى فعلى الرغم من محاولتها المستميته الا انها لا تتذكر اى شىء مما حدث ولا تتذكر من هى أو ما حدث لها ...سمعت دقات على باب الغرفه تبعها دخول ايمن الخجول الى الغرفه ولكن ما أن رأته حتى اتجه اليها ركضا وهو يقول لها بطفوليه
ايمن:مالك يا حوريه انتى شوفتى كابوس
حوريه:وهى تجفف دموعها:ايوه يا حبيبي كابوس
ايمن:بحيره:طيب انا هروح انادى على بابا
حوريه:بتسأول:تنادى على بابا ليه
ايمن:علشان يشيلك ويغنى ليكى ذى ما بيعمل معايا لما بحلم بكابوس
ابتسمت حوريه لايمن وهى تتخيل ادم يحملها ويقوم بالغناء لها لتتسع عينيها بذهول بسبب ما تخيلته
حوريه:لا يا حبيبي ملوش لازمه انا خلاص بقيت كويسه
ايمن:وهو ينظر اليها:بجد ...يعنى مش هتعيطى تانى
احتضنته حوريه وهى تقول
حوريه:لا مش هعيط تانى
ابتسمت حوريه بحزن وهى تضم ايمن اليها وتفكر هل يوجد أى شخص بالخارج يبحث عنها ام انها مجرد امانى وليس لها اى شخص بالوجود
_____________________________________
بالاسفل فى غرفة المكتب
كان ادم يجلس بجوار حمزه الذى كان يقص عليه اخر مغامراته النسائية
ادم:يابنى ارحم نفسك بقى ...انت مش ناوى تتجوز ولا ايه
حمزه:واتجوز ليه ...هما يعنى اللى اتجوزوا اخدوا ايه ...وكمان انا مستحيل أفرط فى حريتى مهما حصل
ادم:ربنا يهديك حرية ايه بس ...انت عندك ٣٠ سنه لازم تبدأ بقى فى تكوين عيله
حمزه:انا مستغربك بصراحه انا كنت فاكر انك اول واحد هيعارص الجواز بعد اللى حصل
ادم:اللى حصل ده يا ادم مش عيب فى الجواز...لا العيب فى الاختيار الغلط اللى انا اختارته بصيت على الشكل والمستوى ومبصتش على اللى جوه ...علشان كدا مأخدتش بالى اد ايه منى كانت فاضيه من جوه وميهمهاش الا مصلحتها
حمزه:يلا اهى غارت فى ستين داهيه ...ثم غمز بعينيه وقال...احكيلى بقى على المزه اللى فوق شكلها عامل ازاى
لا يعرف ادم لماذا شعر بالحنق فى هذه اللحظه ولكنه حاول تجاوز هذا الشعور وهو يقول
ادم:يا اخى عيب عليك ...دى مهما كانت ضيفه فى بيتنا
حمزه:اهو بعد الكلمتين دول انا بقيت متشوق انى اشوفها اكتر من الاول
ادم:والله انت حكايه ...اهم حاجه متضايقهاش بأى حاجه هى ملهاش اى حد غيرنا
حمزه:متقلقش انا بس هسألها كان سؤال علشان أتأكد من انها فعلا مش بتمثل علينا
اظن:لا متقلقش انا حاسس انها فعلا فاقده الذاكره
حمزه:على العموم كله هيبان ...صمت حمزه قليلا ثم عاد ونظر الى ادم وقال ...مقولتليش بقى هى حلوه
نظر له ادم بذهول ثم انفجر الاثنان فى الضحك فهذه هى عادة حمزه فهو دنجوان العائلة
_____________________________________
فى غرفه فاطمه
كانت فاطمه تجلس امام المرآة عندما دخلت عليه الخادمه فقالت لها
فاطمه:الغدا جهز يا سميه
سميه:ايوه يا ست هانم ...اروح اصحى الهانم اللى جات مع ادم بيه
فاطمه:وهى تقف وتتجه لفراشها :ايوه روحى صحيها واديها الشنط دى وقوليلها أن آدم هو اللى جايبهم علشانها
سميه:حاضر يا ست هانم اى خدمه تانيه
فاطمه:لا يا سميه روحى وانا نازله اهو
اتجهت سميه إلى خارج الغرفه بينما اتجهت فاطمه الى الغرفه الداخليه لتقوم بتبديل ملابسها وهى تفكر فى الفتاه التى احضرها ادم الى المنزل
_____________________________________
فى الاسفل
كان ادم وحمزه يجلسون على طاولة الطعام ينتظرون بقية العائله عندما دلف محمود إلى الغرفه وهو يتحدث معهم
محمود:اخص يعنى يوم ما ترجعوا تأكلوا من غيرى ايه النداله دى
وقف حمزه واحتضنه وهو يقول
حمزه؛ابدا والله مكلناش احنا قاعدين اهو مستنيين لسه
ادم:عامل ايه يا محمود
محمود:وهو يحتضنها:هكون عامل ايه متمرمط فى الشغل طبعا بعد ما انت سافرت
ادم:معلش كنت محتاج ابعد واريح دماغى شويه
محمود:على العموم ولا يهمك ...هاه عملتوا ايه فى موضوع البنت
ادم : ابدا ادم لسه مشفهاش اصلا ...اصل هى …..
قطع حديثه عندما دلفت حوريه الى الغرفه وقد كانت ترتدى فستان باللون الكريمى بنصف كم ينساب على جسدها بحريه ويصل لبعد الركبتين بينما شعرها البنى  القصير يحيط وجهها لتزداد جمالا وكانت تنظر إليهم بخجل شعر معه أنه يراها لاول مره فقد كانت عيناها متعلقه به هو فقط ….خرج من شروده على صوت حمزه
حمزه:اهلا يا انسه حوريه ….انا حمزه اخو ادم
حوريه:بخجل:اهلا بحضرتك
محمود؛وانا محمود اخوهم بردوا
حوريه:اهلا بيكوا تشرفنا
ادم:وهو يتأملها؛طيب يلا بينا علشان نتغدى
حوريه:ثوانى ايمن بيغير هدومه وهينزل على طول
اخرج حمزه هاتفه وقال
حمزه:طيب ممكن اخد ليكى كام صوره علشان انزلهم على الموقع الخاص بينا فى الشرطه
حوريه:حاضر ...اتفضل
نظر ادم الى حوريه وهى تنظر الى الكاميرا الخاصه بهاتف حمزه وفكر فى أنه يراها فى كل مره اجمل من المره السابقه ...نهر ادم نفسه على التفكير بهذا الشكل فربما تكون متزوجه أو مخطوبه ...شعر بالنيران تشتعل فى رأسه عندما فكر أنه من الممكن أن تكون ملكا لرجل اخر ..أخرجه من شروده دخول فاطمه وايمن الى الغرفه وهى تقول
فاطمه:يلا الاكل يا حبايبى اكيد جعانين
حمزه:وهو يجلس؛عندك حق والله يا ماما انا اكل البيت واحشنى اوى
محمود:مدام وحشك اوى كدا اقعد هنا ..قاعد فى شقتك لواحدك ليه
ادم:مهدءا:احنا على الاكل ياريت تأجلوا النقاش بتاعكم بعد ما نخلص ...وكمان بلاش ادام ايمن
حمزه:وهو يقبل ايمن :والله الواد ايمن ده كان واحشنى اوى
ادم:بعد الاكل ابقى اقعد معاه براحتك
بدأ الجميع فى تناول الطعام ولاحظ ادم أن حوريه لا تتناول طعامها بل تعبث فقط فى مكونات طبقها فأقترب منها وهو يقول
ادم:لازم تأكلى علشان الدواء بتاعك
حوريه:بخجل:انا بأكل اهو والله
ادم:واكل العصافير ده ينفع يعنى...متتكسفيش وكلى براحتك
حركت حوريه رأسها بالايجاب وهى تشعر بالخجل من نظرات ادم لها بينما ابتسم حمزه بخبث وأشار لمحمود بعينيه بأتجاه ادم فأبتسم محمود واكمل طعامه بينما لم تلاحظهم فاطمه التى تطعم ايمن
_____________________________________