دخلت قلبي دون إذن (باللهجة العراقية )

البارت الرابع

بعد مرور ساعتين من فقدان الوعي مينا صحت واهلها فوكاها
مينا :- اني وين وشصار وياية 😢
الام :- يمة بنيتي واخير فتحت عيونها الحمدلله على السلامة
الجد توفيق :- بنتي سيارة دعمتج والولد نقذ حياتج وجابج للمستشفى
مينا :- يا ولد ؟
الجد توفيق :- هذا احمد الي يشتغل بالاسواق الي كبال مدرستج
.
.
.
.
.
مينا :- طبعا انصدمت من الي كاله جدو وبنفس الوقت زاد حبي اله لان نقذ حياتي .
.
.
.
الجد توفيق :- بنتي ما اريدج تنقهرين بس طلع عندج كسور بالرجل واليد
مينا :- 😢😢😢 اووف يا ربي هسة شلون اداوم الحمدلله على وعدك وقسمتك
الجد توفيق :- الحمدلله يلا اني اخذلج اجازة من المدرسة
مينا :- ماشي
بعدها إجه الضابط وأخذ اقولي وراح
.
.
.
.
صارت الساعة بالتاسعة مساءا
مينا :- ماما اريد انام حيل تعبانة
الام :- اَي بنتي نامي آخذي راحتج

ونامت مينا والجد توفيق والام باتوبالمستشفى وياه مينا
.
.
  .
مينا :- مر أسبوع على نفس الحالة واني بالمستشفى وامي وجدو باقين يمي وجدو اخذلي اجازه من المدرسة ويقول المديرة انقهرت عليج وتتحمد لسلامتج واني حيل مشتاقة لاحمد بس شسوي خاف اهلي يشوفوه ويشكون بينا وطبعا الي دعمني أكيد متعمد زين شنو الي استفادة من دعمتي وشنو السبب الله ينتقم منه ويظهر حقيقته
.
.
.
احمد :- مر أسبوع مينا بالمستشفى وأخذ الضابط أقوالي على الحادثة واني ما أتحمل غيابها وكل يوميه اروح للمستشفى أشوفها من بعيد وبسكوت حتى محد يشوفني من اَهلها ولا حتى هي انتبهت عليه بس الي قاهرتي هذا الي دعمها اذا ما اطلع روحه مو قبول وبديت أتحرى بالموضوع وطلع الشخص ما متوقع هو !!
.
.
.
اني يوسف عمري 28 سنة ما متزوج لان اريد أكون نفسي واني اشتغل بالأسواق الي يشتغل بيها احمد واني اقدم من عنده بهاي الشغلة والي اشتغل عنده حيل يحبني ويفضلني على الكل لان اني أحسن واحد بيهم ومرت شهور واشتغل ويانه ولد الي هو احمد وصار أحسن مني وأبو الاسواق حيل حبه وكام يفضله علينا واني حيل ضجت منه وكمت أكرهة لان صار أحسن مني وفضله عليه ومرت ايّام واجتي المدارس واحنا اكو ثانوية قريبه علينا جانت بيها بنية حلوه وأنوثتها طاغية دائما تشتري من عدنا ودائما تجي وياه ابوها واني حبيتها وشكد المحلها بس هي متنطي مجال وحيل ثكيله وره فترة انتبهت اكو نظرات هي واحمد واني حيل انقهرت وكرهته بالزايد لان أخذ الي حبيتها وقررت انتقم من عنده بحب حياته واجه الْيَوْمَ المناسب حتى أنفذ انتقامي طلعت من الاسواق كتله لصاحب المحل عندي شغلة مهمة وطلعت رحت على سيارتي وصعدت شويه وطلعوه البنات من المدرسة وأكد حبيبته راح تجي للاسواق وفعلا شفتها وشغلت السيارة بس عبرت. دعمتها بأقصى سرعه وضلت افتر خارج المنطقة لحد ما يهدء الوضع وفعلا ورآها رجعت للاسواق وجان احمد ماكو بس ضميري مرتاح لان انتقمت منه وعرفت انه ما راح يجي وأخذ استراحة بهذا الْيَوْمَ
.
.
.
.
احمد :-بعد ما اتحريت من الموضوع وعرفت إنّو هو ماكو بيوم الحادثة ورآها رجع عرفت هو الي دعمها وعيوني صارت برأسي وكبّل رحت للاسواق ولازمته دك بوكسات دميتهة والعالم بالأسواق يفاككون بينا
احمد :-لك حقير هيج دعمت البنية وكسرتها لك ما عندك رحمة الْيَوْمَ ما أخليك صاحي بصياح واضرب بيه
يوسف :- يا بنية وَيَا دعمه ولَك انت شدتحجي بصياح
احمد :- لك ساقط تغشم نفسك مينا بنت حجي توفيق الي دعمتها ذاك الاسبوع والله اذا متعترف اطلع روحك
ضليت اضرب بيه لحد ما تعبت والعالم بنصنه وتفاكك ورآها تعبت وهو خرب بالكاد دميته وكمت داكمل عليه جان يكول
يوسف :- اني راح اعترف اني الي دعمتها لان أكرهك وأريد انتقم منك لان أني حبيتها وانت اخذتها مني ودعمتها لان تحبها
احمد :- لك يا كلب ولزمته دك كتل أقوى من الي قبله وشحطته لمركز الشرطة للضابط الي فتح القضية ودخلت على مكتبه وهو بيدي .......... السلام عليكم سيدي
الضابط :- وعليكم السلام تفضل ومنو هذا
احمد :- سيدي علمود قضية مينا الي اندعمت ذاك الأسبوع
الضابط :- اَي عرفتها شبيها
احمد :- سيدي اني عرفت منو دعمها وخليته يعترف هذا الحقير
واشر على يوسف ...
الضابط :- ها ولك ليش دعمت البنية بعدها شباب بعمر الورد
يوسف :- سيدي .. اني دعمتها لان احمد يحبها وأريد انتقم من عنده بيها ..
الضابط :- لك شكد انت نكس وهاهية انت صرت بيد الدولة والقانون يأخذ مجراه وابني احمد هاهية انت سويت العليك وأكثر روح انت هسة .
احمد :- ماشي سيدي والله يقويكم يحفظكم مع السلامة ..
الضابط :- الله وياك
يوسف :- احمد بصياح ... لا تعوفني احمد سامحني سامحوني مو قصدي الشيطان لعب براسي
الضابط :- اسكت لعد ليش ما كلت هذا الحجي قبل لتدعم البنية
•
•
•
احمد :- طلعت من المركز ورجعت لشغلي واني مرتاح لان أخذت حق مينا بس مشتاقلها اريد احضنها وما اعرف أبداً أوف يا ربي شسوي هاي قسمتك .
•
•
•
هذا البارت الرابع انتظروني في بارت جديد وآسفة على التأخير ورجاء صوتو حتى اعرف اكو احد ديقراها