شريك حياتي......@ 7
بقلمي....سندس....
....
-صباح الخير...ايهم
-هلا صباح النور...غريبه اليوم تتأخري
-لا....بس الزحمه
-اها ...
-يلا ما أأخرك عن شغلك جيت اسئالك ...لقيت سكرتيرة ولا لسه؟
-والله لسه...عملت اعلان في الجريدة بس لسه مافي زول اتقدم...
-اعلان ده ح يجر ...انا عندي ليك فكره
-قولي والله ابوس ايدك الفيني سريع
-هههه قول بسم الله يا شيخ اهي قدامك طول الوقت وأنت بتدور برة
-كيف؟ ....وضحي
-في وحده خريجة علاقات عامه بتدرب ليها 6 شهور هنا هسي عقدها انتهي... امبارح اتذكرتها صدفه وشفت السي في بتاعها بصراحه البت كفاءة بتجيد كذا لغه وف نفس الوقت ليها دراية بشغل الطباعه والتصنيف وغير كده بتعرف بشغلنا يعني ما دايرة وقت عشان تتعلم اسرار الشغل...
-ق قصدك منو يعني
-أرام سيد أحمد الخليفه.....دي المطلوبه
-قلتي كده...
-طبعا....اعمل ليها انترفيو ولو باصت فيها يبقي احسن من غيرا...
-انتي شايفه كده
-ههههه ايهم مالك مرة قلتي كده ومرة شايفه كده...يعني لو ما مقتنع بالفكره سيبها بس انا شايفه كده بتختصر زمنك...
-تمام...مافي مانع بس ياريت انتي تهتمي بالموضوع ده انا عندي مشوار كده وراجع...
-طيب....يلا سلام....
مشت ميار علي مكتبها وقعت علي كم ورقة كده ورفعت التلفون وطلبت أرام...
......
-ألحقي يا أرام هببتي شنو الليله المديرة طالباكي شخصيا...
-بري ...والله يا مرسي ما عملت اي شي...الله يستر بس
شالت ملفها زي ما طلبوا منها ومشت وهي ف بالا الف سؤال...
دقت ع باب مكتب ميار..
-اتفضلي ...بدون ما ترفع ميار رأسها من اللابتوب... اشرت ليها تقعد...
-تشربي شنو...
-كتر خيرك مدام بس شكرا ولا شي
بعد شويه ميار رفعت رأسها
-الموضوع ح يطول بنصحك تشربي ليك شي...
الليله....أرام بقت سامعه دقات قلبا في اضانها الله يسترررر...
-اه...ليمون اذا امكن...
-تمام...
رفعت ميار سماعه وطلبت لي أرام ليمون وليها قهوه ساده...
-وبدت تسأل فيها اسمها منو بالكامل وساكنه وين وقعدت تقرا في السي في بتاعها بي صوت عالي وتتحقق من اي معلومه وأرام بترد بصورة آليه ...
-انتي بتجيدي الفرنسيه كمان؟نعم...والانجليزيه..
-ليك في شغل الكومبيوتر والطباعه؟نعم ..هنا أرام طبعا اتشلت ياربي بتسأل مالا دي...
انتظرت لحدي ما كملت ميار قهوتها وسألتها بي توتر ظاهر...
-يا مدام بس اعرف انتي عايزة شنو بالضبط؟؟
-عايزة اعرف اذا كنتي ذكيه كفاية عشان تكوني يدي اليمين ولا لا؟؟؟
وهنا أرام وصلت حد الفضول وبقت دايره تفهم اكتر
-طيب... اعرف كيف ممكن اوصل للشرف ده...
-ح تعرفي بس استني مني تلفون؟
