هـاڤـانـا || HAVANA

٥

🎶 شئ مش جديد قلبي ارتوى ، وانتِ بعيدة احنا سوا ، بتونسيني في غربتي ، في غربتي 🎶

______________________

** شيرين **

بابا "ايوة ، لازم نسيب هاڤانا ونسافر أمريكا."

الكل سكت وبصولي كأني براسين ..

بابا "أنا عارف يا شيري--"

"انت متعرفش حاجة !! انت كل اللي هامك شغلك !! كل اللي هامك الملايين اللي انت عمال تجمع فيها وخايف تضيع !! مش هامك سعادتنا ولا اذا هنكون مبسوطين في الأماكن الجديدة اللي هنروحها دي ولا لا !! هو قرار انت بتصدره ومش عايز فيه نقاش !!"

زعقت وبابا كان باصصلي ودلك قورته وانا بدأت اعيط ..

"أنا تعبت ان كل ٦ شهور الاقي نفسي في مدرسة جديدة !! الاقي نفسي وسط ناس جديدة !! معنديش حد !! تعبت ان كل الناس بتبص عليا 'البنت الجديدة اهيه' انا تعبت ان انا عندي اول يوم في المدرسة اكتر من اي طلبة عادية !!"

اتنهدت ومسحت دموعي ..

"أنا هخرج !!"

بدأت امشي بس بابا نده عليا ووقفني ..

بابا "شيرين انا لسة مخلصتش كلام !!"

بصيتله وضحكت ..

"وانا معنديش طاقة اسمع اعذار اكتر من كدة .."

خرجت ولقيت كريم واقف ساند على العربية بيلعب في الموبايل ، اول ما شافني بصلي بقرف ..

كريم "ما لسة بدري ، لا والنبي اتأخري شوية -- ايه دة ؟!"

حضنته وهو استغرب شوية وبعدين قام حاضني  وانا عيط جامد ، دخلني العربية وهو قعد في الكرسي بتاع السواق ..

كريم "اهدي ، اهدي طيب في ايه ، شيريريري ، مالك !!"

بعدت عنه ومسحت دموعي بس كان صوتي لسة فيه نبرة عياط ..

"بابا هيسافرنا معاه أمريكا عشان شغله !! انا تعبت ومش عايزة اسيبك !!"

هو حضني وحسس على شعري ، انا فضلت بعيط بصمت وماسكة فيه ..

كريم "طيب ، مش عارفة هتسافري امتى ؟!"

"مسألتهوش ، مش عايزة اتكلم مع بابا اصلا !!"

سكت وبعدين لقيته بيبصلي وبيضحك ..

كريم "هو انا صح زعلان عشان هتمشي وتسبيني ، بس لو مستغلناش الوقت دة ونقضيها  خمر ونساء مش هنلحق نتبسط !!"

ضحكت وهو بدأ يسوق ..

"طب هنروح فين طيب !!"

كريم "عند امك."

___________________

** مازن **

دخلت اوضتي وكلمت عمو هادي ، مين عمو هادي؟ عمو هادي دة اخو بابا ، يعني عمنا .. انا سرسجي كدة ليه؟