دخلت قلبي دون إذن (باللهجة العراقية )

البارت الخامس

طبعا شكرًا لكل من شاهد القصة وتحياتي الكم .. وشكر خاص لأغلى إنسانة عزيزة عليه وهي ساعدتني بكتابه هذا البارت بأفكارها الرائعة طبعا وبالاضافة الى صديقات العزيزات (R+M+N+R) احبكم ❤️ بارت اليوم كلش قوي ويكفي ويوفي وأتمنى ان يعجبكم
وأيضا أتمنى ان تابعوني وتصوتون للقصة وتنشروها لان كل ما صار عليها تفاعل اكثر اني أتحمس واكتب اكثر ... احبكم ❤️
ملاحظة:- اسم (الأم ) صار (لمى)
.
̨ا̍ڸــڭــٰا̍ٺــبــۃ ̨: ̨مۘــڕڀــمۘ ּا̍ڷــڜــمۘــڕڀــۃ
.
.
.
.
مينا :- مر كم يوم واني بعدني بالمستشفى وبابا وماما بعدهم وياية واجوي خوالي وخالتي زاروني وراحوا من المستشفى ..
احد هاي الأيام إجه اتصال لجدو توفيق وطلع خارج الغرفة كمل المكالمة ورجع بس جان شكلة تقريبا معصب وجان يكول
الجد توفيق :- لمى تعالي اريد احاجيج بره
لمى:- اَي بابا جاية بس خو ما اكو شي
الجد توفيق :- تعالي وانتي تعرفين
.
.
مينا :- طبعا اني بهاي اللحظة ضل بالي خاف اكو شي وضاميه عليه زين ليش ميحجي كدامي أوف الله يستًر .
.
.
الجد توفيق :- لمى هسة اجاني اتصال من مركز الشرطة وكالولي ألقوا القبض على الي دعم مينا ويردونا نروح للمركز حتى نشوف هذا المجرم .
.
لمى :-اَي الحمدلله والشكر آلك يا ربي وأخيرا ضهر الحق وحوبة بنتي متروح هدر . يلا بابا خلي نروح للمركز
.
الجد توفيق :- يلا خلينا نتوكل على الله بس خلي اخابر الحجية تجي يم مينا ميصير نعوفها وحدها خاف تحتاج شي
.
لمى :- اَي صحيح خابرها
.
.
بنتي مينا احنا راح نروح عدنا شغلة نكملها ونرجع وراح تبقى ماما منيرة يمج
مينا :- ماشي ماما بس كوليلي اكو شي لا تخلين بالي
.
لمى :- لا حبيبتي لا تخلين بالج شغلة نكملها نرجع
.
مينا :- ماشي . الله وياكم
.
.
.
.
توجه حجي توفيق وبنته لمى (ام مينا ) الى مركز الشرطة وفاتو على غرفة الضابط .
الجد توفيق :- السلام عليكم ..
الضابط :- وعليكم السلام .. أهلا وسهلا حجي تفضل
الجد توفيق :- يزيد فضلك ابني .. بس اني جيتك علمود بنتي مينا الي اندعمت لان خابرتوني وكلتولي وجدتوا الي دعم بنتي
الضابط :- اَي صح حجي وجابه الشخص الي انقذ حياة بنتكم
الجد توفيق :- قصدك احمد
الضابط :- اَي احمد ... عسكري جيب هذا يوسف المتهم بقضية دعس بالسيارة
العسكري :- حاضر سيدي
.
بعدها يدخل المتهم وينصدم حجي توفيق بيه ويباوع عليه بغضب
الجد توفيق :-  😳 يوسف  (بصدمة وعصبية ).. لك ليش اني شسوتلك حتى هيج تسوي بيه ليش دعمتها حسبنا الله ونعم الوكيل عليك .. لك يوسف عندك عداوة وياية
يوسف :- لا
الجد توفيق :- مسويلك شي بنتي مسويتلك شي 😡
يوسف :- لا حجي
الجد توفيق :- لعد ليش بس احجي الله ينتقم منك
لمى:- بابا هدي أعصابك ليصير بيك شي .. لك ما اعرف اعبر على كمية النذالة والحقارة الي بيك وما أكول شي غير حسبنا الله ونعم الله عليك .
الضابط :- حجي هدي أعصابك وانت احجي احسن ما اخليك تحجي بطريقتي الخاصة .
يوسف :- ها ! اَي سيدي راح احجي (بخوف) .. حجي اني دعمت بنتكم لان حبيتها بس احمد اخذها مني وصارت علاقة حب بيناتهم  وقررت انتقم من عنده بحب حياته ودعمت مينا حتى بس احرك دمه 
.
طبعا بهاي اللحظة حجي توفيق وأم مينا في قمة الصدمة 😧
الجد توفيق :- لك احترم نفسك احسن ما اسوي شي ميعجبك فوك ما دعمت بنتي وكسرتها تريد تشوه سمعتها
طبعا حجي توفيق ما أتحمل وكام راد يضربه والضابط كام ويريد يفاككهم هو والعسكري وفاككهم
الضابط :- حجي توفيق هدي ولا تلوث أيدك بهيج نماذج حقيرة وخلي القانون يأخذ مجراه
الجد توفيق :- هسة بس اريد اعرف انت شلون عرفت هم يحبون بعض
يوسف :- جانت اكو نظرات بيناتهم وقبل ليجيبني للمركز تعاركنا بالأسواق والعالم كلها سمعت ان هو يحبها واكو علاقة بيناتهم
الجد توفيق :- الله لا يوفقك خليت سمعه البنية بالكاع وكسرتها ودمرتها
لمى :- باباا ليصير بيك شي الله يخليك
الضابط :- عسكرري تعال أخذ هذا رجعه للسجن ... حجي بنتكم خوش بنية وشكو بيها اذا حبها احد ونيته زواج وياها وهو لو ما يحبها جان ما سوه كل هذا على مودها . وبالنسبة لهذا المحكمة مالتة قريبة واقل شي سجن لمده 6 اشهر .
الجد توفيق :- يصير خير . . ابني تريد مني شي بعد
الضابط :- لا حجي روح الله وياك
الجد توفيق :- يلا لمى خلينا نتوكل
لمى :- اَي بابا
.
.
وطلع حجي توفيق وأم مينا من المركز وكلبه مليان حزن وخيبة أمل على حفيدته الي راحت سمعتها وأم مينا عيونها مليانة دموع على بنتها الي حاربت من اجلها وربتها احسن تربية ومأ تصورت هيج تسوي . 😣 ورجعوا للمستشفى .
.
.
مينا :- بعد ما راحوا ماما وجدو وجتني بيبي يمي .. وضليت انتظرهم وصابني الفضول اريد اعرف شنو صار وياهم بعد فترة دخلوا عليه بس وجهم ثكيل وشفت بملامحهم العصبية يباوعولي بنظرات غضب .
الجد توفيق :- السلام عليكم
مينا والحجية :- وعليكم السلام
الجد توفيق :- يلا مينا راح انطلعج من المستشفى .. يلا لمى لميلها غراضها .
لمى :- اَي يلا ...
مينا :- بابا وين رحتوا .. اكو شي صاير
الجد توفيق :- بالبيت تعرفين 😠
.
.
طبعا اني من كال هيج كلش خفت وتوترت وكلت بس لا كشفوني وشلون عرفوا وضليت الطريق كله افكر
.
من وصلنا للبيت طبعا اني كاعدة على العربانة وبابا يدفع بيه لان ما اكدر امشي رجلي وايدي مجبسة دخلوني للغرفة ماما وجدو توفيق وسدو الباب اني انصدمت ..😧
مينا :- شكو صاير شي ليش سديتو الباب
لمى :- عدنا موضوع وياج 😠
الجد توفيق :- راح اسألج سؤال وأريد تجاوبيني بكل صراحة احسن ما استعمل وياج غير طريقة
مينا :- 😧 اسأل ..
الجد توفيق :- شعندج وياه احمد هذا الي يشتغل بالأسواق ؟
مينا :- طبعا بس كال هيج اني دموعي بدت تنزل وحدها 😭... بابا ما عندي شي وياه وما اعرفه
الجد توفيق :- احجي ولا تنكرين اني عرفت بكل الموضوع ويوسف دعمج وحجالي كل شي ...وهو دعمج لان جان يحبج واحمد اخذج من عنده وهو راد ينتقم من عنده بيج ...
مينا:- طبعا اني بحالة صدمة من الي سمعته فوك ما اني مصدومة.. بابا والله اني اسفة واحمد حبيته وهو نيته زواج وقصده شريف 😭
بابا والله ما سويت شي غلط والحب مو بيدي ..
الجد توفيق :- كافي مينا بعد ما أتقبل منج اَي كلام واني صوجي لان انطيتج حريتج وما حاسبتج .. زين ما فكرتي بيه .. زين عوفيني اني .. ما فكرتي بسمعتج .. مع كل الأسف عليج مينا ما تصورتج هيج . واني بعد ما أتحمل مسوؤليتج هسة اخابر على ابوج يجي يأخذج وهو هناك يعرف شلون يربيج .
مينا :- لا بابا أترجاك ما اريد اروح يمة ..انت ابوية انت الي ربيتني ما اريد اروح هناك .. بابا سامحني والله مو بيدي (طبعا اني رادت تطلع روحي من البجي واباوع على امي بس مصدومة وتبجي وما حجت ولا كلمة )
الجد توفيق :- لمى يلا اخذي تليفونها وصعديها لغرفتها ما اريد اشوف وجهها هنا بين ما يجي ابوها يأخذها ..
لمى :- ماشي .
مينا :- لا بابا ترجاك شتريد أخذ مني بس بقيني يمك ما اريد اروح .😭
الجد توفيق :- الكلام الي كلته بعد ما أعيده وغير قابل للنقاش .
وراها طلع من الغرفة واني ضليت ابجي وأتوسل بأمي بس هي ساكتة ومتقبل تحجي وبس ادموعها تنزل .. وصعدتني لغرفتي وراحت .. ظليت بالغرفة ابجي وأفكر شراح يصير بيه من اروح يم ابوية وهو متزوج ومرتة متنجرع شلون راح اتحملها و..و.. اشياء هواية وبعد ما حسيت على نفسي وغفيت ...
.
.
.
.
نروح لحجي توفيق
ألجد توفيق :- طبعا بعد ما طلعت من الغرفة جنت حيل مقهور لان سوت هيج وصراحة اني ما اعتب عليها لان الحب مو بديها .. وهددتها أوديها لابوها بس جذب لان اني ما اكدر افاركها وهي مثل بنتي وأكثر فشلون انطيها واني أريدها تعرف غلطها وتفكر ..وأشوف هذا نيته زواج وياها لو بس يضحك عليها ووصيت لمى والحجية انو ميحاجوها نهائيا وبس يصعدولها أكلها وعلاجها ..
.
.
.
مينا :- كعدت ثاني يوم راسي حيل يوجعني اباوع لكيت ماما مسويتلي ريوك وخالته على الميز ومحطوط وياه علاجي اووف يا امي كل هذا الي سويته وبعدج تحنين عليه وتداريني .. لج انتي شكد انانية هيج ما فكرتي بأهلج الله يأخذج ..وضليت ادعي على روحي والوم بنفسي وضميري حيل يأنبني .. بعدها كمت غسلت وجهي وبالكوه قضيت حاجتي لان متجبسة ما اكدر ورجعت للغرفة أكلت علمود علاجي وراها كعدت احسب الوكت والعد التنازلي على روحتي يم ابوية وعبالك مو ابوية راح يأخذني لا .. حسيت ملك الموت راح يأخذ روحي وصراحة اتمنيت أموت ولا عيشة ابوية ..
وحتى احمد كرهته وكرهت عيشتي وكرهت كلشي كدامي لان حسيت فقدت شي عزيز عليه الي هي ثقة جدو توفيق وماما بيه .
.
.
.
.
بعد مرور ثلاث أيام
مرت ثلاث أيام واني بعدني على نفس الحالة بحيث صارت بيه حالة نفسية من الكآبة والبجي ومحد إجه يمي بس ايجيبون الاكل وياخذون الاكل وماكو اثر لابوية مو عساس يجي يأخذني يعني اكيد ميريديني اووف يا ربي ..واني حيل تضايقت اريد اسبح فطلعت ملابس من الكنتور ورحت للحمام بس كمت من الكرسي المتحرك .. وطبا 😣 اتزحلكت بالحمام جان اعيط بس عطت ما اسمع غير ركض على الدراج جان تنفتح باب الحمام طلعت امي .
لمى :- يمة بنيتي سودة عليه تزحلكتي ( وراها جان تكومني وطلعتني من الحمام وباوعت علية وحضنتني وكبل كامت تبجي واني هم حضنتها وكمت أبجي وياها )
مينا :- يمة سامحيني .. يمة والله راح اموت ما أتحمل زعلكم عليه يمة اني ما اريد اعوفكم واحبكم اكثر من روحي اترجاج سامحيني
لمى :- حبيبتي بنيتي وإلله اني هم احبج شعندي غيرج . بس ليش سويتي هيج ليش تخلين ابوج وعمامج يشمتون بينا ويحجونا علية ويكولون ما عرفت تربي بنتها .
مينا :- يمة والله ما جان قصدي أشوه سمعتنا ولا اخلي احد يتشمت بينا بس حبيته والحب مو بيدي . بس يمة الله يخليج سامحيني والله ما أتحمل زعلج
لمى :- ادري بيج متريدين احد يحجي عليه بس شسوين بعد هذا المكتوب واني سامحتج بس اريدج توعديني ان متسوين هيج شي بعد وهذا احمد نهائيا متحجين وياه بعد وهو لو يحبج صدك يجي يخطبج ويثبت حبه .
مينا :- اَي ماما والله بعد ما أعيدها وعندي استعداد اعوفة لأجل رضاكم .
لمى :- الله كريم .. يا رب أشوفكم احلى عروسين ويهنيكم.
مينا :- امين يا رب .
لمى:- يلا ماما كومي خلي اسبحج واسويلج لكمة تاكليها وربج يحلها.
مينا :- ونعم بالله .
.
بعدها ماما سبحتني ولبستني ملابسي حسيت نفسي طفلة صغيرة بين ادين امي يالله الامهات شكد حنينات يعني كل هذا الي سويته وبعدها تحن عليه وتداريني مثل المي الي بالصينية بس اني الأنانية الي ما فكرت بيهم وكبل رحت حبيت .. بس ان شاء الله راح اخلي راس امي ليفوك وما اخي احد يتشمت بينا ابد . بعدها سوتلي صينية فواكه وخلتها كدامي ورادت تروح لزمت اديها وكلت .
مينا :- ماما بابا توفيق بعده زعلان عليه 😔
لمى :- اَي بعده زعلان عليج كلش
مينا :- زين ماما حبابة حاجيهة خلي يسامحني
لمى :- ما اكدر بنتي خليها هي تصفى وحدها
مينا :- الله كريم
.
اكلت شوية ورحت بعربانتي للهول وشغلت التليفزيون وكعدت اباوع بس بالي يم احمد شصار وياه هسة هو يعرف اني اهلي كشفوني لو لا زين خاف جان يضحك عليه .. لا شبيجً مينا شنو يضحك عليج هو يحبج وانتي تحبيه .. لا بس اني ما أريده بعد حالتي النفسية تعبت كلش واني فقدت ثقة اهلي بيه من وراه وبابا توفيق زعل عليه من وراه وحتى لو يجي يخطب ما اريدة بعد ...وضليت احجي ويه نفسي لحد ما غفيت .. بعدها امي كعدتني وودتني لفراشي وكالتلي أسويلج اكل بس اني رفضت لان نفسي مسدودة وكملت نومتي .