دخلت قلبي دون إذن (باللهجة العراقية )

البارت الثالث

ثاني يوم الصبح صادف عطلة نهاية الاسبوع الله شكد احب هذا اليوم الي هو الجمعة كمت من النوم بس تفكيري كله يم احمد معقولة اني حبيته بكل سهولة ودخل كلبي غسلت وبدلت ملابسي ونزلت .
مينا :- صباحوو
الكل :- صباح النور
الام :- ها ماما شلون صرتي
مينا :- الحمدلله احسن
الام :- الحمدلله يلا تعالي تريكي عندي خبر راح يفرحج
مينا :- شنو ماما كولي
الام :- اليوم راح نطلع سفرة عائلية للزوراء
مينا :- ييييييييس شكرا ماما وكمت بستها 😙
الام :- تدللين حياتي شعندي غيرج
مينا :- 😍😘
تريكنا وكملنا وبدلنا وطلعنا لان بالشتاء الطلعات هيج وقت تصير احلى ولبست بنطلون جينز وقمصلة زيتوني وشال بيجي وبوتين بيجي وطلعنا اجرنا تكسي ورحنا وصلنا للزوراء دخلنا وكعدنا بالحديقة ولعبت طوبة وياه اخوني واتغدينا ورها
مينا :- ماما اريد اصعد باللعبات
الام :- يلا روحي بس ديري بالج على نفسج
مينا :- اوك مامي 😉
ضليت افتر بالمدينة العاب اشوف بأي لعبة اصعد عجبتني لعبة المراجيح العالية حيل بس كل مرجوحة نفرين يلا اني اصعد ومنو يريد يصعد عادي
قصيت بطاقة ودخلت بالطابور انداريت على الجهة الثانية من الطابور جان اشوف ..احمد ولكيته صافن عليه ومبتسم .. واكيد اني تدهورت احوالي وكمت اباوع بكل الجهات بس حتى ما اباوع بعينة 😳
كمت امشي بالطابور وهم يطلعون من كل جهة شخص او شخصين فوصل الي السرة طلعت اني وطلع هو كبل رحت صعدت بالمرجوحة جان يجي يكعد يمي
مينا :- هاي شنو انت شجابك هنا منو سمحلك تكعد يمي
احمد :-والله بفلوسي وين ما يعجبني اكعد
مينا :- اووف منك
وبدت اللعبة كل ما ترتفع كلبي يريد يوكع اكثر وصلنا للقمة جان تفتر حيل واني ما اتحملت كمت اعيط ولا اراديا لزمت ايده حيل وهو مبتسم ولا عبالك صاعدين لعبة تخوف وره ما كملنا ونزلت اللعبة جان توكف
احمد :- ترة ايدي اريدها !
مينا :- اوه اني اسفة
احمد :- اروح اني وايدي فدوة الج
مينا :- 😳😳
جان انزل من اللعبة بسرعة وهو لحكني
احمد :- مينا !!
مينا :- انت شتريد مني بالضبط
احمد :- ما اريد شي بس اني حبيتج ومستحيل استغنى عنج
مينا :- والمطلوب
احمد :- اني اريدج على سنة الله ورسوله واريد اتواصل وياج
مينا :- اسمع اني ما عندي هاي السوالف وما محاجية ولد بحياتي واني صغيرة واريد اكمل دراستي
احمد :- كلامج على عيني وعلى رأسي ويا بنت الناس اني عندي استعداد انتظرج واخليج تكملين السادس يلا اتزوجج واني ادخلج كليه بعد شتريدين
مينا :- ماشي بس ما اكدر اخابرك من التلفون لان اخاف اخسر ثقة امي واهلي بية .
احمد :- ماشي انطيج رقمي نتحاجه رسائل وبس من انتي تراسليني .
مينا :- ماشي يلا باي
احمد :- الله وياج حبيبتي
اخذت رقمه ورحت الامي
مينا :- هلوو
الام :- هلو بنتي ها تونستي
مينا :- اي ماما تونست
الام :- بالعافية حبيبتي
مينا :- الله يعافيج يعمري
الام :- لعد يلا خلي نرجع للبيت الوقت اتأخر
مينا :- يلا اوك
رجعنا للبيت وضليت افكر اراسله لو لا ومرت الايام ويوميا اشوفه واكف بباب المحل بس ما اروح وخلصت السنة ونجحت للخامس وزاد اشتياقي اله وقررت اراسله بس اني ضايجة لان ليش هو بارد تجاهي واني طول هاي الفترة ما رحت شفته وهو ما ضهرلي اشتياقه على العموم خلي اراسله
✉ مينا :-الو
✉ احمد :-الو منو
✉مينا :- هلو احمد اني مينا
✉احمد :- هلا يعمري واخيرا اقتعنعتي انو اني احبج وان شاء الله اكون عند حسن ضنج
✉ مينا :- ان شاء الله
✉ احمد :- شلونج اخبارج يعمري انتي
✉ مينا :- الحمدلله زينة انت شلونك
✉احمد :- شنو خجلانة مني يعمري انتي اني زين الحمدلله بشري نجحتي
✉مينا :- اي الحمدلله نجحت
✉احمد :- الف مبروك حياتي يمة فديت الشطورة
✉مينا :- شكرا الله يبارك بيك بس عفية لا تراسلني الا من اني ادزلك مسج اوك
✉احمد :- ماشي حياتي وخليها ببالج ترة اني هم اخاف عليج وما اقبل تنزلين بنظر اهلج وامج اتفقنا يعمري
✉مينا :- ماشي حبيبي
✉احمد :- يروحلج فدوة حبيبج
✉مينا :- 😁 يلا حبيبي اني اروح امي تريدني
✉احمد :- اوك حبي على راحتج
✉ مينا :- باي
✉احمد :- الله وياج يروحي 😘
.
.
.
.
مرت الايام وعلاقتنا وحبنا زاد اكثر واكثر وخلصت العطلة وبدء الدوام وداومت ويوميا اروح للمحل واشوفه يوم من الايام طلعت من المدرسة وردت اعبر على المحل وبووم جتي سيارة دعمتني وبعد ما حسيت بشي 😵
.
.
.
احمد :- حبيت مينا اكثر من روحي وعرفت انو عمي توفيق مو ابوها وانقهرت عليها شلون اب يكدر يعوف جهاله وحتى سؤال ميسأل عليهم وقررت اعوضها واصير كلشي بحياتها وقدرت ضروفها اذا متكدر تراسلني بفترات معينة لان اني هم حريص عليها وما اريدها تنكشف واخسرها احد الايام جنت واكف بباب المحل حتى تطلع مينا من المدرسة واشوفها وفعلا طلعت ورادت تعبر جان تجي سيارة تدعمها اني بهذا الموقف فقدت ورحت ركض عليها
احمد :- مينا كعدي لتعوفيني مينا احد يخابر على الاسعاف .
وكبل شلتها واجرت تكسي ورحت للمستشفى وصلنا جان انزل وشلتها وركضت بيها للطوارئ وخليتها على السدية من اخذوها الممرضات والطبيب روحي راحت وياها كعدت بالكاع بس ولا اراديا ابجي عليها وراها اجوي اهلها مبين مخابريهم من المستشفى
الجد توفيق :- مينااا وين دكتور شبيها بنتي
الام :- يمه بنيتي راح تروح مني
الدكتور :- اطمئن كدرنا ننقذها بأخر لحظة لو مو هذا الشاب الي جابها بسرعة جان ماتت بس حاليا هي فاقدة الوعي وعدها كسور باليد والرجل وتحتاج لراحة
الجد توفيق :- شكرا دكتور بس وين الشاب حتى اشكره
الدكتور :- العفو هذا واجبي والشاب ذاك الي كاعد ومدنك راسه .
الجد توفيق :- ابني اني اشكرك لان نقذت حياة بنتي
احمد :- رفعت راسي وجان اشوف عمي توفيق كبل مسحت دموعي
توفيق :- احمد هذا انت يا ابني رحم والله والديك وما انسالك هاي الخدمة طول عمري
احمد :- لا عمي هذا واجبي والمحروسة بنتك شلون صارت هسة
الجد توفيق :- والله الدكتور يكول سيطرت على الوضع بس هي فاقدة الوعي وتحتاج راحة .
احمد :- الحمدلله الله يكومها بالسلامة
الجد توفيق :- الله يسلمك اكول ابني هي شلون صارت الحادثة
احمد :- والله يا عمي طلعت من المدرسة وعبرت جان تدعمها السيارة وجبتها للمستشفى بسرعة
الجد توفيق :- الله لا يوفقه ان شاء الله الله يأخذ حقنه منه
احمد :- ان شاء الله يلا عمي اني اروح واي شي تحتاجو اني موجود .
الجد توفيق :- الله وياك ابني واني اشكرك مره ثانية
احمد :- لا شكر على واجب
وطلعت من المستشفى غصبنا عني لان خاف يشكون بينا وملابسي كلها دم اووف شلون اعوفج يا رب اجمعني بيها مثل ما حافظت عليها .
رحت للبيت امي اول ما شافت منظري اخترعت
ام احمد :- يمة وليدي هاي شصاير بيك وليش ملابسك كلها دم
احمد :- كبل كمت ابجي يمه حب حياتي اندعمت كبال عيني وشلتها بيدي وديتها للمستشفى اخخ شلون اتحمل غيابها
ام احمد :- يمة سودة عليه وهسة شلون صارت
وهي منو واني ما ادري بيك تحب
احمد :- يمة اني احب بنية من بيت حجي توفيق واليوم طلعت من المدرسة ودعمتها سيارة واني وديتها للمستشفى وكالو كدرنا ننقذها بس فاقدة الوعي وعدها كسور باليد والرجل .
ام احمد :- خطية والله خوش بنية الله يكومها بالسلامة بس انت شلون تعرفت عليها واني اعرفها بنية ثكيلة ومتنطي مجال لأحد
وحجيتلها كل القصة وشلون حبيتها وبالكوه انطتني مجال وشلون هي شريفة وتخاف على شرف اهلها
ام احمد :- يمة ما دام هيج البنية وانت تحبها وهي تحبك ان شاء الله من ادكوم بالسلامة اخطبها الك .
احمد :- صدك يمة والله فرحتيني .
ام احمد :- يلا ابني كوم انزع ملابسك كلها دم واسبح
احمد :- اي يمة بس خلي اخابر على الي اشتغل عندة عبالة طالع وعايف المحل
ام احمد :- اي يمة على راحتك
وخابرت على الي اشتغل عنده وخطية ما كال شي وانطاني هذا اليوم استراحة بس شيريحني واني عايف روحي يم مينا اوووف والله لو مو اهلج جان بقيت يمج بس شسوي ما باليد حيله . وطبيت سبحت وغيرت ملابسي وكاعد افكر بمينا وبوضعها وحالتها .