حليمه💪

عائلتي

من نزلت حليمه
جانت امه نايمه.. امه مره جبيره ب العمر وحته سمعه ثقيل
وخواته

(جوان وليال )  ثالث متوسط
همين دوامهم عصري بعدهم مراجعين من المدرسه
حمدت ربه لان محد
جان انرعبن الخوات
حليمه تحب خواته.. مصرفهن ولبسهن عليهه كلشي عليهه
خل نكول هيه ادير هذا البيت بوجود امه
.....
ضلت ادور حليمه ب البيت لوحدهه مره تنظف
مره تعزل غرفه خواته
لحد ما اجه وكت الخبز كعدت امهه
...
يمه كعدي الله يخليج بسج نوم صار العصر وقربت جيه البنات خلي يشوفنج كاعده.. يحتاجن شي

خل اوجر تنوري ع الاقل.. كالته بشقه وبحكم الميانه

ام حليمه// يمه راسي مدري شبيه..وين نمت انتي كضيتيه تحوسين تخلين احد ينام 😂

حليمه //هذا النوم كله وتكولين مانمت شخيرج يطر الهامه ام حليمه ع كيفج

ام حليمه//ولج بسچ مداهر تره ارجع انام 😂 وعلي
حليمه// لا يمه راح اخبز واعوفج

ام حليمه // خبزي عدل مو محرك النساوين ليش حليمه حاركه نص صفطه الخبز

حليمه// هم سميتيني حليمه وجنيتي علي و هم تحجين  يايمه وكفه التنور موهينه
.......
ام حليمه وكفت ع راس حليمه وهيه اطلع العجين
ادري بيج متعوبه يابنيه سوده عليه اني مايهون علي اخليج بين الخبز والخياط خذاني الكبر بساع بساع وموتت ابوج خذت كل حيلي انتي الرجال والمره بهذا البيت يمه اذا اموت انتي لخواتج ماعيد السالفه

حليمه// يمه كل يوم تعيديه وتكولين ماعيدهه صح كلنه راح نموت وطوله العمر الج المن المفاول جوز اني احترك واموت وانتي اضلين

ام حليمه//يمه اسم الله ع بنيتي قطعه چبدي انتي يبوي خل اوخر صاير ميتسولف وياج سوالفج غبره
وراحت تمشي ادردم بحجي مامفهوم

حليمه //تعاي اوكفي لا احترك عاد طفيني ينبع الحنان اها راحت ادردم اني لو اعرف ليش سموني هذا الاسم وعلي ارتاح
عاد لو اعرف امشي من النساوين جان غيرت الاسم
جانت اسولف بينه وبين نفسه
وهيه اطك الخبز اسميه ليال
لايابه غير اختي ليال اسميه اسميه(توت)  😂وجانت اسولف وتضحك توت خربان
كرز كرز بايت(جنفاصه) گونيه 😂
غزاله لايابه ويني وين الغزال
وهناك اجتي اخته.. جوان
جوان// حليمه ويامن اسولفين شنو راكبج جني
حليمه//جا ماكو احد اسولف وياه اريد اغير اسمي ماحبيت روحي واسمي حليمه حلموكي 😂
جوان//انتي ولله فارغه شبيه اسمج تره مو ب الاسم
حليمه//ها جا لا اسم لا خلقه احرگ روحي احسن عيشه تقصر العمر هاي

جوان//حليمه تعرفين انتي شنو ب النسبه الي ولامي خلاص عرفناج حليمه تغييرن اسمج جوز انتي هم تتغيرين
حليمه//اني اريد اتغير اريد اصير نثيه

جوان//الحب يخليج نثيه ع كولتج ونثيه جميله رقيقه
حليمه// روحي روحي من يمي دخلتي بكلويا مدري شسمه امتحان الاخير شسمنه انتن امهات المدارس

جوان//اسمه بكلوريا يا فهيمه يا اختي الجبيره ماجذب عليج
دخلت بس مناويه امتحن كافي تعلمت اكتب واقره خل اساعدج اعين امي تعرفين بيه متكوم وتكعد اله تتچه وتتوسد شكو يمه
_________________
البارت الجايه نشوف احداث ان شاء الله اقوه
اتمته يعجبكم ❤💋