هـاڤـانـا || HAVANA

٩

🎶 مين وين جيتي وخليتي نص المدينة تالف ، دوختيني حمقتني حتى اسمي ما بقيت عارف 🎶

__________________

** شيرين **

دخلت المدرسة تاني يوم وماشية زي الزومبي ، منمتش كويس ، او منمتش خالص ، ليه؟ علشان استاذ مازن كان فاتحها كباريه امبارح بليل وعازم 'صحابه' في البيت !!

لقيت روڤان جاية عليا ومنشكحة ، اول ما شافتني اتخضت ..

روڤان "سلامٌ قولا من رب رحيم !!"

"شكرا"

روڤان "ايه يا بنتي دة !! مالك عاملة زي الميتين كدة ليه ؟!"

"مطبقة من امبارح .."

روڤان "ليه بس؟ تعالي نشرب قهوة ولا حاجة علشان تصحصحي كدة"

خدتني من ايدي روحنا الكافيتريا وجابتلي قهوة وهي جابت نسكافيه ..

روڤان "متبصيش دلوقتي ، بس الواد طارق بيبص عليكي .."

بصيتلها بإستغراب وبعدين لقيت بنتين توأم جايين يقعدوا على ترابيزتنا ..

- روڤي !!

روڤان "حورييييي !! نوريييي"

قامت خدتهم بالحضن وانا كنت قاعدة الزُهرية ، بعدوا عن بعض وبصيت على البنتين ، واحدة شعرها لونه نبيتي تقريبا وقصير ، والتانية شعرها اصفر وطويل ..

روڤان "شيرين دول حور ونور ، توينز دي شيرين صاحبتنا الجديدة .."

اللي شعرها قصير حور ، واللي شعرها طويل نور ، تمام ..

نور "تعالي جنبي يا كيوت انتِ"