تبعناه ولكن صحبي بقى معطل ولحقت عليه وملي وصلت عليه فواحد درب لقى راسو حاصل وكيقول أنا مشي صحبكم بعدو مني ، قربت ليه غفلني ضربني لعيني وزاد ضربة أخرى لسناني ، ملي شفت دم ، كنجمع معاه بضربة ،وسمعنا سطافيط البوليس وهرب ، مشيت لدرب اخر ، وقفت كنتسنى نسيم وكنرتاح ووجهي كله دم ، شوية حسيت بيد ناعمة على كتافي وصوت أنتوي عذب رائع بصوت منخفض ، خالد مالك ...
أه إلا مخنتنيش الذاكرة هاد الجميلة الرائعة يمكن كنعرفها ، شكون يقدر ينسى هاد العوينات الرائعة والإبتسامة لكتهرس الحجر وشكون بقى يفكر فشي سامي ولا ضرب ، جبدت كلينيكس ومسحت ليا عيني من دم وجابت ليا قرعة ديال الماء ... قربت لعندي شافت فعيني وهبطت عينيها وطلعت سريفة ديال جكيطة ديالي ، وقالت بصوت منخفض ، خالد مالك واش بغى يكريسيك ، وانا مصدوم ،وصل صحبي وهي ترفع من صوتها ، قالت انت مريض خليت صحبك يدبز بوحدو ، مهم نسيم معرف والو وملي عرف حنان معرفة والو رتاح ،اه حنان كتقرى معاي فالجامعة ومن أعز الأصدقاء ديالي ، بقات تغوت عليه وقالت راه هذاك ولد حومتي ، شنو دار ليكم ، ومع نسيم بقى يسول ويدير شي تصرفات ... شكت فينا وحلفت متورينا فين هو حتى نعودو ليها ...
دازت نصف ساعة وعودنا ليها قصة ، معطاتش للأمر حتى أهمية ومشات معانا ، وتعطل خونا مرجعش ،وحنان مشات لدارها وتسنينا سامي ومجاش داك ليلة ، حتال غدا شفناه وملي شفنا ستسلم وعيط لينا ، دخلنا عندو لدار كيبان عليه إنسان عادي ، تصاور ديال الكورة والمشاهر ،وقالينا بلي داكشي غير وشم وصاف ، مهم مبغاش يقولينا حقيقة ، دازت أيام طويلة ورجعنا اصدقاء ديالو وكان كيعود لينا كلشي ولكن ملي كيوصل للعائلة كيسكت ، مهم رجعنا كنباتو عندو وصحاب روح ، وواحد نهار كانت معانا حنان ومع هو كان سكران كان كيقوليها شي امور فشكل ، هم كيبغيو حرية ميخليوكش تهرب ، الشيطان هو ربهم ،الشيطان يقتلك ...
أنت تقرأ
حفرة الموت
Horrorمن بعد ماكتبت هاد القصة بخمسة ايام وقع ليا شي حاجة مرعبة جدا وتوقفت على كتابة وبخصوص هاد القصة ورجعت بعد 3 سنوات نكملها عليها هنا في 2021. أخطر قصة لي دمرت ليا حياتي.
