دخلت قلبي دون إذن (باللهجة العراقية )

البارت الاول ?

اني مينا حياتي شوية مختلفة عن باقي البنات اكعد الصبح على صوت المنبه واقوم من الفراش واكعد ماما واخواني حتى يرحون للدوام واليوم هو بداية السنة الدراسية واغسل وابدل ملابسي هي صدرية نيلي عدلة وبيها جاكة صغيرة وقميصي وردي وشال وردي هذا زي المدرسي وانزل أصبح على اهلي
مينا :- صباح الخير
الكل :- صباح النور
مينا :- يلا اني اروح تريدون شي
ماما :- لا بنتي سلامتج بس تريكي وروحي
مينا :- لا ماما تأخرت يلا باي
الكل :- الله وياج
اني اروح للمدرسة وحدي ما عندي صديقة بيتها قريب عليه أتمشى الطريق وأوصل لمدرستي .
مينا :- السلام عليكم عمو
الحارس :- وعليكم السلام بنتي
مينا :- هلوو بنات شلونكم
صديقات :- هلو مينا حبيبتي
واكيد نتباوس ونتحاضن لان صار هواية ما شايفين بعض و صديقاتي المفضلات هن مريم وصفا وتيجان
بدينا اول درس كلشي ماكو وانطونا تحظير
ثاني درس جتي مدرستنا وسلامنا عليها وبنص الدرس دخلت المديرة الصف .
قيام !!!
المديرة :- تفضلو بنات ست اشراق منو مراقبة الصف
الست :- ست بعد ما خلينا
المديرة :- زين انتي خلي منو ترشحين
الست :- ست اني ارشح مينا خوش طالبة وشاطرة واعرفها من زمان .
المديرة :- مينا انتي راح تصيرين مراقبة الصف وهو أمانة بركبتك بنات تحترمون مينا مثل ما تحترموني لان مينا بمثابة الإدارة بس بالصف
مينا :- حاضر ست وان شاء الله اكون كد المسؤولية
المديرة :- يلا ماشي شكرا
الكل :- عفوا ست
📢📢📢دك الجرس
الست :- يلا بنات باجر ناخذ التحظير الي كلتلكم عليه .
الكل :- حاظر ست
طلعت الست من الصف وصار الشي الي ما اتوقعته
نهى :- كل من وراج اخذتي المراقبه مالتي لج اني ردت اصير المراقبة
مينا :- واني شعليه المديرة اختارتني وانتي لو بيج خير جان المديرة اختارتج.
البنات الي بالصف :- نهى انتي ما الج حق تتجاوزين على مينا واحنا اصلا نريد مينا المراقبة منو كلج نريدج .
نهى :- ها يعني هيج صارت ماشي اني أعلمكم واني الج يا مينا . وطلعت وضربت الباب مال الصف
مينا :- دروحي ما ناقصني غير نهى تهددني
الكل :- عوفيها خلي تولي
مينا :- يلا بنات خلي نطلع بالساحة
الكل :- اوك
ومرت الدروس وانتهى اليوم وطلعنا من المدرسة واكو سوبر ماركت قريب على المدرسة دائما اشتري منه وحتى بابا يشتري منه فدخلت للمحل وأخذت الغراض الي اريدها ورحت للحساب وشفت ولد واقف على الحساب سبحان الي خلقه طول وبياض والعيون خضر . انطيته الغراض وحاسبهم ومن ردت اطلع كالي
احمد :- انتي مو بنت الحجي توفيق
مينا :- اي اني
احمد :- سلميلي عليه وكوليله احمد يسلم عليك
مينا :- الله يسلمك يوصل
وباوعلي بنظرة متنوصف اني بسرعة طلعت ورحت للبيت لان ما مجربة هذا الشعور من قبل.
(ملاحظة :- كل جيرانا والناس عبالهم اني بنت جدو توفيق لان دائما وياه واصيحله بابا )
وصلت للبيت وشفت ماما واخواني واصلين قبلي وماما (بيبي ) وبابا(جدو ) كاعدين
مينا :- السلام عليكم
الكل :- وعليكم السلام
ماما :- هلو حبيبتي شلونج بالدوام اليوم
مينا :- الحمدلله زينة يلا صبو غده تره ميته جوع
ماما :- يلا روحي بدلي وتعالي نتغدة
مينا :- اوك طيارة
رحت بدلت ونزلت اتغديت ولميت المواعين وغسلتهم وصعدت الغرفتي نمت شوية وكعدت العصر قريت وصار الليل تعشيت ونمت واستمر هذا الروتين واني دائما اروح لهذا السوبر ماركت واشوف نفس الولد الي مدوخني بعيونة واني حيل بعيدة عن الحب وملتهية بدراستي وما اريد اخسر ثقة اهلي .
•
•
•
نروح لأحمد :-
اني احمد حياتي عادية كملت سادس واشتغلت لان اريد اكون نفسي واشتغلت بسوبر ماركت جبير اطلع من 8 الصبح وارجع 10 بليل وملابسي كاجول روتيني اليومي هو ماما تكعدني من النوم اكوم وابدل وانزل الكي بابا يتريك .
احمد :- صباح الخير
الاب :- صباح النور وليدي اكعد تريك
احمد :- لا بابا مستعجل اني اروح مع السلامة
الاب والام :- الله وياك .
.
.
.
اروح اتمشى لشغلي وافتح وياه العمال وعندي واحد صديقي الروح بالروح وواحد احسه يكرهني .مرت الايام واكو بنية حلوة وملامحها تخبل خو العيون لا تعليق دائما تجي تشتري من عدنة واني دائما احاسبه واباوع عليها بنظرة حادة وهي تدهور احوالها وتحمر خدودها وبسرعة تطلع من المحل واني تعودت يوميا اشوفها واذا ما اشوفها يضل بالي عليها فقررت اعترفلها بحبي .