قصة جحيم تاونات. بالدرجة المغربية

الفقرة 8

دازت أشهر على الحادثة لوقعات ، حاليا شهر 6 وانا كالس مع أميمة على جنب البحر والذاكرة ديالي رجعت للماضي ، فاش قريت رسالة ديال الاب ديالي ، تفكرت داك ساعات رسالة ديالو وتخلي ديالو عليا ، طلعت حرقت داك مكتبة السرية لخلاها ليا سي عباس الملقب بالدرقاوي ، والزوجة ديالو شريت ليها فيلا فطنجة وشريت ليها 3 محلات تجارية وبيهم كتدخل فلوس وماتت بعد داكشي بشي شهراين ودرت ليها أكبر جنازة ، اما عباس درقاوي كاع محضرتش لجنازة ديالو، الأم ديال حمزة كنسيفط ليهم شهريا فلوس بالتخبعية ، صحابي خرجتهم من حبس بكفالة . نرجعو للواقع ملي دازت أشهر طويلة ، كنت كالس مع أميمة فجنب البحر ديال طنجة ، كانت عاد رجعات من كندا ، داك ليلة حتافلت معاها ، قلت ليها هاد ليلة سهرة اش باليك نجيبو شي رابور واعر بزاف يغني لينا فالسهرة ديال ليلة ، قالت ليا راه كيعجبني راب ولكن فين نلقاو شي حد ، قلت ليها راه T-flow من فاس ولكن راه تاوناتي ، نمشيو عندو وهو ولد بلادي وراه عزيز عليه ولاد تاونات وانا هو لكيمزكني وباغيه وربي كبير ، صافي تصلنا بيه مبغاش يجاوب ، مشينا عندو صديق ديالو مغني راب وهو لصونا عليه ورغبو قاليه صديق ديالنا ، تلقينا t-flow قلت ليه تغني لينا هاد ليلة و نعطيك فلوس لبغيتي ، ولكن هو تسيف عليا ، قالي جمع عليا ساطة ديالك وسير لانخسرو ، وتشنقنا وكلشي جا معاه كلشي كيبغيه ، وبزز متفرقنا ، و فاش تفرق الصداع جا عندنا صحبو وتلقانا قالينا راه هو رجل مزيان ولكن انت طلعتي ليه دم ، تلقيناه ، قلت ليه انت عزيز عليا والوحيد لكتمزكني وعلاش درتي معانا قبيح ، وهو يقول انا كنغني باش نعالج هاد مجتمع الفاسد ، كندوي على مواضع باش نطلعو من راب ونصلحو مجتمع ماشي باغي الفلوس ، الفلوس مكتهمنيش ، كيهمني ولاد الشعب ، طلبنا منو مسامحة ، وعرض علينا انا وأميمة وسهرنا ضحك ونشاط ، وودعتو وتصورنا معاه ، وفالصباح ملي كنا راجعين كتامة ، فطريق وقفونا 2 طونوبيلات كوحل .
ملاحظة :  هاد فقرة كنت كتبتها داك ساعات كنت مبلي ب t-flow كان عزيز عليا داك ساعات  قبل ميوقع داك مشكل ويبقى  يسب مهم دبر  راسو مبغيتش نمسح هاد فقرة حيث داك ساعات كانت داخلة فالقصة .