هـاڤـانـا || HAVANA

٦

🎶 'Cause you were mine for the summer, Now we know it's nearly over 🎶

__________________________

** شيرين **

كنت بلم اللبس بتاعي ، مش عارفة ايه البرود اللي انا فيه دة !! ولا زعلانة ولا فرحانة ولا أي حاجة ، انا كنت متخدرة تقريبا ، عشان مكنتش حاسة بحاجة خالص ..

الباب خبط وبعدين لقيت ماما واقفة على الباب ..

ماما "شيري حبيبتي ، مشوفتيش المسكرة بتاعتي؟"

"لا والله يا ماما ؛ بس آخر مرة شوفتها كانت تقريبا شوفتها في رف الدولاب بتاعك"

ماما هزت راسها اة ومشيت ؛ مفيش ٣ ثواني ولقيتها جاية تاني وكانت بتتنهد ..

ماما "بصراحة كدة ، انا مكنتش بسأل على المسكرة ولا حاجة ، انا كنت جاية اطمن عليكي ، عارفة انك مضايقة .."

فضلت ساكتة وهي جات ناحيتي ولفت جسمي وحضنتني ..

ماما "انا عارفة انك مدارية جواكي ؛ وعارفة انك زعلانة من بابا ، بس دة مش ذنبه يا حبيبتي ، والشغل محتاجله .."

ضحكت من غير نفس ..

"اة منا عارفة !! شغله مهم طبعا !!"

ماما اتنهدت وقالت " انا هسيبك دلوقتي عشان تهدي ، بسرعة بقى عشان منتأخرش على ميعاد الطيارة"

خرجت وأنا قفلت شنطة السفر بتاعتي ، جبت ال backpack بتاعتي وحطيت فيها شاحن الموبايل والمايك اب بتاعي ، والبرفانات والاكسسوارات ..

الباب فتح تاني ولقيته مازن المرة دي ..

مازن "كريم تحت .."

بصيتله جامد وقولت "مين اتصل بيه ؟!"

مازن "انا ، هو لما عرف جيه على طول ، انزلي سلمي عليه يلا .."

اتنهدت ومشيت ايدي في شعري ، كان في ميت فكرة بتدور في دماغي ؛ ومش عارفة اعمل ايه ..

_____________________

** كريم **

كنت مستني شيرين تنزل ، كنت قاعد مع باباها ؛ لقيته اتكلم وقال ..

هاني "كريم ، ينفع تتكلم مع شيرين بسبب السفر دة ؟! لأنها مش راضية تتكلم معايا ، حاول تقنعها تتكلم معايا .."

"طبعا يا عمو هكلمها !!"

لقيت مازن نازل ، توقعت ان شيرين هتكون وراه ، بس للاسف لا ..

مازن "انا اسف اوي يا كريم ، بس شيرين مش هتقدر تسلم عليك ، لإنها مش بتحب لحظات التوديع ، بس بتقولك خلي بالك من نفسك وابقى طمنها عليك .."

اتنهدت وهزيت راسي ماشي ، مازن ابتسم بحزن وجيه حضني ..

مازن "هتوحشني يا ابو الصحاب والله !!"