قصة جحيم تاونات. بالدرجة المغربية

الفقرة 11

مهم الصداع والعالم وبنادم كيغوت حصلتو الشفارة وبنادم هاز المدرة و السيوف تقول راه قاتلين روح، وشوية جايا زوجة سي درقاوي ياكو ، يا ولاد الحرام، هذا هو خيرنا ، كتشفرو لدار فيكم الخير ، وتشوف بنادم جاي كيجري وشدونا واحد 2 وهو يجمعو معاي بنص وتسرفيقة وقاليا ملقيتي شكون تشفر غير سي درقاوي . جدنا الكبير الجماعة الليلة تقتلكم ، وشويا كيدخل سي جمال، هاد سيد لعفو باينة عليه قتال دباح ، قاليهم وهو كيدوي بنيفو فيييم هما هاد ولاد لكلان ... نكتل مهم ،مهم غير كيرون فالهضرة ، حرام الا جمع مع صحبي بواحد ضربة صحبي تحشش ، وهو يركلني بحال الحيون... وبقى عليا بتصرفيق وحتى لقيت راسي حاصل فهاد الموصيبة ونضت نبكي ، راه الراجل كيبكي ماشي حيث ضربوه لا... كيبكي حيث تقولب وكيبكي حيث الام ديالو مشافهاش اخير مرة ، حيث الام ديالو هيا كلشي فهاد الحياة، بكيت حيث هاد دنيا عيشتني غير فالمشاكل عشت بحال الكلب وربما نموت بحال الكلب ، مثير للشفقة ، وهو قليا جمال ، كتبكي كثمتل علينا ، هزوه يلاه نعلقو مهم فالشجرة ، داونا تحت واحد الشجرة وبقاو علينا بالدق والدق لكليتو عمري فحياتي كليتو تسرفيق والهراوة والمسويطة وصحبي هرسوه من رجلو وشوية قالك نعلقوهم فشجرة، أنا بديت نشهد حيث بقى فيا غير روح وعيني منفوخين ورجلي كتعرج ويدي مفكوكة، كنت كنتمى الموت ، وبعدا شي وحدين كيقوليهم نلحوهم فالسد ، وشوية كنسمعو الغوات وحبس حبس ،وهوا يتصدم سي جمال وقال ، عمي درقاوي خليك علاش جاي ، وهو يجمع معاه درقاوي بتصرفيقة واش حماقتو بغيتو تديونا الحبس يلاه هزو وديهم للدار وجمال قاليه ولكن... قاطعو قالهم بشمن حق تدخلتي فهادشي ... دابا نتفاهم معاكم .ودونا لدار وانا مفاهم والو حتى حطونا فالبيت وزوجة ديالو كتشوف فينا شوفة الحقد، ونعسنا ليلة كلها ، وغدا ملي فقنا قالينا سمعو شنو غدي نقوليكم .