بنات الخايبة
علي البدر
البارت الخامس
......
....
صادق واكف بالشارع ومنتظر تكسي تاخذه للشماعيه يشوف كوثر وكلبه وروحه يمها فأشر لتكسي وصعد...طول الطريق جان صافن وسرحان وجان ابو التكسي يحب يفتح وياه اي موضوع حته يحجي...
فكسر السكوت الحجي وكاله...
ايبااااه هاي الدنيه الزغيره ماتسوه نضوج عليها ولو حته انت صعدت ماكتلي وين اوصلك بس الظاهر بعيد....
كاله صادق..حجي للشماعيه اريد هناك عندي مريض ازوره...
رد عليه الحجي اي وليدي احجي ماتسوه الدنيه نخلصها بس ضوجه ...
شحجي ياحجي هو بقه شي ينحجي اني رايح لزوجتي اللي اصلا بعدني ماتزوجتها....
رد السايق لا حول ولا قوة الا بالله بعد ان عرف ان الشاب بمصيبه...
دمعت عيون صادق وكاله من يوم زواجي ومرتي من اريد المسها تتخبل ومن اقرب الها تصيح خنزير وتملخ روحها ...
رد عليه السايق وضحك ضحكه طويله حته صادق ضاج منه وكال وقت ضحك....
ضحك السايق لحد ما اضطر يوكف السيارة وفجاءه تحول الضحك لدموع وبجي وكاله اني سوو بيه مثل سوايتك وضليت شهور زوجتي بعيدة عني وحركت بيت اهلها مرتين وضلت تطلع بليل وتفتر وتصرخ واتحطمت بداخلي بس ما ائيست مثلك ولاذبيتها بالشماعيه لا رحت وعالجتها بالقران والاحاديث وتره كلام الله افضل علاج وعلاج مرتك يمي بس بشرط نعرف منو المسوي السحر لان انطيك ورقه تحطها جوه راسك وتنامون سوه وهذي الورقه بيها دعاء راح تتقبلك مثل مانت بس يبقه السحر بيها ...مايروح الا تعرفون مكان السحر وتفسدونه....شوف وتخليها طول الوقت نايمه وخدرانه شربها منومات حته تكون تحت تاثير المنومات واكيد هذا الدعاء الراح انطيكياه يحسن وضعها لانه ماخوذ من علم اهل البيت بس السحر ماراح يطلع الا تفسده نفسيته....
اليوم تخابرني وتجيني للبيت وهناك ولدي موجودين ويستقبلوك واني ما اشتغل تكسي بس الله يحبك ودزاني عليك....
....
....
....
حس صادق بالذنب اتجاه كوثر وكال مهما يكون ماخليها بالشماعيه ..دخل لداخل غرفتها شافها اي شافها بنص المجانين وملبسينها بدلة زركه بجه وصرخ كوثر ....باوعتله ورغم عقبها وجنونها تقربت منه وكالت ليش تشمروني هنا شسويتلكم اني....
....صار خلاف وي مدير المستشفي يكله اذا تريد تطلعها عله مسؤوليتك اما انا ميصير اكتبلك خروجية وانت تتحمل اي عمل او مشاغبه تسويه كوثر لانها مو بعقلها....
فصاح صادق جيب اني اوقع واتعهد..
رجع بيها للبيت وعيونه حمر من البجي وهو يكول بعد ذيج سنين الحب والعذاب كلها اني اشمر كوثر بالشماعيه ..دخل بيها للبيت وكال لامه يمه كوثر طابت ومابيها شي وغمز لامه حته تفتهم ودخلها للحمام وسبحها وغسللها وبدل ملابسها وكال الها نشفي شعرج وهسه اجيج....
راح صادق لمه وفهمها بكل شي وهي تكول يالله بلكت عله ايد هالرجال الرحماني تتحسن وضعها ..
كالها يمه جيبيلي فاليوم او اي حبوب منوم ....
....
....
وره شويه اجه صادق لكوثر شافها كلها بشنو احله منج الكمر ضمها عله صدره وباسها وكالها هاي حباية مالت وجع راس اخذيها وارتاحي....
ثواني وغطت كوثر بنوم طويل جانت محرومه منه طول ايامها الكضتها بالشماعية....
....
....
ام هاله وضعها ازداد سوء وحالتها تدهورت صار عدها ضمور بعضلاتها وضلت حته ماتكدر تتنفس وجانت تبارك تباريها وبيوم من الايام وبساعات الصبح الاوله سمعوا صراخ من بيت ام هاله سمعوا تبارك تصيح الحكوني ياناس ياعالم امي ماتت ....
اي نعم ماتت سلوى الخايبة اللي ربت بناتها حته تشوفهن باحله ايامهن وجانت تتمنه تشوف ذريتهن وتشوف احفادها ....جانت تلوم الزمن اللي اخذ ابوهن وجانت تلوم ابوهن نفسه اللي مات وعاف هالحمل الثكيل عله كلبها وجانن زغار ويسالنها عن ابوهن فجانت تبجي وتكلهن راح يجيب ملتبس العيد ويجيبنه مصاص وحلاوة وهوه امس اجاني بعالم الطيف وكالي سلميلي عله هالة وبروكه وكوثر وكليلهن جبتلهن العاب....ماتت وماتت وياها كل امالها
....
....
...
سالم ...سالم يمه سالم وينك...
هايمه جايج...
ولك يالله اخذ مرتك وروح لهلها امها ماتت...
امها سلوى ماتت...
اي سلوى الخايبة الفكر ماتت شنو ضايج و تعترض عله حكم الله.....
هاله هاله تعاي عمه.....
خل ياخذج سالم لاهلج امج متخربطه روحي شوفيها...
لا عمه امي يومين وتصير زينه خليني باقيه يمج ...
كتلج روحي وطولي هناك اوك...
بكيفج عمه التشوفينه.......
....
....
....
مر اسبوع عله وفاة ام هاله ...وهاله مومصدكه نفسها انو امها ماتت وشلون ماتت وليش جنت بعيده عنها شنو السبب الخلاني ابعد عن امي جانت تسمعها تبارك وتعرف العمل السوته ام سالم مأثر بيها ومارادت تجرح اختها وتسمعها وتحسسها بس كامت تصبر بيها وتكلها الله يرحم امنا ماعدنه غير الله وماراح ننساها بالدعاء...
ردت عليها هاله صح فقدت امي وحنيتها بس الله عوضني بامي الثانية ام سالم الله يطول بعمرها...
انصدمت تبارك من حجييها وعرفت ان ام سالم مسيطرة عالوضع تماما....
....
...
...
كوثر عرفت بموت امها وضلت طووول الايام تبجي وجان صادق يصبرها وينومها طول الوقت وجان ينطيها المهدئات ويخليها تنام فاقدة يوم ويومين...
مرت عشر تيام عله الفاتحه وكال صادق لازم اخابر الحجي....
اتصل عليه تأسف منه وكاله اعذرني ماتصلت عليك ومامريتك لان ام زوجتي ماتت.
له تابع لطفا
