حفرة الموت

الفقرة 7

ملي سولت صديق ديالي فالسيرك سميتو جون ، قاليا بلي داك ناس عندهم ثقافة خاص وانت قلتي ليهم بلي راك موسوني ومن عبدة الشيطان ، الإيمو معندهاش علاقة بالمسونية ، وانا قلت ليه بلي سمعت كاين إيمو عندهم علاقة بعبدة الشيطان ، قاليا ممكن ولكن داك جماعة ،ديرنيها موضة و ثقافة ومتبعين الإيمو ظاهريا وخصك تلبس بحالهم وتصرف ديالهم، طلع ليا دم لبست حوايج عادين ومبقيتش كنمشي عندهم ، لحتى واحد نهار وقفات عليا داك الإيمو شارلوت الاسم ديالها ، قالت ليا واش باغي تولي من عبدة الشيطان ، تعجبت من سؤال ديالها ، ولكن حيث باغي تعرف عليها وتكون ديالي ، قلت ليها اه ، قالت ليا كنعرف واحد سيد غدي يعوني صديق ديالها ولكن خصني نقول ليه بلي كنت إيمو ،قالت ليا غدي نعونك، بقيت كنتلقى بها وكتديني لواحد منزل كلهم لابسين الكحل وسراول مضيقين وسراول مفضفضين ، قالت ليا هاد لون الكحل كيعبر على الظلمة لكاينة فقلوبنا ، الإحساس الداخلي ، وقالت ليا هاد كلمات لمكتوبة فالملابس ، كلمات من أغاني روك الخاصة بالإيمو ، وقالت ليا شعر طويل ومهبط على عينين كيعبر بأن ذكور مكيدوهاش فالمظهر الخارجي لهداك لكيهضرو معاه وإنما كيهمهم الجوهر الداخلي ديال الإنسان ،
قلت تبا هاد ناس وصلو لواحد لدرجة الإحباط والإكتاب كتمرض ، وسولتها على الإيمو لعندهم إرتباط مع عبدة شيطان قالت ليا هدوك مرضى نفسين وسكتات ، وشوية شفت واحد فيهم كيغوت وكيجرح فراسو وقطع من صبع من يدو ، سولتها علاش ، قالت ليا حيث هدوك كيعبدو جسد ديالهم باش يتخلصو من العذاب النفسي ، لان العذاب الجسدي كينسيك من العذاب النفسي والاغلبية باش يرتاحو كينتحارو ، صراحة تصدمت ولكن عجبتني فكرة ، وبقيت كنجي ديما عندهم وكنلبس نفس الملابس ونسمع موسيقى حزينة روك وصاخبة ، ولكن مع مدة بديت نتأثر من هادشي وليت نتفكر الام والاب ديالي والاخ ديالي ووليت نجرح يدي نغوت ومستقبلا وليت منهم ورجعت محبط بزاف وعليا حلات الإكتئاب مع المخدرات وليت فحالة جد سيئة وكرهت هادي لدخلتني فهاد الحالة ، مشيت عندها واحد ليلة قلت ليها شارلوت باغي نتاحر ...