حفرة الموت

الفقرة 6

ملي وقعلي داك ديكور مع داك أوروبية قبل منمشي ولاية أخرى بدلت مدينة وتعرفت على واحد السيد كبير فالعمر ، كان خدام فالسيرك ، كنت خدمت معاه وملي قلت ليه باغي نمشي لشي ولاية اخرى قال ليا بلي هو غدي يدير شي عرض السيرك فشي ولاية أخرى غدي تعجبني... فرحت ودوزت معاه شهور طويلة لحتى لواحد نهار قاليا جمع حوايجك جاتنا خدمة فولاية أخرى ، قتارح عليا نخدم معاه ويسكني مجانا ، وصلنا لولاية اخرى ودوزت الايام الأولى كلها سفر ، كنت جمعت فلوس صحيحة معاه ، ومن بعد بدينا خدمة فالسيرك ومع تشهر صاحب سيرك ، كنت كنخدم وراء الكواليس كان كيتعامل معاي فالفلوس ، كان كيشيط ليا بزاف ديال الوقت ، وليت نلبس غير الكلاس ، كنت كندوز كل نهار من واحد درب عجبتني واحد بنت كتلبس الأسود باين عليها الإكتئاب مع جماعة ديالها 2 اخرين معاها ، كانت كتهبط شعر على عينيها وشي كحول وموسيقى محبطة كتجيب ليك الإكتئاب ، كنت كنحاول نهضر معاها ، ولكن كتشوف فيا وتهبط عينيها مفهمت ، تعلقت بيها درجة رفضتني ، سمعت عليهم داك ناس إيمو خصك باش تكون معاهم خصك تبقى تسمع لموسيقى الروك وميتال ... موسيقى كتخليك تبوح بالمشاعر الشخصية العميقة كتبدى بإنخفاض وكتطلع بشوية حتى كترجع صاخبة ، موسيقى كتمرضك نفسيا ، غير الحزن والأسى كتلقى داك ناس الإيمو كيبغيو ينتحرو ، وبزاف فيهم كان كينتاحر بسباب هاد ثقافة ، هي ثقافة غريبة بزاف ، ولكن انا كنت طايش كاع مكيهمني شي حاجة خصني ضروري نعجب داك البنت ،مكنتش عارف حتى حاجة مشيت صبغت شعري بشوية ديال الكحل والصفر وهبطت شعر على عينين ديالي ولبست واحد سروال كحل مقطع ودرت حلاقة فودني وسوفيتمة فيها نجمعة ديال المسونية ،كلشي هادشي باش نرضيهم داك جماعة نتقرب ليهم ، مشيت عندهم وشافوني وضحكو عليا ودارو ليا فاك ومشاو بحالهم وقفتهم ... قلت ليهم انا ماسوني من عبدة الشيطان ، بقاو يضحكو عليا ومشاو ، وهي تقول ليا ... اش جاب ماسونية لينا المكلخ ومشات...