...
ادري وين تجرجر بيه عله كيفك ياسالم قابل راح يطير بيت اهلك ... هو اليعزم هسه يتصل باذان المغرب ...
دعوفي السوالف يا هاله وامشي مابقه وقت وبعدين امج واخواتج هناك والكل ملتمين فعيب هالسوالف.....
هاله هي بت الحجيه سلوى اللي مات زوجها بالحرب وماعدها غير ٣ بنات هاله وكوثر وتبارك وبس هاله بيهن متزوجه من سالم...
يالله وصلنه ماريد وجهج مكشر بوجه امي وانسي الطلايب مال كبل هسه عزلنه وصار بيتنه لوحدنه ....
ام سالم جانت عجوز الشووم عله هاله وجانت ليل ونهار طلايب وماخلصت منها الا لمن عزلت وهذا الشي حرك كلب ام سالم واقسمت الا تحرك بيتها عله راسها....
هله بسالم من جانه هلا بسورها ونورها والله كلت اذا ماتحن وتجي نعزمك ونشوفك ....وهمست باذنه يجوز مرتك الكرطه ماترضه...
هاله سلمت عله عمتها ومثل ماوصاها سالم ضحكت وابتسمت بس كله جذب ومن باب المساعده شالت المواعين من الكاع تريد تخليهن عالطاوله فماكدرتهن وطاحن اثنين وتكسرن فمباشرة ام سالم كالتلها هاي مدبرتيها شلون تدبرين بيت لوحدج...
امها واخواتها كوثر وتبارك ضاجن وكالتلها امها ياهو الشاره عليج عوفيهن بالطكاك....
كالت كوثر لأمهاالعزيمه صارت زقوم وادري هاي العجوز تريد تذلنه كليتنه مو بس هاله.....
شنسوي ييمه بعد هاي قسمة اختج وهلتشوفين رجلها نعجه وسارحه لا يهش ولاينش ...
من كملوا العشه كالت ام سالم يمه سالم باجر اجييكم اريد اتعشه يمك وانتي ياسلوى جيبي بناتج وتعالي ...
.....
صادق الشاب الطموح اللي يخلص كل وقته عالنت والاخبار هو الحبيب اللي يسكن كلب كوثر وموعد زواجهم قريب بس اتاخره كل مره ام هاله تريد من صادق يدبر حاله ومايعتمد عله اهله ويشتري بيت لكوثر....
اما تبارك فقسمتها ماجايه وباقيه وي امها وكلما يتقدملها واحد ترفضه وامها تحاجيها يايمه ادري لشوكت تبقين باجر عكبه اني اموت منو الج منو يبرالج لا اخو يحن ولا بن عم يبرالج.....
يمه مانروح لعزيمة هاي العجوز وانتي تدرين منطيقها لعد شنو تكولين تحضرن نروح لبيت هاله ...مانروح يعني مانروح ....
يمه بنياتي امس واحنه موجودات شفتي شسوت بخيتجن يعني اليوم اذا بس زوجها الطلي يمها شتسوي.....
بهالاثناء اتصلت هاله ...يمه مو تتاخرون تره البومه اجت من الصبح...
..........
..........
اكلج هاله...
ها عمه ...
اخواتج لحد هسه بايرات شمتانيات مايعرسن...
عمه شنو بايرات ادري يطلعن يصيحن لو يدورن عالعريس هيه قسمه وتجي....
اي صدك قسمه وتلفلفهن عله وحده مثلي ويشلعن كلبها ويضلن يتشرطن الا بيوت بوحدهن...
عرفت هاله انو هذي الليله ماتعدي عله خير بس شتسوي فكالتلها لا عمه كوثر مثل ماتدرين مخطوبه لصادق ابن حسين الحداد ابن حجية نضال والحمد لله مو بايره وتبارك تجيها الزلم بس هيه ترفض...
اي يجوز تبارك محطوطلها
لاعمه لا حاطيلها ولا شي هي ماتريد.....
هنا ندك الباب وفتحته هاله......
هله يمه شلونج ...
هلا هاله
هلو بروكه ...هلو كوثر تفضلن عمتي هنا من زمان...
طبن سلمن عله ام سالم فأم سالم كالت لكوثر هله ام صدوقي شلونج شخبارج
....
فضاجت كوثر حيل وماسكتت وردت عليها انه اسمي كوثر وبخير وبعدني ماتزوجت من صادق حته تناديني باسمه يعني ماصرت اله...
........
حست ام سالم بالذل واول مره ينرد عليها بسلوب هجي قاسي فبكلبها ردت عله كوثر وكالتلها بت الخايبه الارمله الضاله تصيحين بوجهي...صويدق ماراح يصير الج وانه اشم الهوه...
هنا دخل سالم ...
هله عمه ام هاله شلونج ...
شلونجن بنات ان شاء الله بخير....
هلا سالم الله يسلمك....ردن عليه البنات وامهن....
ام سالم ماحجت ولا تنفست من نهرتها كوثر ....
وهمه عالعشه جانت كاعده بصف ام هاله فتدنت من اذنها وكالتلها هاي بنيتج ماشفتي وضعها خاف محطوطلها اكشفيلها مامعقولة عمرها جزة وهي بايرة......
هنا عرفت ام هاله ان ام سالم حجت هيج حته تحرك كلبها مثل ماكوثر ضوجتها فردت عليها....
لا ام سالم هاي قسمه وبيد الله...
ونعم بالله ..كالت ام سالم...
............
............
دوه جريذي دوه الفار دوه للذبان للبك ....
يمه يمه كولي لصادق خل يشتري منه هذا اليصيح ...
يمه صادق البك كتل اخيتك المريضه البارحه اطلع شوفنه هذا الحجي...
اي يمه هسه...
رجع وبيده الدوه وكالها يمه تنشرينه بس بليل وانه اعلمج طريقته وتدللين ....
تلفونك يدك بالغرفه ....
اي يمه اكيد كوثر لان مخابرتها...
لا يمه خابرها لاتكطع بيها هاي مريتك....
ها كلبي شبيج ضايجه...
ماكو شي بس كلت خلنذكرك خاف ناسينه اليوم...
انه انسه روحي ومانساج صدك تحجين
فدوة لكلبك عمري انته...
.........
والله يبنات ام هاله لسويجن فرجه ولحرمجن من العرس وانتي يهاله الا اخليج عبده عندي وخدامه واعلمج شلون تقشمرين سويلم الفاهي وتعزلين ببيت.....
........
........
اسمعني يمشاري انه كتلك اريد سحر يخليهم مايجتمعون كلهم وانه تدري بيه خيري جازي.....
ا.....
ام سالم انه خادمج ومن يوم فتحت محل العطاريه لليوم خيرج مكفيني ...
هاك هذا محبس ذهب واحجيلي شسوي ولاتظل تكلي المن وياهو وليش ....
مشاري شايب عمره بالستين او اقل شوية عنده محل عطارية وهو من المشعوذين ومن اللي خربو بيوت بس محد يعرف بيه وام سالم سمعت عنه وتعاملت وياه وفادها بهواي شغلات لذلك من رادت تنتقم من ام هاله وبناتها راحتله....
اسمعي ام سالم راح انطيج طريقه بس غير تكليلي المن وجم نفر...
شوف مشاري ثلث بنات وامهن واريد اخليهن ضحكه وانت حسابك يجيك بالمليم....
مادام بيها حساب تدللين...
مشاري ليمتها تعاملت وياك بدون حساب.. .
اسمعي تروحين للمكبرة بليل وره ١٢ تحفرين كبر توه صاحبه ميت تحطين بالكبر وي الجثه ورقه تكتبين بيها...
لشكشليعوش بهشيمش بن قطوش فاطس بيدك شماش هربيبش بيدك هاله بشناش بيدك كوثر بشناش بيدك تبارك بشناش بيدك سلوى.......
وره ماتكتبين هاي الاسماء كون انتي مبيته الورقه وي عظم الهدهد يومين وتحطينهن بشيشه زغيرة وياهن قفل وتطمينهن بالكبر....
........
.......
........
السلام عليكم...حجي
وعليكم السلام سيادة الضابط ...
اني الضابط نهاد من امن المدينة وجايين هنا نبلغ اهل السوك عن شخص دجال يبيع ادوية مالت جريذي وبك وماعرف شنو نتمنه من تسمعون اي خبر عنه تبلغونه باسرع وقت ....
اوك تدللون من عيني هذا رد مشاري عليهم....
وراها طك الميز حيل وكال هذا الغبي شلون كشفوه وشلون عرفوه اليوم اروح انعل والديه....
له تابع لطفا...
