مينا :- مرت الايام على نفس الوضع ونفس الروتين احد الايام طلعت من الدوام ورحت للبيت مشي واني امشي اشوف شاب طويل لابس اسود تقربنا بالمشي شوية وطلع احمد الي بالمحل يباوعلي بنظرته الحادة مع ابتسامه خفيفة اني كلبي وقع وخدودي صارت حمر وابتسمت لا اراديا وكمت امشي بسرعة شعور ما ينوصف يمكن لان هو اول ولد بحياتي دخل قلبي . وصلت للبيت دخلت وسديت الباب .
💖
💖
💖
احمد :- مرت هاي الفترة وقررت اعترف للبنية الحلوة بالنظرات ، عرفت طريقها الي تروح وتجي بي للدوام وطلع بيتها بشارعنا . انتهى وقت الدوام وطلعو البنات اني استأذنت من الي اشتغل عنده ورحت على طريقها الي تروح منه للبيت ركض حتى اوصل قبلها من تجي اصير عكس الاتجاه الي تمشي بي وفعلا وصلت وهي وصلت واني كمت اتمشى من اتقربنا باوعتلها بنظرة اعجاب حادة وابتسامة خفيفة وهي كالعادة خدودها احمرت وكامت تمشي بسرعة ووصلت لبيتهم واني رجعت للمحل .
.
.
.
مينا :- طبعا اجه فصل الشتاء واجه المطر والنعاس بس اني احب هذا الفصل حيل بس دائما اتمرض بي.
كالعادة رحت للدوام بدون ما اتريك جان يوم الخميس ورفعة علم
وكفت بالساحة وياه البنات صفنا بس حسيت نفسي مو زينة كملنا ورحنا لصفنا اول درس مشى على خير بس ثاني درس كمت امسح الصبورة جان اوكع واغمه عليه بعد ما حسيت على شي الا واني بالادارة وصديقاتي يكعدون بيه .
مينا :- اخخ رأسي هاي شصار وليش اني بالادارة
مريم صديقتها :- ما بيج شي حبيبتي بس اغمى عليج وجبناج للادارة .
المديرة :- ها ماما شلون صرتي
مينا :- ست رأسي حيل يوجعني وما اكدر احرك جسمي تكدرين تخابرين على جدي يجي يأخذني .
المديرة :- سلامتج بنتي هسة اتصل على جدج يجي يأخذج .
📞المديرة :- الو السلام عليكم
📞الجد توفيق :- وعليكم السلام منو ؟
📞المديرة :- اني مديرة مدرسة الجواهري للبنات حضرتك ولي امر الطالبة مينا .
📞 الجد توفيق :- اي اني ست خير خو ماكو شي مينا بيها شي .
📞 المديرة :- لا بس حالتها الصحية تعبانة تكدر تجي تأخذها .
📞الجد توفيق :- اي دقايق واني يمكم مع السلامة ست .
📞المديرة :- مع للسلامة .
.
.
المديرة :- بنتي هسة يجي يأخذت
مينا :- شكرا ست تعبتج ويايه
المديرة :- العفو بنتي هذا واجبي
.
.
وصل الجد توفيق الى المدرسة ودخل لأدارة
الجد توفيق :- السلام عليكم
المديرة :- وعليكم السلام اتفضل
الجد توفيق :- بنتي مينا شبيج ؟
مينا :- بابا حيل تعبانة واغمه عليه اخذني للبيت خلي ارتاح .
الجد توفيق :- يلا بابا امشي من رخصتج ست عادي اخذ مينا
المديرة :- اي استاذ توفيق اخذها على راحتك
الجد توفيق :- شكرا ست مع السلامة
المديرة :- العفو الله وياك
.
.
.
وطلعنا من المدرسة
الجد توفيق :- بنتي مينا اوديج للمستشفى
مينا:- لا بابا ميحتاج بس وديني للبيت شوي ارتاح
الجد توفيق :- على راحتج لعد ما دام وصلت لهنا خلي اشتري الغراض الي وصوني عليهن .
مينا :- اوك بابا .
رحنا للسوبر ماركت وشفت احمد واكف بباب المحل من وصلنا دخل للمحل
مينا :- بابا انت ادخل اشتري الي تريده اني راح اكعد بباب المحل لان ما بية حيل .
الجد توفيق :- ماشي بابا على راحتج .
.
.
دخل الجد توفيق للمحل
الجد توفيق :- السلام عليكم
الكل :- عليكم السلام
احمد :- وعليكم السلام عمي شلونك
الجد توفيق :- الحمدلله ابني انت شلونك
احمد :- الحمدلله عمي بخير اكول عمي شنو البنات طلعن من المدرسة هسة !
الجد توفيق :- لا ابني هاي بنتي مينا اغمه عليها بالمدرسة وخابروني وجيت اخذتها .
احمد :- سلامات عدهة العافية
الجد توفيق :- الله يعافيك اكول ابني متصيحلي مينا خاف تريد تشتري شي .
احمد :- بعيني عمي .
طلعت لباب المحل شفتها كاعدة ووجها اصفر كلبي كام يرجف عليها
احمد :- مينا !!
اندارت عليه مينا وباوعتلة بنظرة تعجب !!
مينا :- احمد نعم
احمد :- الحمدلله على السلامة كالو مريضة
مينا :- الله يسلمك اي شوية تعبانة
احمد :- مينا اني احبج يا بعد كلبي وروحي وانتي عايشة بكلبي ودائما افكر بيج متروحين من بالي
مينا :- 😳😳😳 واني هم احبك بس ما اكدر اخسر ثقة اهلي بيه .
احمد :- صدك تحجين يمة فدوة للخجلان وترة اني هم اخاف عليج وما اريدج تخسرين الثقة يلا كومي عمي يريدج .
مينا :- اوك
مو كمت عثرت ووكعت بحضنة كبل كمت
احمد :- بيج شي نوديج للطبيب
مينا لا بس عثرت .
ودخلت للمحل
مينا :- نعم بابا
الجد توفيق :- ها بنتي تعالي تريدين تشترين شي
مينا :- اي عندي كم شغلة
الجد توفيق :- يلا روحي جيبيهم
رحت حتى اخذ الغراض الي اريدهم ولكيت احمد بوجهي
احمد :- شنو هذا الجمال هاي انتي مريضة وهيج لو صاحية شلون
مينا :- احمد عوفني ليجي بابا يشوفنا
احمد :- اوك على راحتج بس اني حبيتج ومستحيل استغنى عنج .
مينا :- يلا باي
احمد :- الله وياج عمري .
طلعت ورحت اني وبابا للبيت
الام :- ها ماما شبيج خابرو على جدج من المدرسة
مينا :- ماما ماعرف حسيت نفسي دايخة واغمه عليه
الام :- سلامات بنتي يلا روحي بدلي ملابسج واتريكي وانطيج دواء اخذيه ونامي
مينا :- ماشي ماما
اكلت واخذت الدواء ونمت
أنت تقرأ
دخلت قلبي دون إذن (باللهجة العراقية )
Romanceتم تغير اسم القصة من عشقتك دون ان اعلم الى دخلت قلبي دون اذن تتحدث القصة عن فتاة بعيدة عن الحب تعشق شابا من النظرات فقط. ثم تتطور الأحداث ♡ ♡ ♡ (مرحبا اني مريم هذي اول قصة الي ان شاء الله واتمنى تعجبكم وتستمتعون بقراءتها )
