حفرة الموت

الفقرة 2

خونا سامي دازت ايام وكاع مرجع يكمل الخلاص عند الأخ نسيم ، قلبنا المدينة كلها عليه ولا خبر عليه ، حتى الأخ ديال نسيم يوسف قالينا بلي تعرف عليه عن طريق الصدفة ، كان صونا عليه نمرة بريفي بلي باغي يخدم معاه وكان كيبات فالخدمة .
دازت الايام وقال ليا نسيم : خالد دابا هاد سيد مسيحي يعني راه غدي يكون كيمشي للكنيسة ، ولكن للأسف الكنيسة مكيناش فالمدينة لفيها ، شدنا الإحباط بسباب هاد السر .
مبقيناش كنتلقاو انا ونسيم وشدنا الإكتئاب ونعزلنا فالدار لمدة شهر ، هو كان عندو pc كان كيقلب على داك نجمة اش كتعني وواحد العبارة بالانجلزية كانت مكتوبة فظهر سامي ملي ترجمها لقينا كتعني "الشيطان يعطيكم الحرية" ،صحبي مدة وهو يقلب على هاد عبارة شنو كتعني ،أما انا كنت كنقرى الكتب على المنظمات السرية وشكون كيتحكم فالعالم ،قريت كتب دينية وقريت كتب المسيح والروايات على الأساطير ،قريت على الثقافة الأمريكية ، لكن للأسف مكتلقاش تفسير على داكشي لكتقلب عليه ، دازت ليام وجات القرايا وأنا عندي العام الثالت فالجامعة ونسيم عندو العام الأول ، ومع الاجواء الجامعة ومع جامعة بعيدة على المدينة ديالنا ، عالم اخر وثقافة أخرى ، بحال السرقة ممنوعة والغش ممنوع ، كندوي على جامعة ظهر مهراز ، صحبي تبع طريق النظال وسمح فقرايتو وكان كيقول ليا بلي الحياة كلها نظال ، أما انا كنت كنتقاتل مع s1 كاع مدخلتها ،طلعت لينا فرسنا اجواء الجامعة والمشاكل لفيها ، قررنا نمشيو لواحد ديسكو نشطو شوية ونرتاحو نفسيا ،ومهم نشطنا شوية والصراحة حتى حد فينا مكان كيصلي وهادشي لخلانا نبقاو نمشيو ديسكو وتخربيق .
بعد ساعات فالديسكو كنتفجؤا بلي واحد الشاب كيشبه لسامي كالس مع واحد بنت زوينة ،كنشوفو فيه ولكن هو كيتجاهل ، مشينا عندو وتكلمنا معاه ولكن تسيف علينا بلي مكيعرفناش وهو سميتو سعيد، ولكن حنا عارفينه بالخصوص الصوت ديالو ، شنقنا عليه وهو يهرب لينا وتبعناه...