قصة جحيم تاونات. بالدرجة المغربية

الفقرة 13

مهم فالعشية مشيت عند سي الدرقاوي ، قالي راني كنشوف فيك العزيمة وباغي توصل ولكن شروط ديالي صعابين بزاف، قلت ليه غير قول. .
قال: أنا هو ديال هادشي الحشيش ديال جماعة ، انا عندي علاقات كبيرة مع أكبر المجرمين والمافيا ، وحدك تخدم معاي راك كتخلى على كلشي ،راه الا تشديتي ولا حصلتي ، قل مشفتش ومكنعرفش ، وانا غدي نعلمك تسوق الطونبيلات مهم تكون سائق مزيان، فلوسي غدي يبقاو يدوزو على يدك وغدي نعرفك على أكبر الموزعين ، مهم انت دير داكشي لكنقول،وانا نقاطعو ، صافي عمي درقاوي مطلعاش مطلعاش والله حتى نموت على قبلك، قالي راه عرفين شكون انت وفين كتسكن وسولنا عليك، وانت لعجبتني حيث تقدر تدير اي حاجة ... وسكت 
وقالي غدا صاحبك بغى يمشي بحالو، غدي نعطيك شي سلعة وصلها لواحد السيد ولكن تبع هادشي لغدي نقولك والفلوس لغدي تشدهم ، خدهوم وسير لبلادك تاونات ودع صحابك ووالديك وخوتك ... رتاح شي شهر واجي موجد ولكن تقدر تكون أخير مرة شفتي ناس لكتبغي، انا معرفش علاش كيهدر ، مهم بقى كيقولي شي حاجة ، نص ساعة وهو كيوضح ليا شي أمور كتخلع.
غدا ديال داك نهار مشيت عند داك سيد كيقولو ليه "الفرعون" تعجبت من هاد سمية، وصلت حدا باب عندو فيلا كبيرة بزاف وسط غابة ، وبزاف ديال الحراس حدا الباب ، قلت ليهم انا لسيفطني سي درقاوي، قلبوني بداك الالة لكيقلوبو بيها نهار الامتحان. .. دخلوني كنلقى بشاخ على عالم الرفاهية ، أكبر لابيسين للعومان وداير بيه بستان كبير وفيلا حدا لابيسين كاين شي كراسة وطبالي وبنادم كيضحك والموسيقة ، مشيت عندو مع حارس،كان لابس كلشي كحل وشي سناسل ولحية زعرة وعندو عينين كيخلعو ولونهم خضر ، وكانت حداه بنت شبه عريانة كانت بنتو وشادة فيدها، بيسي فعمرها شي 18 سنة ،قبل منتكلم قالت باباتي الفيسبوك ديالي نسيت كلمة سر ، شوف شي واحد يرجعو ليا ، وانا نطق من جنب ، أنا عندي مع معلوميات نرجعو ليك، وهو يحمر فيا ، شكون قالك تدوي لزم حدودك ، هدوك لسيفطوك يمكن معودولكش عليا،وبدا يضحك ، وقالي يكما خافتي ، شد بيسي عونها، وانا باغي نشد pc فيدي وكنشوف فوجها ،يا إلهي ما هذا الجمال ،يربي اش هاد جمال تمنيت غير تهضر معاي ، شافت فيا وضحكت وقالت ليا شنو سميتك ،شفت فالاب ديالها وقلت خالد ، قالت ليا خالد واش تقدر ترجعو؟؟