بنات الخايبة
علي البدر
البارت السادس.....
....
....
السلام عليكم ...
عليكم السلام هله وليدي صادق حياك الله والبقيه بحياتك ولو جنت اعرف بوفاة ام زوجتك ماجنت تاخرت بس يالله هذا مصير البشر لاتضوج.....
الحمد لله حجي عله كال حال وتدري المرحومه ماتت بسبب اللي شافته صارت ببناتها...
وليدي صادق السحر هجمان بيوت وياما شباب وبنات مالهم ذنب راحو وفقدوا شبابهم وحياتهم بسبب هالتصرفات القذرة ...شباب باول نضوجهم وينبجي عليهم دم صاروا مثل الخرفان بدين زوجاتهم او امهاتهن وانت احمد ربك واشكره انو الصار بزوجتك تره سهل ومايحتاج تاكل هم ...ولو تشوف قبل شوية اجت بنت من جوارينه اعرفها مسويلها سحر وعمل مغربي مسويته الها ام زوجها وهذا السحر مكلوب عالعايلة كلها.....
كاله صادق...سحر مغربي شنو ملن ذني الدجاالات من المنتوج المحلي توجهن للمغرب....
ضحك الحجي وكاله هذا سحر مسوينه يليله منتصف بيه الكمر يمغارة اسمها مغارة دانيال بالمغرب وهم يعرفون المسوية هالسحر واسمها يعرفونه بس المشكلة محد يكدر يوصلها حته تفك السحر لانها مسويته عن طريق الجن ....
زين وهسه شبيها البنت....ساله صادق..
جاوبه الحجي شفت من عرضت عليه مصائب الناس هانت عليه مصيبته شفت شلون اكو ناس متاذيه بدرجات من السحر....
ابني صادق هاي البنية تحك جلدها لمن تحكه يصير احمر تحكه لحد ماتحس راح يتشكك ويطلع دم وهذا الدمه يتحول دود صغار ومن تشوف هالمنظر تنجن وتصارخ لحد ماتتقيأ وبسبب قوة السحر والجن حته التقيؤ مالتها دود وجراد...
انصعق صادق وكال حسبي الله ونعم الوكيل الله لايرحمهم برحمته هذوله قتله ومجرمين يشهد الله على ذلك...
.....
....
طلع صادق من بيت الحجي وهو يحمد الله ويشكره فصار راضي عله حالة كوثر بعد ماسمع حالات الناس اللي حجاها اله الحجي واطمأن انو حالة زوجته راح تتحسن بفضل الدعاء اللي انطاه اله...
....
....
.....
ازداد الخلاف بين عزيز ومشاري ووصل حد الضرب وعزيز يصرخ عله مشاري ويكله صار شكد هنا محجوز بهالكبر ليش ماتفكر بيه وليش مافكرت ان الشرطه بس اطلع تاخذني وانته حته بيت مثل ماوعدتني تشتريلي خالفت الوعد وهذا كله واني صابر اي نعم صابر وصلت بيك حته مسواك ماتجيبلي ولامفكر اني عندي اكل شرب لو ماكو كل همك نفسك وبس .....
رد عليه مشاري .....وهو مستهزء
عزيز حياتك كلها خلصتها بهذا الكبر وعمرك كله تدين ليه بدين المعروف الك جاي هسه تحاسبني ... افهم زين عزيز تره حياتك وموتك بيدي...
مشه مشاري عن عزيز وكاله اذا تعيد هذا صياحك بعد اترس حلكك تراب......
....
....
....
تبارك جانت تزور كوثر وتشوف ان حالتها تحسنت وان وضعها تغيير بس جانت طول الوكت غالب عليها النوم فجانت تتردد تبارك عله اخواتها كوثر وحته هاله اللي غلب عليها سحر ام سالم وجانت تشوفها عبده ذليله وشكلها وجسمها نحيل وجانت تعرف وتاكدت ان كل اليصير سببه ام سالم وسببه ذاك الحقد عله امها الله يرحمها....وقررت ان تاخذ بثار امها واخواتها وتبطل مفعول هذا السحر اللي شتت اسرتها....
بس ضلت محتارة بيمن تستعين وياهو يساعدها وهي ماتعرف شي عن السحر والشعوذه ولا تعرف شلون تبطل هالسحر وشلون تاخذ الحجي من ام سالم ...
فقررت تتصل بصادق زوج كوثر وشرحتله كل شي وتفاجأت من معرفة صادق بموضوع ام سالم بس هو هماتين عاجز عن الحل ومحتار شيسوي....
....
....
يوم الاثنين جان غير كل الايام بالنسبة لصادق اجاه اتصال من شخص مجهول وكاله اذا تريد تخلص كوثر من السحر البيها تروح لبيت ام سالم وبالترك الوره البيت تحفر يم تنور الطين وتطلع سحر ملفوف بعلاكه سوده وتفسدة بنفس البيت وتحركه بنفس البيت بس كون تحرك وياه ثوب من ثياب ام سالم التلبسهن دايما ...وانسد التلفون....
هذا جان عزيز اللي اتصل بس ماعرف عن نفسه وهاي خطوة من عنده حته ينتقم من مشاري اللي بده مايعتبره ولا ينطيه شي وهمله بالكبر وخالف كل مواعيده ويمكن مشاري نسه انو كل الاعمال جان عزيز مشرف عليهن وفوك هذا كله قرر يكشف حقيقة حليمه الدلاله....
...
...
سولف صادق كلشي لامه وكالتله خل تبارك تساعدك بهالشي واتصل بتبارك وطلب منها ثوب لام سالم وبعد تفكير طويل عرفت الحيله التروح بيها لام سالم لان ماكو اي فايدة من هاله لانها خلاص السحر انعجن بيها وبدمها وماتخلص من هالشي الا ينتهي السحر وبالفعل قررت تروح لام سالم بنفسها....
...
...
....
بالفعل لبست تبارك ملابس قديمه وبينت التعب عله حالتها وراحت ودخلت عله ام سالم...وسلمت عليها وكالتلها....
ها خاله ام سالم شلونج...
هلا بتبارك شلونج والله زمن صارنه ماشفناج وشنو هاي شصاير بيج حرامات انتي المعدله المعتبره هيج يصير بيج ...وشنو هاي ملابسج معقوله...
اي والله خاله من يوم ماماتت امي لا اخو ولا ابو ولا احد يسال وحته ملابس ماعندي وهالتشوفين الحال....
حاولت ام سالم تذلها وكالتلها انتن ثلاثتجن بنات الخايبة ماعرفتن تتصرفن لامن جانت امجن عايشه ولا من ماتت....
بلعت تبارك السالفه وجانت بكلبها تكول لو بالعه موس ولا اسمع سموم هالمره...
كالتلها خاله اني جاية لان ماعندي احد جايتج اريدج بس تديرين بالج عليه بجم فلس بس اشتريلي ثوب يستر عليه علما اشوفلي بلكت كماليات لو اي محل امشي حالي بيهن....
من طلبت تبارك هذا الطلب من ام سالم حست ام سالم بلذة الانتقام من الخايبة حته وهيه بكبرها فهاي بتها الثالثه اجتها راكعه مثل الجلبه وتتودد الها بس كون تستر عليها...
كالت ام سالم لتبارك عادي انه مثل امج وعندي ذني ثراثيع .(الثراثيع هي الملابس القديمه الزائده عن الحاجه)بدل ماذبهن اخذيهن واكسب بيهن ثواب لاخرتي....
حست تبارك بفرحه جبيرة رغم الذل اللي شافته بس هيه تعتبرها مهمه ترجع بيها كرامة امها الميته وترجع اخواتها لعقلهن وبالفعل استلمت الملابس وطلعت واتصلت بصادق وكالتله كلشي تمام....
له تابع لطفا...
