هـاڤـانـا || HAVANA

٣

🎶 مين دة اللي يقدر يقول كلمتين ، قصاد العيون دي يطول الكلام 🎶

______________________

** شيرين **

خبط على بابا باب مكتبه وبعدين فتحت ، لقيته بيشيل الأوراق بسرعة في المكتب ، بصلي واتنهد في راحة ، كان فاكرني ماما ..

بابا "بلاش دخلة بوليس الآداب دي تاني يا شيري والنبي"

ضحكت وانا قعدت قدامه ، انا علاقتي بين بابا قوية اوي ، يعني ممكن تقولوا اني بحبه اكتر من ماما ، علاقتنا مش اب وبنته ، ممكن تقولوا زي البيست فريندز بالظبط ..

"أنا آسفة يا بابا ، ينفع اتكلم بقى؟"

بابا "اتفضلي يا حبيبتي."

اتنهدت ..

"فاكر كريم اللي قابلناه في البحر؟"

هز راسه اة وانا كملت ..

"اتفقنا كلنا ان حضرتك وماما تقابلوا باباه ومامته ، عشان نبقى على راحتنا وكدة ، وانتوا تبقوا مطمنين علينا وكدة ، ها ايه رأي حضرتك؟"

بابا بصلي وبعدين اتنهد وكأنه بيفكر ، بعدها الباب فتح على الاخر ومازن دخل ..

مازن "صمووووو عليكووووووو"

بابا "ايه يا حيوان انت دة !؟ داخل زريبة !! مسمعتش عن حاجة اسمها خبط قبل كدة ؟!"

مازن "انت يعني يا حاج مش عارف ان انا معايا إذن من الحكومة العُليا ادخل في اي حتة ولا ايه؟"

بابا بصلي وبعدين مازن قعد على الكرسي قصادي وحط رجله على مكتب بابا ..

بابا "نزل رجلك يا حيوان بدل ما اكسرهالك."

مازن نزل رجله بسرعة ؛ وبعدين بابا بصلي ..

بابا "خلاص يا شيري انا موافق ان احنا نتقابل مع أهل كريم .."

قومت من على الكرسي وروحت حضنته وبوسته من خده ..

"ربنا يخليك ليا يا احلى بابي في الدنيا دي كلها !!"

بابا ضحك وحضني انا كمان ومازن نفخ ..

مازن "اومال مبشوفش الحنية دي كلها ليه ؟! ما اة ما انا مش ابنك !!"

بابا "مش ابني ازاي يا عبيط يعني ؟! اومال اتنيلت جيت هنا ازاي ؟!"

مازن "ماما تكاثرت ذاتيا محدش له دعوة !!"