شريك حياتي...@ 2
بقلمي ....سندس....
....... وفي استراحة الموظفات اللي هي عبارة عن غرفة كبيرة عاملنها مصلي وخاتين فيها كم مرايا.. وحمامات لي نهاية السيب مربوطه بي هول ظريف كده)... كانت أرام واقفه في المرايا بتظبط روحها (23 سنه متدربه في الشركه زوله ظريفه وملامحها بريئه شديد وبتموووت في حاجه اسمها أيهم )وبرة في الهول كانوا في بنتين بيتونسوا اللي هم مرسي 25 سنه اول وحده اتوظفت في الشركة دي من الشله محبوبة الجميع زوله دمها خفيف وطيووووبه اما سميه 25اتعينت قبل سنه بس زوله سمينه وقصيرة وحلبيه زولة دغرية وبتكرة اللف والدوران وفجأه....
-أاارام...يا أرام ألحقي..
وجات رهام تجري وهي بتفتح باب استراحة الموظفات السكتوا فجأه ونططوا عيونهم عشان يشوفوا الحاصل شنو... كوركوا فيها بصوت واحد رهام وسميه
-فيييي شنوووووو؟؟؟؟
بصوت متهدج من الجري ختت يديها علي ركبها وقالت
-أرام وين؟؟؟
-جوة مالا في شنو...(سالتها سميه وهي خايفه إنه تكون أمها ولا اخوها حصل ليهم شي...سميه هي صحبتها شديد وشغاله قبلها هنا في الشركه يعني خبرة زولة عسل شديد وبتحبها شديد )
-أصبروا بس دقيقه اخد نفسي....وبعد شوية رفعت راسها لقت سميه ومريي بعاينو فيها وكاتمين انفاسهم عشان يعرفوا الحصل شنو....
ردت عليهم....
-الباشمهندس...جايب معاه طيارة قال شنو مديرنا الجديد...
وبصوت واحد جروا نفس بارتياح ...اتغاظت مرسي نطت فيها...
-الله يلعنك يا قبيحه هسي قلنا في مصيبه حاصله...
سميه قعدت تقول
-حسبي الله ونعم الوكيل يا شيخه قطعتي قلبنا...
وبي نفس الطريقه واصلت ليهم....
-أي ما في مصيبه فعلا....المدير طلع مززززة....(وبي خبث )وبصراحه بتقطع القلب...
-كيف يعني قصدك مديرنا بنت؟
-بت هههه بت....وما اي بت ....دي مرتوا.....
عاينوا لي بعض وقبل ما يتكلموا جات أرام طالعه من الحمام...
-في شنو مالكم مسهمين كده ....سمعتكم بتكوركوا مالكم ...ياخ وحده تتكلم
قامت رهام (طبعا رهام دي شمارة درجه اولة وبتاعت حركات وخبيثه.. دايرة تتكلم بي الشافتو بس سميه قرصتها انه تسكت لكن ما اشتغلت بيها )
-الباشا جاب مرتوا وهي حتبقي مديرتنا...
-ياخ قلت ليك اسكتي...
-ولا تسكتيني يا مرسي مش احسن مما تعرف بعدين..
-بالغتي لكن هسي انتي و.....
وماتمت سميه كلامها يسمعوا طاااااااخ وقعت أرام....
-حرام عليك يا شيخه مبسوطه كده قتلتي بت الناس
-يا ...ياسلام انا قلت ليها تمشي تحب راجل متزوج...
-خلاص انطمي واجري جيبي موية...
جرت رهام وهي خايفه انو البت فعلا تكون ماتت ولا انشلت اصلا ما اتوقعت ردة فعل صعبه كده جابت الموية بيد بنترجف مدتها لي سميه ودي قعدت ترش فيها واول ما أرام فتحت عيونا بقت تبكي بي حرقه سميه ومرسي بقوا يواسوا فيها اعتذرت رهام وطلعت...
..........في غرفة الاجتماعات....
****
كان أيهم ومستر الفايد شريكه ومعاهم ومدراء الاقسام وبعد التعارف الرسمي ناقشوا حاجات كتيرة بوجود ميار كعضو مؤثر من اعضاء مجلس الاداره وقرارات جديدة وبس انتهوا بدت التواقيع و الاسئلة والجو ده المهم .. حاجات سهله بالنسبة لي ميار ....وكان الكل مندهش من جرأة وقوة شخصية ميار وهي في السن دي 21 سنه بس ...لا... وبالجمال ده ...سبحانك يا الله......
........
بعد الاجتماع خلص طلبت إنها تزور كل الاقسام ونزلت علي مكاتب الموظفين في الدور الارضي وزارتم مكتب مكتب عشان تقرب المسافه بينها وبين الموظفين...(تواضع شديد ) اما ايهم كان باين عليه انه مفتخر بيها وكان سايقها من يدها وبعرفها علي اساميهم ومن ضمن الناس كانت أرام البت الهاديه السمراء كانت نقيض لي شكل ميار سمراء ومليانه حبه وفيها غمازات تحير وبس جا دورها قامت...
-ودي أرام علاقات عامه لسه تحت التدريب...
مدت ليها ميار يدها بي كل صدق ودي الاخيرة مدت يدها
-اهلا وسهلا مدام شرفتينا وان شاءالله تلقي الشغل معانا علي توقعاتك واحسن...
-اكييد ان شاءالله نشوفك قريب أرام....
ومشت للبعدها وهي مستغربة نظرات البت دي..
اما أرام كانت مسهمه ومخلوعه إنها اتوقعت روحها ح تكره البت دي بس سبحان الله العكس...
-يارب شيلوا من قلبي ...قالتها ف سرها وهي قلبها بينزف مع كل خطوة بياخدوها مع بعض وايديهم في ايدين بعض😢
