كيبينو راسهم حدا بنات.
مهم الاب ديالي وصلتو بلي انا كنغيب وبلي الاستاذ طلب منو باش يجي لليسي ووصلو ليه شي هضرة خطيرة، الاب ديالي داك ليلة دخلت للدار والام ديالي بقات كتشوف فيا شوفات خطيرة وشوية كانت تبكي على ولدها لضايع والاب ديالي عيط ليا شنو درتي فالمدرسة، بقيت نحلف ليه بلي حنا ولاد شعب وفقراء وكيكرهونا وحيت الاستاذ برجواوي كيقولك شري بزاف الامور وانا ياابي معنديش باش نشري ويا ابي الدراري حيث كيشوفوني بسبرديلة مقطعة وسروال مقطع كيحتقروني ، الاب ديالي راني مضلوم... مهم تاق بيا وبصاح هادي هيا الحقيقة.
غدا مشى معاي الليسي وبدا يهضر مع الاستاذ، وشوية عيط ليا الاستاذ وقالي باك كيتعدب وكيشري ليك الحوايح والدفاتر والكتب وانت كتدير مشاكل وكتبيع الكتب والدفاتر ومكتكتبش الدروس وكتسب دراري وكتخرج حدا باب ليسي تكمي وتشمكر ... تصدمت وقلت ليه كيفاش كنكمي وهو يجمع معاي الاب ديالي واحد تسرفيقة، وانا نغوت الضلم يا ابتي راه مضلوم وهو يجمع معاي بتسرفيقة أخرى. وكانت اول مرة حسيت بالحكرة ونضت نبكي وسيفطني حارس العام نخسل وجهي وانا كنفكر بلي الاب ديالي ومتقش فيا ... حياتي ضاعت ...
مشيت مع الوليد للدار ومتكلمناش وملي مشيت لدار دخلنا كلسنا فالبيت وهبطت عيني وسكت وسولت الوليدة الاب ديالي ... مالو ، قاليها كيكمي وكيتشمكر و كيتعدى على الدراري داير فيها خطير وانا كنسمع هاد الهضرة وكنحس براسي معزول وغريب على خوتي وخوتي كيشوفو فيا إنسان غريب .
أنت تقرأ
قصة جحيم تاونات. بالدرجة المغربية
Mystery / Thrillerقصة تناقش العديد من الأمور التي يعاني منها الشاب المغربي كالفقر والمخدرات وحرب العصابات ، قصة فيها التشويق وكل شيى تحبه . من الفقرة الأولى ستعجبك قصص مغربية قصص مغربية بالدريجة المغربية
