بنات الخايبةعد
علي البدر..
البارت الثامن والاخير...
دخلت ام سالم وكل عائلتها لبيت تبارك بوقت الغروبيه وجانت تبارك سوت هذي العزيمه حته يفرغ البيت ويكدر يروح صادق ويدور عالسحر ويحفر عله راحته وخلتله ثوب من مالات ام سالم بعلاكهغ....طول الفترة اللي تكون عايلة ام سالم عد تبارك....
اي خاله ام سالم هذا ثواب لامي الله يرحمها...واني ماعندي احد اعزمه فوزعت منه للفقره بمنطقتنه ووديت لاختي كوثر من عنده وكلت اعزم خالتي ام سالم وعائلتها ويقرون الفاتحه لامي...
بهالاثناء كدر صادق يدخل وبالفعل راح يم التنور وحفر ودور ومالكه شي رجع حفر بغير مكان ولكه السحر نفس اللي شافه يم مراد ابو مرايه لزمه بوصله لان كشت روحه منه ولفه بوصله من ثوب ام سالم وفسده وحركه ...
وجان يشوفه يحترك وهو يبجي من الفرح ويكول كوثر راح ترجعلي راح ترجع حبيبتي وتتشافه...راح يتخلصن كوثر وهاله من سم هالمرة للابد لك الحمد ربي ولك الشكر...
راح مشاري بليل للكبر اللي بيه يكعد عزيز وقرر يحرك الكبر باكمله وينتقم من عزيز وينهي ذكره كله ومايخليله خيط ذكر جان يصب بانزين عالكبر وجان مامنتبه للبنزين يطيح عليه لان جان خايف ومعصب ويرجف ورش بانزين كله عالكبر بس بالحقيقه نص منه عله ثوبه وشعل الكبر بالنار وبدت النار تاكل بالكبر وتاكل بجسم مشاري اللي لهمته النار ضل يصرخ ويصيح وينادي بس ماكو اي منقذ وانتهت قصة الدجال مشاري واحترق بنار الدنيه قبل نتر الاخرة وهذا مصير كلمن يمشي بطريق الدجل ....
...
...
...
جان ضابط الشرطه يتابع كلام عزيز ويسجل كل شي يكوله عن هاي العصابه اللي يتزعمها مشاري وام سالم وعزيز وجان يسمع القصص من عزيز وشلون لسنوات يمتصون بدم العالم ويضحكون عالناس البسطاء وقرر ان يقضي عله هاي الخليه بنفسه....
لحظات وصل خبر مشاري للضابط وشرحوله انو هوه راد يحرك عزيز وهو بغرفته اللي بالمكبره بس هو اللي احترك ....
...
كال الضابط بينه وبين نفسه هاي الناس ماترحم بعضها شلون يرحمون بني ادم ويرحمون الناس الفقره...
...
...
قرر الضابط يشكل مفرزة ويتحرك للمجرم الثالث ام سالم ووصله الخبر انها مو بيتها وانها معزومه عد بيت اقاربها اللي هيه تبارك ....
كذلك الضابط تعرف على شخصية رحاب وقرر ان تحضر وياهم لهناك.....
...
...
ببيت تبارك جانت ام سالم تحجي بتفاخر وبصورة بيها غرور وتكبر وتريد تحسس اليسمعها انها سيدة البيت فكالت لتبارك اني اشوف لو تجين تسكنين يمنه وهذا البيت اجريه واستفادي من ايجاره ولاتنسين بيه حق لكوثر ولهاله ...واني بصفتي ام لهاله اشوف من الافظل ان تاخذ هاله حقها من البيت يعني ميصير بس انتي ساكنه بيه وباجر عكبه تتزوجين وياخذه زوجج ...
بهالاثناء دخل صادق للبيت ويه دخلته بدت هاله تصرخ وتصيح من معدتها وبدت تتقيا وفقدت وعيها واجه صادق وشاور تبارك كلها نيميها عالقنفه الظاهر السحر يريد يطلع ويودع وابتسم....
...
...
اندكت الباب وطلع صادق وتفاجا بالشرطه ...
فطمنه الضابط وكاله احنه جايين عله شخص واحد والبقيه مايخصونه...
كله صادق اكدر اعرف منو هالشخص ...
رد الضابط اكيد بس ندخل الاول.....
....
....
....
كل الوجوه صابها الرعب وكلها فقدت النطق لان اول مره تدخل الشرطه لبيت سلوى وكسر الضابط هالسكوت وكال منو بيكم ام سالم....
الخوف افقد ام سالم النطق وكوه لفظتها...
ا ااااا انه انه ام سالم ...
فناده عله رحاب وكال لام سالم تعرفين هذي منو...
انصدمت وتخريطت ام سالم وكالت ..
اي اي اعرفها ...لا لالا ماعرفها هذي مسته شجابها هنا....
حجت رحاب وكالتلها اني رحاب اللي عيشتيني انتي ومشاري طول السنين عيشتوني خبله ومادري بحالي من مدينة لمدينه كتلتوني انتي ومشاري بسحركم مثل ما كتلتي ذتي المساكين وموتي امهن ....
تدرين عزيز اعترف بكل شي ...تدرين لو لا...
هنا كالتلها تبارك تدرين ماعزمتج لسواد عيونج ياتافهه انما عزمتج حته صادق يروح يحفر ويطلع السحر الاسود السويتيه لاخواتي ويحركه...
حاجاها صادق وكالها حركته وبواحد من ثيابج الاخذتهن تبارك وشنو تتوقعين تبارك محتاجه الج ...
اسمعني صادق كالتله رحاب ...
الخابرك وفهمك هو عزيز وهو بالعصابه وياهم وماعترف الا حته ينتقم .....
جان سالم مصدوم من اليسمعه ومن كل الحجي وشلون امه تسوي هالشي ومنو ذوله العصابه...سالم يصرخ ويصيح منو ذوله العصابه اريد احركهم وحته هاي الحيه وياهم...
كالتله رحاب...
العصابه همه عزيز وامك وزوجها مشاري اللي متزوجته بالسر صار سنوات ومو حبا بيه وانما حته تستفيد من خبثه ولقائهم جان بالمحل مالت مشاري واحب اكلج انو زوجج مشاري احترك اليوم وانكلع لجهنم....وره ماراد يحرك عزيز لان فضحكم...
شنوووووو زوجها منو وشلون تزوجته وشوكت....
كالتله رحاب اسال امك ...يمكن تجاوبك...
كام سالم وسال امه احجي هذا الاسمعه صدك هذا الحجي صحيح جانت امه ساكته ....
صاح بيها بعالي صوته احجي بنت الكلب احجي ولزم جفجير جان يمهم مطروح وظل يضريها عله راسها وعله وجهها وهي تصرخ وتصرخ وشكت ثوبها ونفشت شعرها وهجت وانهزمت وكل ماواحد يلزمها تضرب وشردت والدم يصب من راسها وفقدت عقلها....وطلعت تصرخ بالشارع
....
....
....
كوثر وهاله وتبارك بنات الخايبة سلوى تعرضن للسحر الاسود اللي فرقهن وابعدهن عن بعض بس بالاخير يبقه الدجل والسحر والشعوذه طرق قصيرة لايقع فيها الا من يخشاها....التوكل على الله في كل الامور هو السلاح لكل داء وهو الدواء وهذا الشي اثبته صادق وقرر يفتح الورقه اللي جان يحطها جوه المخده من تنام كوثر وبركبتها من تكعد فتحها وقره المكتوب(الله هو الشفاء الاعظم وبأسمه تحل النعم اينما يحل اسم الله يكون الخير وافر)....
انتهت...
