حليمه💪

شعور لا ارادي

من سمعت حليمه بقرار اخته جوان.. اجاها شعور لا ارادي
وكلتله الله كريم
جوان حچيج هذا خليه بعدين اني جاي اشتغل نتباصر ويصير خير.. لا تتسرعين
راحت جوان تمشي ع كيف وشويه وادير ع اخته حليمه اشوفه وحراره النار تلهب بوجه اخته المحمر الي مبين عليه التعب والعرگ.. بس مابيدهه شي اسويه
حليمه شايله التعب عنهم ومتريدهم يتعبون مثلهه
طبت جوان ع اخته ليال

جوان// ليال اني ما امتحن راح ابطل
ليال// انتي مخبله شي انتي اشطر مني منو راح يساعدني ب الفيزيا مثلا
حبيبتي انتي التوئم والتوئم مينفصلون منو خله بعقلج هلسوالف اكيد فطوم الحقوده هيه هم تكول مراح ادخل وابطل

جوان // فطوم ماله علاقه تره مو بكل شي كلتي فطوم فطوم ليش متحبين يصير عدي صديقات ليال لي مته اضلين انانيه

ليال // شوفي اكلج اذا تبطلين فحالتج اصير لعبان نفس وحالج حال حليمه اسوين طلبيات خبز وتخيطين دشداشه كودري ب السنه حسنه وحته لو ينطنج النسوان فلوسه لو يكللج الرجال عماله وماعدنه جوان شبيج انتي شنو تغير

جوان // شبيه حليمه مو جاي تلبسج من كدهه وتعبهه
ليال// صح بس اني ماريد اصير مثل مستواها اكنس وامسح اصير زلمه اله شويه بابا انتي انخلقتي بنيه
انخلقنه خوات وجينه بنفس الساعه ماريدج اصيرين مثله شوفي حالته التعيسه بربج هاي بنيه ومحسوبه علينه
ولج محد يباوع عليه الي بكدهه مخطوبات كل شارعنه محد يدك بابنه اله للخبز والحفافه تردين تكعدين تلزميله الخيط لو اسمعين محاضرات امج الي متخلص.. روحي بس انتو عائله فگر يمته الله يخلصني منجن يلبووم ضلي بومه مثل اختج ويع وخري من دربي خل اطلع اشم هوه
......

كل الحجي الي حجته ليال سمعته حليمه
انهارت من داخلهه مهما يكون هيه بشر..
من طلعت ليال شافت اخته واكفه..
ليال // ها انتي هنا يلا عاد همزين سمعتي الحجي
حليمه// وانتي ميهمج احد تحجين وخلاص ليش تعامليني جني خدامه لان مارحت مدرسه وشلت جنطه
شنو فرقي عنجن واذا كنست ومسحت احنه عايشين ابيت واحد قابل انتن نزل
ليال// اني جم مره ياحليمه كتلج عدلي حجييج ولله انتي معيديه مدري شنو عدج كلام صعب افهمه اوي لوثتي اذني تره شو وخري عني مناقصه بس حليمه وتتاثر واسوي روحه ام المشاعر
...   .....

حليمه جرت ليال من ايدهه وكلتلهه
اللبس الي لابسته هسه اني مشتريته وكامت اتجر  بيه
وهاي الساعه الي بعدج منازعته حضرتج اني جمعت فلوسه حته بس تشتريهه والجنطه الي اذبيه بنص البيت اني وصيت النساوين حته يجيبنه الج وحاولت اصير ع  ذوقج ولان ذوقج احسن من ذوقي بكلشي عيبتي عليه بس جان موديله حلو  ولبستيهه ولا كلتي شكرا لو كلمه طيبه بحقي واني خيتج
اعد بعد

لو اسكت حته لتزعل امي
والصدريه الي تختارين موديلهه واسويه فيت عليج وحته تخصير اخصر رغم امي متقبل بلبسجن الضيك تخاف عليج اكثر مني لان اني كاعده ب البيت وعمري مطلعت
بس متخاف ع مشاعر تنجرح.. واحاول اكبت شعوري اكول ميخالف ها هسه حجيي مفهوم  وصرنه مساووين بلهجتنه
ماعدج حجه تقلدين شو سكتي يا حيه خيتج تكلج اساعد اختي وامي بس انتي منصحتيهه  عدل وفكرتي منو يساعدج ب المواد وضربتي اتعس حال الي هو حالي
اريد اوصلج معلومه حالي احسن من حالج
لان احب نفسي وماكرهت حياتي حته اسمي خليتيني بهذا كلامج احبه .. وابد مجنت عاله ع احد منكم

ليال // اي اي تبجبجي حته تقنعين خيتي حبيبتي تبطل
وراحت ليال تحضن جوان
...
جوان مشاركت ب الحجي جانت بس تسمع ليون يوصل هذا النقاش وجانت تتمنه يخلص بدون ميعله حسهن اكثر وتسمعه امهن وتنقهر عليهن 😭

حليمه// جوان لتبطلين ابد مشكيتلج اني تعبانه
واذا ع امي تره امي بعدهه قويه ومستقبلج ان شاء الله احسن من حال حليمه
اتمنه هذا الحجي ميوصل لامي وما اسامحج ليال
لان مو كل مره تسلم الجره
راحت حليمه وحبست روحه بزاويه تبجي
وجانت تكول عادي هاي دموع زايده تروح وتنسي وتجي وراها ضحكه اني ما متوقعته لان ابد مجاورت التنور الطين لو مكينه الخياطه ومتخيلت نفسي اني بافضل حال اكو غيري حياتهم صدك تعيسه واذا ع الكتابه والقرايه من باجر اتعلم
.....

اما ليال وجوان سدو باب غرفتهم وكعدو
بس جوان ابد مسكتت ل ليال وعاتبته ع صلافتهه ويا اخته الجبيره

ليال// اش اش بله صدكي اكطع ايدي منا اذا طلعت هاي اختنه انتي دشوفين منظرهه وهيئته وين اكو وحده تلبس دشداشه جواها بجامه يا اختي سكتي هاي مو من عدنه ولا اعترف بيه اصلا وغصباً ما عليه تصرف علينه لان هيه اتعس من الخدامه لا متعلمه لا مثقفه حته تلفزيون متابع

.....
وتعبت من هذا البارت اتمنه يعجبكم 💋💋💋
🌹🌹🌹🌹🌹🌹🌹🌹🌹
🌹🌹🌹🌹🌹🌹🌹
علقو ع الاقل لتنسوون 😂😂😂😂😂😂😂😂😂