حدقة العين

البارت -- ١ --

ربى

ب١٠ الصبح
اتصلت على خطيبي اياد

اياد: الو
ربى: نايم ... شعندك نايم
اياد: منو كلج نايم ... بالدوام و تعبان
ربى: صباح الخير
اياد: هلو حبيبي صباح الانوار افتحي كامره خلي اصبح بوجهك الحلو
ربى: اي اهلي يسلمون عليك
اياد: الله يسلمهم يعني محظوره
ربى: اي
اياد: كومي من يمهم
ربى: نسيتني ليش خابرتك
اياد: ليش
ربى: خبر مفرح تفرح واطير من الفرحه وتركص ... وتركص الي يمك  ..  تسوي عزيمه وتعزم امة محمد على هل خبر
اياد: ظهر امام المهدي(ع) شكو ولج
ربى: 😡 استغفرالله
اياد: انجبي ماكفرت بس مااسوي هيج اله ظهور المهدي(ع)
ربى: يعني تركص 😡
اياد: اكيد لا هسه كولي شنو الخبر.... لاتگوليا لا بداعتي معقوله
ربى: شكو
اياد: ألتفت والكاج يمي لا لا مستحيل يعني التفت ...اني اكول اسمع صوتج طلعتي يمي
ربى: باي مو صوجك صوجي اخابرك
اياد: اروح فدوه لبخولتي الزعلان اليوم مبذر وتوزع افراح شكو
ربى: باي باي باي 😡
اياد: اوكف جاي اشاقه شبيج تزعلين بسرعه
ربى: لان فرحانه وانت تنكت وتستهزء
اياد : يله العفو كولي شكو
روبى : اوك استعد
اياد: من هسه ابتسمت وكلبي يدك
ربى: هههههه طلعت القبولات ونقبلت بالجامعه
اياد: اي وبعد
ربى: اي نقبلت
اياد: اي كملي
ربى: ولك انقبلت شكمل
اياد: اي والخبر كملي خلي افتهم
ربى: اياد😡انقبلت انقبلت
اياد: اي افتهمت وبعد القبول الخبر المفرح شنو
ربى: جامعتي نقبلت طالبه اداوم هذا الخبر المفرح هاي شبيك
اياد: لا والله هوه هذا
ربى: باي

سديته زعلت منا
مكروه يحب يضوجني
مافرح لفرحي حسيته ضاج يحب يستفزتي

بكثر فرحتي بالقبول
بكثر حزني من اياد اسلوبه وتصرفه

شوي ودخلت ماما غرفتي

اقبال: اكو وحده تخابر خطيبها تفرحه تسده بوجه
ربى:خابرج لازم يسولفلج ... انتي تجين ترزليني هذه معروفه
اقبال: احترمي عيب هذا تصرفج
ربى: ماتعرفين شنو الموضوع .  هو قهرني وسديته
اقبال: خابري اعتذري
ربى: ماما اطلعي لا اطلع قهري بهل بيت واكسر الغرفه
اقبال : ماتسويها
ربى: اسويها
اقبال : ماتتحملين تكسرين غراضج بخيله وماتسويها
ربى: هم صدك مايحتاج اكسرها على مشكله بسيطه
اقبال:  هههههه مخبله هسه طلعت مشكله بسيطه من سمعت بيها فلوس

طلعت ماما واتصل اياد

اياد: ليش هيج تتصرفين وياي . .. عرفتها السالفه من تنقبلين تتغيرين عليه وتشوفين نفسج
ربى:  اهووو راح يحور الكلام ويسويها قصه وماتعبر عليه
اياد: شوفي اسلوبج عبالك تحجين ويه زعطوط مو زوجج
ربى: خطيبي مو زوجي
اياد: انجبي زوجج
ربى: هسه شنو المطلوب يازوجي
اياد: نفس الموضوع نرجع نكرره والله تعبت منج
ربى: اشو من ربى صارت الك انت صرت مغرور وتتكبر وشايف نفسك اكلك لاتخبصني عبالك مامصدكه بعيونك العسليه تره عيوني هم حلوه
اياد: هههه عيوني شعليها بس الظاهر عاجباتج وميته عليهن
ربى: مستحيل يعجبوني ههههه
اياد: ربى حبيبتي افهمي احبج واخاف عليج واغار ....مااريد تكملين دراستج انتظريني من ارجع تكملين بوجودي
ربى: انت لازم تفرحلي مو توكف بطريقي وهذا شرطي .... حتى شرط اهلي اكمل دراستي ...من شنو تخاف اخونك لو اعوفك ....صار ١٠ سنوات حب مافكرت اتركك هسه اجي اعوفك وابيعك بسهوله واشوفلي واحد بالجامعه زين اني رايحه اعرس لو ادرس
اياد: مو هيج الحجي بس اخاف عليج من عيون الزلم
ربى: اني عانيت وتبهذلت بدراستي ومن قررت اثبت نفسي انت توكف بطريقي
اياد: اني أمرج امر وابطلج ماكو جامعه
ربى: اكو واداوم واذا مايعجبك عوفني
اياد: اها صايره قويه وبسهوله تتخلين عني
ربى: لان بسهوله صاير تتعارك .... ليش متغير
اياد: وعيونج اموت عليج وماعندي غيرج انتي كل حياتي بس خايف وتعبت من حبنا اخاف هم نفترق وتصير مشاكل واحنه بالگوه انجمعنا
ربى: لاهيج تگول اسم الله علينا
اياد: احبج
ربى: نفتح كامره لو يمك احد
اياد: شوي وافتح كامره لان يطبون ويطلعون
ربى: ما ... گوم اريد هسه اشوفك مشتاقتلك
اياد: اوك