حليمه💪

الخاتمه

البارت اطول من قصه حياتي 😂😂😂 بس النت ميساعد
واعتذر اذا اكو غلط املائي

👭👭👭👭👭👭👭👭👭👭👭👭👭👍✔💋

بدت حليمه كل يوم تروح وترجع وتتعلم واصير مفارقات
مضحكه ب الصف الي مليان امهات وجدات وحته بنات شابات العلم مبيه هذا جبير لو هذا فاته القطار ع انو يتعلم.. جانت ليال تبسمر اخته وتضحك عليهه وتكلله( بعد ماشاب ودوه الكتاب )😕👎شنطوج اليوم.. جان رد حليمه عليهه بانو هيه راح تدرس خارجي وتلحكهه واداوم حته بنفس الكليه حته لو توكع اسنونهه .. لحد ما اجه يوم سالفه الجنسيه الي تعيرهه ليال بيه وكبت بيناتهم حرب حقيقيه بعد مجانت حرب بارده.. ولاول مره حليمه تفتح باب قديم مليان اسرار وتسال امه بعصبيه يمه ليش ماعدي جنسيه وليش ليال تعيرني انتي جاي اشوفين بعينج وتغلسين
شمعنه اني شنو السالفه يمه قابل اني وحد عن بناتج..
الام ابد مجاوبت احد طبت غرفتهه تنام.. حته تنهزم من الضيم الي يحاوطهه خصوصا من اشوف ليال شادهه ويا حليمه وتعيرهه بكل شي..
اجه الصبح ع هذا البيت.. واجتي الشمس على الشبابيك.. بس الشمس جتي وجابت وياها هموم ماتنتهي.. لو ضال الليل افضل للبنات
جانن البنات يكعدن يراجعن الصبح وحليمه تختفي ب الوام
دكو باب غرفه امهن محد جاوب
جوان// شو امي ادك ابابه ماتجاوب مو من عادتهه تبقه للتسعه
ليال// خليه شتردين بيه شو اكلج هاي المعادله شلون تنحل
جوان// اوو يامعادله خل نوعي ماما
دخلت جوان تكعد امهه بس جانت امهه قطعه ثلج وداير حلكهه وعيونهه مفتوحه خافت اكثر هزته هيه هزه هيه صرخه يمه يايمه كليلي ليال امي شبيهه هيج شو مجاوب وعيونهه مفتوحه
دخلت ليال ع صرخت جوان ها يلمصركعه شبيج
جوان// امي ليال امي ماتت ضلينه يتامه وضلت تبجي واصرخ
ليال // واذا ماتت اووووه شتردين اصرخ ينبح صوتي ماتت الله وياها عليمن اصرخين كليلي
جوان// ولج هاي امي هاي امي تعرفين شنو امي احبه
طلعت تلزم الحيطان شلون العميه وين حليمه ولج حليييييمه ولج ياخيه راحت امنه
*جرت ليال جوان ومنعته تطلع ب الحديقه دفعته جوان ومشت خطوات ورجعت ع ليال وشبعتهه كتل
انتي السبب ياحقودهه قهرتيهه طبت مقهوره اريد اموتج واخلص ياحاقدهه مريضه انتي لازم يعالجوج.. ضلت ليال جوه ايد جوان بدون متقامهه وجوان بيدهه الاثنين شبعته ضرب وسحلتهه  من شعرهه سمعو الناس الصريخ عافتهه فتحت الباب دفعت النسوان وراحت تمشي بدون حجاب مكفشه راحت لحليمه طبتله للصف جان مهدي يدرسهم انصدمت بمنضر اخته شبيج شنو بدون حجاب شصاير
جوان// امشينه امي ماتت
حليمه صافنه
مهدي اعترض ع دخلته للصف باوعتله بنضره عدم رضه او لا مبالاه قصدهه وانته منو تمنعني.. اخذ اختي
جانت رجلين حليمه مايشيلنه جانت متريد توصل للبيت هاي امهه ودموععه ابد منزلن ماكو دموع لطمت صرخت لحد مايبس حلكهه واجرحن شفايفه وكل النساوين يسالن شلون ماتت ضلن الخوات لوحدهن لا احد اجه طل من الكرايب لان مكطوعين من شجره بس الجوارين.. والام جانت ضامه فلوس فاتحتهه وحليمه تشكل مره ويا الزلم ومره ويا النسوان والجوارين ماقصرو
اما ليال ولا كانما امه ماتت كضته تدرس ابيت الجوارين وكت الاكل تجي حاله حال الغريب..
من خلصت الفاتحه بلليل ساعه١٢ ام فهد جيرانهم وصاحبه امهم القريبه سدت الباب عليهن وراحت لبيته ع كولته امجن جانت توصيني عليجن وانتن امانه عدي...😭 لزمت حليمه غراض امهه كلهن وفتشتهن مالكت جنسيه اله ابد ولا اوراق الولادهه ولا اي شي يخصهه بس ضرف مكتوب بيه حليمه فتحته لكت""كلادهه حرف|z|
راحت دفرت الباب ع ليال فزت جوان من نومته
شالت ليال من هدومهه شتقصدين من تكولين انتي مشبهينه
ليال // سالي ام فهد انتيمة امج وعرفي ماضييج يابت الحرام
حليمه// اني بت حرام اراويج الصبح
ليال// ليش الصبح هجي بليل الله ودوري ع اهلج الليل يستر تره حلومه 😠
حليمه ضلت تاكل بروحه للصبح ولاول مره من وفاه امه تبجي بجت لحد ما ورمن جانت تعاتب الحيطان وبس الم يعصر صدرهه والشمس لازم تطلع واجيب وياها حقائق ابد مو على البال
دكت باب ام فهد وجابته من ايدهه للبيت
ام فهد ليال تكول المره الي ماتت وترابه بعدهه مناشف مو امي وذني مو خواتي واني بت حرام ام فهد احجي الصدك المره ماتت وماعافت اي جواب لاسئلتي بس لكيت كلاده بيه حرفzمو حرف امي هذا
جوان// حليمه شبيج تلحين منيلج هاي الافكار وانوب صدكتي حجي ليال.. ليال تريد تغثج انتي متعودتي عليهه ياخيه
حليمه// اششش جوان انتي بس اسمعي.. ام فهد عدهه حجي لهذا عينه ب الكاع
ام فهد جانت منزله عينه ب الكاع ومهمومه حيل همهه مو بس هم موت صديقته وجارته.
.
يايمه منو كلج بت حرام انتي
اكلج القصه الصدك وابري ذمتي منج ياحليمه..
الي ماتت مو امج وذني مو خواتج
دكو الباب باب الي ربتج وتعبت عليج ودارتج مثل بناتهه واكثر وجنتي لحمه صغيرهه ملفلفه بحضينه ويمج كلادهه بيه حرف  وكاتبين بورقه اخذوهه وربوهه اسمه حليمه وهيه مو بت زنه
جانت  عاگر ويعيروهه
وجتي رزق من الله
دورو هلج ومالكولهم اثر.. وقبل فتره وصتني ادورهم لخاطرج حته لا تنهانين وعرفت القصه وليش ذبوج ع عتبه الباب .. ابوج طلك امج وخذاج منه بليله ظلمه من القهر ماتت  الصبح لكوهه ميبسه ابوج ازوج مره ماردتج وابوج زلمه ماعدهه شور ولا راي وكلتله ذبهه ع عتبه العاگر فلان الي لاتطلع ولا اطب ولا اله معارف ب المنطقه من ذبوج جان ليل ومطر ومنو يطلع بهيج ليله.. خذوج وجانو توهم كاعدين بهذا البيت شيعت امج الي ربتج بين نسوان المنطقه هيه جانت حامل ورتبته من يمه حته اذا شافنج مايصير اشكال.. وعشتي وتربيتي هنا لحد مالله من رزقهه رزقهه بتوم جنتي وجه الخير وجبتيلهم الرزق..
حليمه تربعت وانوب حطت راسه بين رجليهه
يعني جنت عايشه ب الجذب وجانت ليال تعيرني
لان تعرف رادت تهجم ع ليال جوان صارت بينهم وحاجزتهم
حليمه// لهذا حاقده ع امج من وراي ولج ماذبيتي دمعهه عليهه
ليال// رجعي لاهلج الي ذبوج
ام فهد// لايمه عيب هلحجي ميصير اني موجودهه وطردتيهه وين تروح خيتج وانت بنات زغار مالجن احد
لهذا البيت مكتوب باسم حليمه حليمه تلمكم وتكع وهيه سباعييه وكد المسؤوليه وامجن ابد متريدجن تفترقن لحظه هاي وصيته والاوراق الي تثبت البيت مسجل اني مشيت بيه وكاملات
جاوبت حليمه// جزاج الله خير طببناج بمشاكلنه ومثل ماهنه امانه خليهن امان لان البيت هذا مليان ذيابه للاسف 🙋🏻‍♀
مشت الايام وحليمه تدرس زادت مشاغلهه بدت تتعلم..  تتعلم كلمات مجانت تعرف معناه مثل الزهايمر
لان صار موقف وكامت عجوز متتذكو وين هيه كلله مهدي انو هيه تعاني من الزهايمر فقدان ذاكره.. جانت اصير مواقف ويا مهدي حاول يتقربلهه بكل الطرق وجانت تبعد نفسهه
مهدي//  اني مو معجب احبه واليوم الي متجي بيه مالي واهس ادرس مرات احس بيه تتعمد متجي حته تسوي مسافه بيني وبينهه حلوه ومضحكه دمه خفيف لهجتهه الحلوه مال گبل طيبه الكلب الموطبيعيه عايشه لعلم مبيه اشيل عليك واشيل عليه.. حبيته من اول طفره للسطح من ركضو عمامي وراي حته يكطعوني لو ازوج بتهم لو يكاوزوني ع ورث ابوي من طفرت جنت قاصد اتعلك بثيابهه واسوي روحي المسكين واتوسل بيه هيه زلمه من غطتني بسعفاتهه ومن راحو رجعت مره مكسوره تشبه(المنجا) تشبهه شي ناقصني(القوه)
لحد ما اجه يوم الاعتراف
وذبيت روحي ع ايدهه
حليمه// يا يا شوف الزلمه شبيك استاذ
مهدي// ازوجيني..
حليمه// ازوجك!!!!!!!!!
مهدي// اعرف بروحي من اريد الشي متاكد من قراري وطلبي
ازوجيني ونعيش سوه حليمه اني هواي افشلج لان جنت احس بروحي اغار من شخصيتج وقوتج
حليمه احب تفاصيلج اول ماشفتج تقصدت اطفر واخرعج بذاك اليوم واختبرج سمعت بيج لحد ما شفتج.. جان يحبج كلبي قبل عيوني وماريد اعيوني راح الصمهن ع كولتج حته بس صورتج اضل بيه لصفنين دخيل ربج
حليمه / / وخر اني لا متعلمه ولا مثقفه وباديه من الصفر اخذلي استاذ
واني عدي يتامه ماعوفهم
مهدي// دخيلج يامره
حليمه// دخيلك انته ابتعد وبس اكو اشياء هيه اكبر منك
عافته حليمه وكلبه يدك يدك ماعرف يسكت من اعترفله مهدي
حته لاحضته جوان
وكلتله $ الحب يخلي المره حلوه وجميله $
اختي انتي جميله هاي الايام
حليمه// امشي ولج منا ههههه منيلج هذا الحجي
جوان// ماعرف احساس
طبعا امتحنو بكلوريا
ليال وجوان ودخلو رابع اعدادي ومثل كل سنه حليمه تسهر ع هدومهم تخيطهن واجمع الفلس للجنط وماينقص شي بس زاد همهه تراقبهن لان هنه مراهقات
لحد ما اكتشفت حليمه انو  ليال عدهه فون ابو اللمس الي هو ممنوع عن البيت من عهد امهن صح يستعملون الفون بس تلفون عادي مو واي فاي
المهم
واجهتهه وبكل صلافه كلتله اشتروهه الي هديه
وبذاك اليوم تنتفت ليال ومكامت اداوم عقوبه
ضلت ادور حليمه وره ليال وتسال جوان
جوان يلفاهيه ياخيتي انتن مو نفس المدرسه
جوان// اي بس بغير صف
حليمه اوكي
جوان // حليمه تكولين اوكي
حليمه // مو ردتوني اتغير بديت اتغير بعدج حاسبتني اختج لو مثل ذيج
جوان// اكيد  اني افكر مو سطحيه ابد
لحد مادخلت حليمه ولكت ليال تخابر واخد وتكله اختي بدت تشك كافي لتوكف قريب ع الباب شنو يعني انته هنا اطلع!!! لا اخاف لاحباب عاقبوني من المدرسه وانته تعرفني شكد احبه
من اجه حليمه لا لا متجي هسه شنوووووووو توووك شفته يمته ولك محد محد لابربك
.....
دخلت حليمه وسوتله اششش ع كيف يعني كملي وولزمته من ايدهه لوتهه وكلتله خل يدنه يم الباب
وخلت ليال تطلعله ولاويه ايدهه وصايره
حليمه وراها ولزمته من ياخته
وطببته ب الحديقه وكعتله كتل
جان شاب قريب ع عمر اختهه
تجي بعد ياعديم الشرف
الولد // ولله ماجي التوبه فدوه الله يخليج اخخ اه يمه وعلي تكسرت
طاحتله 😂 ع راسه كفخ
ولله ماعيدهه هيه كالت تعال
حليمه// كلتلك لاتجي لاتجي اختي حست اني طرطور يابعد امك
شايف هاي شكلتلك شنو اسمه كلتلي اسمه نور
حليمه// جذابه حته باسمهه جذبت عليك اختي واعرفهه حب متحب وحته من تحب راح تحب ع مزاجي وانته راح تطلع منا سكتم بكتم مو من حقك تحجي لان عيب تكول كتلتني مره وهاي الي جذبت حته باسمهه راح اذبحهه وابليك لان عرفت انته ابن منو ومنو هيه امك يلا منا
عدلت هدومه وطلعته
اخذت ليال وكعدت وياه
حليمه// لمته ليال سوالفج عوج تعبتي امي قبل وهسه تعبيني
ليال // هيه مو امج
تره كافي تكولين امي امي
حليمه// مو امي ولا ازعلين مجاوبتي شنو تردين اني ضاله لخاطر جوان متستاهل تعمين عليه تره اجولي خطابه وماكدرت لان انتن بعدجن زغتر
ليال//  ازوجي محد محتاج الج لتكبرين من نفسج وانتي لا اهل ولا ساس
حليمه// انتي ماتتغيرين والبشر الي مثلج يطيحون ومحد يلكون امج ولا اختج هيج ولا حته المرحوم ابوج اذكرهه عدل جان خوش رجال الف رحمه ع ارواحم
تدرين ليش هيج اكول سمعي واخذي العبره
لان جانو خوش ناس ما اذو احد
..........
بدت حليمه تتجاهل ليال ب البيت وشي ع شي طلعته من حياته
لحد ما تمرضت ليال والسبب ممعروف
ع غفله كلياتهه وكفن ومجانت تشكي منهن ابد
بدت ادور حليمه بيه ب المستشفيات ومنه اجه مهدي مره من المرات وتعذرت منه حليمه واشكرته ع جيته وكلتله كلام ع صفحه
عوفني حياتي متشبهه حياتك انته متلوگ الي ولا ارهملگ
..........
انكسرت شوكه ليال ب المرض طكهه العوز واحتاجت حليمه الاميه الي مره من المرات كلتله انتي غبيه ومره من المرات بت حرام وخدامه الخ.............
حليمه تنسه بسرعه وكلتله مسامحتج خيتي
جانت متتحمل تفقد عزيز من هذا البيت
الكليه من الغسل لغسل ب النازل.
ماكو تحسن
حليمه// النوم مو هو النوم ولا الراحه هيه الراحه خيتي العنيده ام لسان باشط.. بين ليله وضحاها خرت من طولهه اليانع وصارت صفره
اختي عزيزتي اتمنه الي تمرين بي بيه حته اضلين واموت اني كل الاطبه كلولي اختج تموت.. جان مهدي يلح نتزوج ب اليوم الي كتله موافقه
رجعلي من امه وجه مزرك
وكلي اسف ماريدج اعتذر لان امي تكول عليج بت حرام
.................................
هواي نقاط سود بحياتي انته منهن
جنت تكلي ب الدرس كومي يا(منجا)
عرفت ليش اسميني بهذا الاسم  لان راخيه من بره قويه من جوهه
عكسك يا متعلم يامثقف الي قوي من بره راخي من جوه يلي كلامك الي ميطابق افعالك اعتقد لازم اكله شكرا لان طفرت ع سطحنه وهديتني الحب
خليتني ادور عليك بمساعده القدر حته اصادفك مره لخ
الجانب الخفي من شعوري مو سهل علي ارويه
اشكرك فكيت اسري من الجهل الي عشته علمتني بس للاسف معلمت نفسك
.......
اخذت ام فهد الشاهد ع برائتي  واجهت امه
وحجتلهه ام فهد جانت دموعي توازي بحر مو ضعف وانما اني مغبونه بس لا اكثر ولا اقل
سمع مهدي كل الكلام الي كالته ام فهد جان واكف بنص الهول دفعته  لان جاي علي يكلي اوكفي لترحين يمه كولي شي عيب من البنيه ع الاقل
كتله وخر يا مدلل امك اني مغلطت بحقكم
ضل لازم طرف عباتي لان جنت منفعله نزلت عباتي ع خصري ضل لازمه معاند باوعتله بنضره انتصار
كتله اخذهه لعد ذكرى مني الك وذبيته تكبعت ويا ام فهد بس حته اغطي روحي ورجعت للبيت جتني العصر ام فهد جايبتلي علم افضع من كلام ام مهدي علي طلعت هيه وازهه و مدليه مرت ابوي ع بيت امي الي ربتني وقنعت ابوي يذبني ع عتبه الباب ويخلصون مني // نقطه
راس سطر
انتهه مهدي من حياتي رغم قصه الحب القصيره بس تفاصيله اكبر من انو ارويهه الكم لان هناك سوالف ب الكلب متسولف
رجعت ادرس واتعلم دزيت ام فهد ع ابوي  علمود اوراقي الثبوتيه وصيتهه لجيب طاري ورث البيت ابد
درست سادس ابتدائي خارجي وثالث خارجي وجاي ادرس سادس وبعدهه مهدي من اطلع اشوفه واكف ابابهم عينه علي وعباتي من ذاك اليوم ابد مرجعهه..
اختي ليال عايشه ع الغسل تغسل ب الاسبوع ٣مرات ومرات٤تتخربط
جوان  اجوهه خطابه ارفضهم قبل لا تكول رايه  😭 لحد ما اجه شاب عينه كويه وكال لو اختج لو ماكو انطيته وجان شرطي يبنون فوك السطح وتكعد حته اصير قريبه علي وما نتفارك وافق وازوجو
اصدكون هذا اول فرح الي بحياتي ماذكر فرحت صحيح نجاح خواتي فرحه بس مو مثل هذا الشي الي ماكدر اوصفه
سمعت بمهدي يخطبوله ومايقبل يتزوج
وجانو يوصلولي كلام امه تكول عاگدته
واني مو يمهم جان اكدر ابيع البيت واهج اني وخواتي لغير مكان بس ذكرياتي كلهه هنا ومنطقتي يعرفونه وجوارينه يعزون علي افاركهم
كبرت وبين بيه الشيب
طلعت اندك الباب عابتي اعرفه بعتبه الباب
عليه ورقه
السلام عليكم حليمه
احبج
اسف اخذنه الكبر وما ردينه وتحاجينه
هاي عباتج الي ضلت وياي جم سنه عديهن من يمج
اذا ما عادتهن يعني عمرج ماحبيتيني
من تقرين رسالتي  انتي متمكنه من القرايه لان خوش علمتج اني مسافر رحت لغير مكان..مكان مابيه انتي
مابيه دخان تنورج المزعج  مابيه بجامتج الي جوه الدشداشه الي ياما وياما ضحكت  عليه بس ندمتني صاحبتهه ب الاخير
احبج وبس
مهدي💋
.....
اخذته وطبت بعد مانست روحه واكفه بعتبه الباب
وچررت حليمه تنورهه للخبز وذبت الرساله والعبايه ب التنور
باوعتلهن يحتركن مثل ما احترك كلبه من مهدي
الي سمع كلام امه بدون ميتاكد حته من صحه الحجي
مادمعن عيونه
لان هيه اقوه من هذا الشي
..   ....
النهايه